DEUTERONOMIO 32:20 - Biblia Guarani Tumpa Iñee

²⁰ jare jei: ‘Ayerovata chugüi reta, ¡yaecha maratu oasa reta! Echa kuimbae jeko kavimbae reta ko, cheraɨ jupimbae reta ko.

DEUTERONOMIO 32:20 ပူးပေါင်းရင်းမြစ်များ

2 REYES 17:18

Jáeramo yandeYa iyarasɨ yae ete Israel pegua reta kotɨ, jare opa omombo iyeugüi; jare mbaetɨ etei opɨta vae, jaeño opɨta Judá pegua reta.

2 REYES 17:20

YandeYa opa omboai opaete Israel iñemuña reta, oiporarauka chupe reta, opa omee omaepɨ̈ro vae reta ipo pe, opaetei omoë omombo iyeugüi regua.

2 REYES 17:23

Taɨkue ete rupi yandeYa omoë omombo iyeugüi, jae jei rami opaete iñeemombeúa reta rupi; jare Israel pegua reta oyererajauka tembipɨɨrä iɨvɨ güi Asiria pe, joko pe yogüɨreko añave rupi.

2 CRÓNICAS 20:20

Pɨareve pe ndeimboveasɨ opüa reta yogüɨraja ñuu Tecoa pe. Ñogüɨnoe ramboeve, Josafat oyemboɨ jei vaerä chupe reta: “Peyeapɨsaka Jerusalén pegua reta jare Judá pegua reta, peyeko yandeYa Tumpa re, jare ngaraa pekɨɨye; perovia iñeemombeúa reta re, jare opaete oë kavita peve.”

JOB 13:24

¿Maera pa reñemi chegüi? ¿Maera pa cheapo nderovaichorä?

JOB 34:29

Tumpa mbaetɨ mbae oyapo yave, ¿kia pa ojäata? Oñomi jova yave, ¿kia pa oechata? Jae omae jeta vae re jare kia ñavo re,

ISAÍAS 30:9

Echa kuae tëta pegua reta ko ipɨapochɨ vae jare yapu yae vae, mbaetɨ oipota reta oendu yandeYa iporookuai vae.

ISAÍAS 64:7

Mbaetɨ metei ave oyerure ndekotɨ vae, mbaetɨ metei ave imaendúa oyeko vaerä nderé; jáeramo orereeya, orereeya orepiru vaerä ñana rami, orembaeyoa reta pe.

ISAÍAS 7:9

Tëta Samaria, jae ko kuae tëta güi mburuvicha reta oporookuai vae, tëtaguasu Efraín re, jare Remalías taɨ ko oï mburuvicha guasurä tëta Samaria pe. Pe reta mbaetɨ peporogüɨrovia avei yave, mbaetɨta vi peiko jekuae avei.’ ”

JEREMÍAS 18:17

Ɨvɨtuai rami ko, che opata amoai Israel iñemuña reta jovaicho reta jóvai; chekupeño ameeta chupe reta, ngaraa cherova, oväe yave iara oiporara reta vaerä.”

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

OSEAS 9:12

Jare yepe tëi ombokuakuaa imichia reta, apɨ̈rota chugüi reta, ngaraa amaeño yogüɨreko. Echa, ¡oiporara yaeta che asɨrɨ chugüi reta yave!

San Mateo 17:17

Jayave Jesús jei: —Oporogüɨroviambae jare ipɨapochɨ vae reta. ¿Kërai regua pa aikota pe reta ndive? ¿Kërai regua pa pogüɨropɨata? Peru cheve kuae pe.

San Marcos 9:19

Jayave Jesús jei chupe reta: —Oporogüɨroviambae reta. ¿Kërai regua pa aikota pe reta ndive? ¿Kërai regua pa pogüɨropɨata? Peru cheve kuae pe.

San Lucas 18:8

Che jae peve, jarembae voi ko oepɨ retata. Ërei che Kuimbaerä ayeapo vae ayu ye yave, ¿aväeta ra oporogüɨrovia vae reta?”

DEUTERONOMIO 31:29

Echa, che aikuaa amano ma yave, peikomeguata jare pepiata tape che poyókuai jese vae güi; jare outa peve kuri mbaesusere, peyapo ikavimbae yandeYa jesa róvai jeko pegua, echa jökorai pemboarasɨuka perembiapo reta rupi.”

DEUTERONOMIO 32:5

Mbaetɨ oñeväe jese ikavimbae, taɨ reta ko iyoa, jeko pɨ̈chɨi jare ipɨapochɨ vae reta ko.

DEUTERONOMIO 9:23

Jare yandeYa peokuai yave Cades-barnea güi peo vaerä pepɨ̈ro ɨvɨ jae omee peve vae, mbaetɨ peipota peyapo yandeYa Tumpa peokuai vae, mbaetɨ perovia jese jare mbaetɨ peipota peyapo jeigüe.

2 Tesalonicenses 3:2

Peyerure vi yandeYa orereepɨ vaerä kuimbae jeko ikavimbae vae reta güi; echa opaete reveä oporogüɨrovia vae.

Hebreos 11:6

Ërei mbaetɨ ñanoi mborogüɨrovia Tumpa re yave, ngaraai yamboyerovia. Echa yarovia Tumpa yave, yaroviata oime ko jae jare omboekovia ko oeka vae reta pe.

JOSUÉ 23:10

Metei kuimbae vaeño pegüi reta ombosɨita mil kuimbae, echa yandeYa Tumpa ko oñeraro perekovia pe, jae jei peve rami.