DEUTERONOMIO 32:16 - Biblia Guarani Tumpa Iñee

¹⁶ Omoägüɨrouka reta tumpa ambuae güɨnoi jeko pegua, omboarasɨuka tumpa-raanga omboete jeko pegua;

DEUTERONOMIO 32:16 ပူးပေါင်းရင်းမြစ်များ

1 REYES 14:22

Jare Judá oyapo ikavimbae vae yandeYa jesa róvai, jare omboarasɨuka yae opaete iñemuñagüe reta mbaeyoa oyapogüe güi,

1 REYES 14:9

Ërei ngatu reyapo ikavimbae vae, opaete tenonde yogüɨreko ndegüi vae reta güi, chemboarasɨ vaerä nde reo jare reyapo tumpa ambuae reta, jare jiero tɨkuigüe pe reyapo mbae iägüe, jare chemombo ndeyeugüi;

2 REYES 17:11

opaete mbaemboete renda ɨvɨtɨ rupigua rupi oapɨ reta ikäti kavi vae incienso, jae reta jenonde güi yandeYa opa tëi güɨnoe omombo tëtaguasu reta vae jeko rami; ikavimbae yae oyapo reta vae rupi omboarasɨuka reta yandeYa.

2 REYES 17:17

Oapɨ reta vi taɨ reta jare tayɨ reta tumpa-raanga pe, jare güɨrovia katu reta mbaekuaa rupi maratuta vae re omombeu vae, jare moroäɨvo reta re, oyapo reta ikavimbae yandeYa jesa róvai vae rupi omboarasɨuka.

2 REYES 21:6

Oapɨuka vi taɨ reta tumpa-raanga pe, oyemoambeko mbae oecha vaerä mbaekuaa rupi jare oikuaa vaerä mbae maratuta vae re, oñono imbaekuaa vae reta jare maratuta vae imombeúa reta, jökorai ombojeiete ikavimbae yandeYa jesa róvai vae rupi omboarasɨuka.

2 REYES 23:13

Jaeramiño vi mburuvicha guasu güɨröɨro güi omboai mbaemboete renda ɨvɨtɨ rupigua Jerusalén jóvai oï vae, ɨvɨtɨ Olivo güi arayevɨ kotɨ, kuae reta jae ko Salomón mburuvicha guasu Jerusalén pegua omopüa Astoret peguarä vae, Sidón-ɨgua reta itumpa kuña ikavimbae yae vae; Quemos peguarä, Moab pegua reta itumpa-raanga ikavimbae yae vae, jare Milcom, Amón iñemuña reta itumpa-raanga ikavimbae yae vae.

SALMOS 106:29

Jeko reta ikavimbae pe omboarasɨuka reta Tumpa, jare ou manoɨvɨ jese reta.

SALMOS 78:58

Mbaemboete renda ɨvɨtɨ rupigua oyapo reta vae rupi omboarasɨuka reta, jare omboete reta tumpa-raanga reta vae rupi omoägüɨrouka.

ISAÍAS 43:12

YandeYa jei: “Che ko amombeu, che ko amoërakua; che ko poepɨ; tumpa ambuaeä ko oyapo, pe reta ko jae pemombeu cheregua vae.

JEREMÍAS 2:11

¿Kia nunga tëtaguasu oipoepɨ ra itumpa reta? ¡Yepe tëi jókuae reta ko tumpa añetembae! Ërei kuae tëta chembae chereeya, iyemboetearä aiko tëi vae, chepoepɨ reta tumpa-raanga mbaetɨ mbae ra osirive vae ndive.

JEREMÍAS 2:25

¡Israel, agüɨye ndepɨgüɨrai reve esɨi, agüɨye ndeaseo totini ndeɨuve güi! Ërei rere: ‘¡Ngaraa!, aaɨu ko ketɨgua reta, ajata ko jupíe.’

JEREMÍAS 7:18

Michia reta güeru yepea tu pe jare tu reta oyatapɨ, kuña reta omboípɨu trigokúi mbɨyaperä omee vaerä mbota tumpa-raanga ara pegua Mburuvicha kuña pe oenɨi jae reta vae. Omee reta vi mbota vino oyepɨyere vae tumpa ambuae reta pe, chemboarasɨuka vaerä.

JEREMÍAS 8:19

Mase, cherëtaɨgua reta jäse oyeendu opaete kuae ɨvɨ pe körai: “¿Mbaetɨ ma ra oï yandeYa Sión pe? ¿Mbaetɨ ma ra Juvicha guasu oï joko pe?” Jare yandeYa Jei: “¿Maera pa chemboarasɨuka tumpa-raangarä peñopa kavi peyapo vae rupi, jókuae tumpa-raanga mbaetɨ mbaerä osirive vae jare peikuaambae vae rupi?”

EZEQUIEL 8:3

Jare jókuae kuimbaeecha vae ombou ipo jare chepɨɨ chea pe. Jare Tumpa imbaepuere chereraja ɨvate ɨvɨ güi, Tumpa oechauka cheve vae rupi chereraja Jerusalén pe, jare cheñono öke japɨpe pegua pe, ɨvɨtuguasu kotɨ omae vae pe, joko pe oï tumpa-raanga yandeYa omboarasɨuka vae iä.

LEVÍTICO 18:27

Echa kuae ikavimbae yae vae ko oyapo jókuae ɨvɨ pegua reta, pe reta ndei peike jókuae ɨvɨ pe mbove, omongɨa reta iɨvɨ.

1 Corintios 10:22

¿Ñamoägüɨroukata pa yandeYa?, ani ¿yandepuere yae pa yandeYa güi?

DEUTERONOMIO 32:21

Chemoägüɨrouka reta tumpambae vae re, chemboarasɨuka reta tumpa-raanga reta re; ¡che amoägüɨroukata vi metei tëta ambuae vae re, amboarasɨukata metei tëtaguasu mbaetɨ oipota oendu vae rupi!

DEUTERONOMIO 5:9

Agüɨye peyetavatɨka jóvai, agüɨye vi pemboete, echa che ko jae peYa Tumpa jägüɨro vae, aiporarauka peñemuñagüe reta pe iyoa re vae, taɨ reta, jɨmɨmino reta pe jare taɨ jɨmɨmino reta pe, chemotareɨ vae reta pe,

DEUTERONOMIO 7:25

Omopöra kavi oyapo itumpa-raanga retarä vae peapɨ tata pe, agüɨye peipotarai korepoti ani oro peyeupeguarä, agüɨye vaerä peyemboavai jese, echa pɨ̈chɨi yae ko yandeYa Tumpa pe.