DEUTERONOMIO 32:14 - Biblia Guarani Tumpa Iñee

¹⁴ jare neche kɨra jou reta jare vecha ineche jou reta, jou reta vecha kuimbae taɨrusu vae ikɨra vae, jare vecha kuimbae jare kavara kuimbae ɨvɨ Basán pegua; jou reta trigo ikavigüe, jare vino, uva tɨgüegüe.

DEUTERONOMIO 32:14 ပူးပေါင်းရင်းမြစ်များ

GÉNESIS 18:8

Jare güeru toro taɨrusu vae isoo jare güeru vi guara, güeru imboupa reta jóvai oñono; jare imboupa reta okaru ramboeve ɨvɨra igüɨ pe, jae oyemboɨ jae reta jóvai oyeokuai vaerä chupe reta.

GÉNESIS 49:11

Imburika kuimbae taɨrusu oñapɨti uva iyɨpɨ re vae, mburika mii imembɨ, jemimonde oputuka vino pe vae, jare iñeapevaka uva tɨgüegüe pe.

2 SAMUEL 17:29

ei, mbaekɨra, vecha, kesu, jou reta vaerä; echa oyemongeta reta yɨmbɨaɨ yae ko, jare iɨuve jare ikangɨ ko yogüeru reta ñuu kotɨ güi.

NEHEMÍAS 9:25

Jare opɨ̈ro reta tëta guasu oñekëse kavi ñogüɨnoi tëi vae, jare ɨvɨ kavi, o reta jeta mbaembae ikavigüe güɨnoi vae, ɨrɨru reta, uvarupa reta, ɨvɨra olivorupa reta, jare ïru ɨvɨra ia vae reta; okaru reta, oyemoangapɨɨ reta jare oyekou reta ndepɨakavi re.

NEHEMÍAS 9:26

Ërei oyemboapɨsaä reta ndeve, oñemopüa reta ndekotɨ, güɨröɨro reta ndeporookuai. Neñeemombeúa reta omboeta jeko re chupe reta, oipota ramo omboyerova reta ye tëi ndekotɨ, ërei jae reta oyuka, jare oyapo reta mbae pɨ̈chɨi yae vae.

JOB 20:17

Mbaetɨta oecha ei jare neche ɨ rami osɨrɨ ɨ̈aka rupi vae.

JOB 29:6

Chepɨ ñäkɨ yepɨ neche osɨrɨ vae pe, jare asaite jesaɨ yepi cheve ita güi.

SALMOS 147:14

Jae güeru mbɨakatu ndeve, omee ndeve jeta trigo ikavigüe.

SALMOS 22:12

Cherovaicho reta cheöva jeta toro rami, Basán pegua toro pochɨ jare ipɨ̈rata vae rami.

SALMOS 81:16

Tumpa omongaruta viña imbae vae reta trigo ikavigüe pe, jare ei ñana rupigua pe omoangapɨɨta tëi ko.

ISAÍAS 7:15

Jouta guara jare ei, yarakuaa katu regua, oikuaa regua güɨröɨro ikavimbae vae jare oiparavo ikavi vae.

ISAÍAS 7:22

jare neche jeta vae jeko pegua jouta guara. Jare opaete oasayepegüe jouta guara jare ei kuae ɨvɨ pe.

EZEQUIEL 39:18

Jëia vae sundaro reta isoo peuta jare mburuvicha reta jugüɨ re peɨuta; Basán pegua vecha kuimbae reta isoo, vecha kuimbae taɨrusu vae, kavara kuimbae, güeye jare toro reta oyemongɨragüe isoo rami vae.

OSEAS 11:4

Kuimbae reta jɨmasa pe rami aroya cheyé, mboroaɨu rupi; kia nunga vae oekɨ güeye reta iyatua güi yuvo rami ko che, jare añono chupe reta tembíu.

AMÓS 4:1

Peendu kuae ñee, guaka reta Basán pegua, Samaria iɨvɨtɨ re peiko vae, peyuvanga paravete vae reta re vae; peme reta pe pere: “Peru vino rou vaerä.”

MIQUEAS 7:14

¡Eyangareko ndembae vae reta re ndepopoka pe; ndevecha reta yogüɨreko ndeɨvɨ pe vae re, ñana rupiño, ɨvɨ kavía rupi yogüɨreko vae re! Eeka kapii Basán pe jare Galaad pe; ïru ara oasagüe rupi reyapo rami.

NÚMEROS 18:12

Jare opaete olivo iasaite ikavigüe, uva ikavigüe jare trigo ikavigüe, Israel iñemuña reta omee cheve mbaagüɨyerɨpɨ güi vae, opa amee ndeve.

DEUTERONOMIO 28:47

mbaetɨ ramo peyeokuai yandeYa Tumpa pe yerovia ndive jare mbɨakatu ndive, jeta mbaembae omee peve vae re.

Apocalipsis 14:20

Jare jókuae uva oñetɨamía oï tëta guasu güi ikatu pe, joko pe oñetɨami uva. Jare jókuae uva oñetɨamía güi oë tugüɨ, jare oupitɨ kavayu reta iyayu rupi jare osɨrɨ tresciento kilómetro rupi.

JUECES 5:25

Sísara oiporu ɨ jou vaerä, ërei Jael omee jou neche. ¡Ikavigüe kaua pe omee jou neche kɨra!