DEUTERONOMIO 31:9 - Biblia Guarani Tumpa Iñee

⁹ Moisés oikuatía kuae mborookuai, jare omee sacerdote Leví iñemuña reta pe, käjou yandeYa iporogüɨrökuavee päve pegua ivoɨa reta, jare Israel iñemuña reta itenondegua reta pe,

DEUTERONOMIO 31:9 ပူးပေါင်းရင်းမြစ်များ

1 REYES 8:3

Yogüeru oväe opaete Israel iñemuña itenondegua reta, jare sacerdote reta oipɨɨ käjou

2 REYES 17:37

Peiko avei opaete cheporookuai reta jeigüe rupi kavi, agüɨye pemboete tumpa-raanga reta.

1 CRÓNICAS 15:2

Jayave jae jei: “Levita reta güi mbaetɨ yé kia güɨrajata Tumpa ikäjou, echa yandeYa oiparavo jae reta güɨraja vaerä yandeYa ikäjou jare oyeokuai avei vaerä chupe.”

NEHEMÍAS 8:2

Jare sacerdote Esdras güeru jókuae mborookuai, oyemboatɨ vae reta jóvai, jae ko kuimbae reta, kuña reta jare opaete michia ipuere ma oikuaa vae reta; jae ko tenondegua ara, yasɨ chiúa pe.

NEHEMÍAS 8:3

Jare omongeta tembikuatía oka guasu jóvai, öke Ɨ Röke jee vae jóvai, ndeimboveasɨ güive kuaraɨ ara mbɨte regua, opaete kuimbae reta jare kuña reta jóvai, jare opaete michia ipuere ma oikuaa vae reta jóvai. Jare opaete vae kïrii oyeapɨsaka mborookuai oyekuatía oï vae re.

ÉXODO 24:4

Moisés oikuatía opaete yandeYa iñee reta, jare opüa pɨareve ndeimbove yave, jare omopüa metei mɨmba oyeyuka oyeapɨ jese vae ɨvɨtɨ igüɨ pe, jare oñono doce ita, Israel doce taɨ iñemuña peguarä ñavo.

DANIEL 9:13

Opaete kuae ikavimbae rembou oreré, Moisés iporookuai pe oyekuatía oï rami etei; ërei ore mbaetɨ roeka nde oreYa Tumpa, mbaetɨ roeya orereko ikavimbae, mbaetɨ vi roiko ndeporomboe añetete vae rupi.

OSEAS 4:6

Chembae vae reta opa okañɨtei, mbaetɨ ramo oipota chekuaa. Nde sacerdote reröɨro yemboarakuaa amee ndeve vae jeko pegua, che rogüɨnoeta sacerdote pegua mbaravɨkɨ güi. Neakañɨ neTumpa iporookuai güi jeko pegua, che cheakañɨta vi neñemuña reta güi.

MALAQUÍAS 2:7

Echa sacerdote reta oporomboe kavita ko, jare chugüi reta tëta pegua reta oekata mborookuai, echa jae reta ko Tumpa Imbaepuere yae ete vae iñeemombeúa.

MALAQUÍAS 4:4

Pemaendúa cherembiokuai Moisés iporookuai reta re, ɨvɨtɨ Horeb pe. ¡Jae ayókuai omee vaerä mborookuai reta opaete Israel iñemuña reta pe!

NÚMEROS 33:2

YandeYa iporookuai rupi Moisés oikuatía oiko kia güi ñogüɨnoe vae jare kia pe yogüɨraja oväe vae. Körai oyekuatía oï kia güi ko ñogüɨnoe vae.

NÚMEROS 4:15

Jare Aarón jare taɨ reta opa güire oñono kavi o mbaemboetea oyereraja vaerä jare opaete ïru tembiporu reta yave, jaema oguata retata yave, toyogüeru Coat iñemuña reta, güɨraja reta vaerä. Ërei agüɨye toyavɨkɨ reta mbae oñeñono tee Tumpa peguarä vae, agüɨye vaerä omano reta. Opaete kuae mbaembae tupao guakapi pegua jae Coat iñemuña reta ivoɨtarä.

NÚMEROS 4:5

Teyupa oyereroyakavota yave, toyogüeru Aarón jare taɨ reta, jare topa toekɨ asoya o imboyaoa, jare toyasoi pɨpe käjou yemomaendúa pegua;

NÚMEROS 4:6

jare iárambo toñono reta mɨmba pire ikavi yae vae jare jókuae iárambo toñono reta temimonderä vae vecharaagüe pegua jovɨ vae jare toñono reta jese iɨ reta.

San Marcos 12:19

—Oporomboe vae, Moisés oikuatía oeya oreve, kia omano yave imichiambae, tɨvɨ togüɨreko tɨkeɨ amɨri jembirekogüe, jare jókuae kuña imembɨ rupi, tɨkeɨ amɨri oime vaerä iñemuña.

San Lucas 20:28

—Oporomboe vae, Moisés oikuatía oreve körai: Kia omano yave imichiambae, tɨvɨ togüɨreko tɨkeɨ amɨri jembirekogüe, jare jókuae kuña imembɨ rupi, tɨkeɨ amɨri oime vaerä iñemuña.

San Juan 1:17

Moisés rupi oñemee mborookuai. Ërei Jesucristo rupi ou, Tumpa ipɨakavi jare añete vae.

San Juan 1:45

Jayave Felipe oväe Natanael jare jei chupe: —Roväe jókuae Moisés oikuatía jesegua mborookuai pe vae. Jare ñeemombeúa reta. Jae ko Jesús, José Nazaret pegua taɨ.

San Juan 5:46

Echa Moisés jembikuatía re perovia yave, chereroviata tëi ko. Echa jae oikuatía ko cheregua.

DEUTERONOMIO 10:8

Jókuae ara rupi yandeYa oiparavo Leví iñemuña reta, güɨraja vaerä käjou morogüɨrökuavee päve pegua, jare ñogüɨnoi vaerä yandeYa jóvai oyeokuai reta vaerä chupe, jare jei vaerä ñee kavi yandeYa jee re, añave rupi oyapo rami.

DEUTERONOMIO 17:18

Mburuvicha guasu oyemboguapɨ ma yave, tomoapɨtauka iyeupe mborookuai reta oyeapo vae güi sacerdote Leví iñemuña reta oyangareko jese vae.

DEUTERONOMIO 31:28

Pemboatɨ cheve opaete ñemuña itenondegua ñavo, jare mburuvicha reta, chemiarita chupe reta kuae ñee, ara jare ɨvɨ jovake tae chupe reta.

DEUTERONOMIO 33:10

Ndeporookuai reta re omboeta Jacob, jae ko Israel iñemuña reta; oñono retata ikäti kavi vae incienso nderóvai, jare mɨmba oyeyuka oyeapɨ jese vae ndembae re mɨmba oyeyuka opaetei oyeapɨ vae.

JOSUÉ 3:3

jare oyókuai reta opaete vae, jei reta reve: “Peecha käjou yandeYa Tumpa iporogüɨrökuavee päve pegua, jare ivoɨa sacerdote, Leví iñemuña reta güɨraja yave, pe reta peë peïa güi jare peguata jaɨkue.

JOSUÉ 6:12

Pɨareve pe Josué opüa ndeimbove yave, jare sacerdote reta ovoɨ yandeYa ikäjou.