DEUTERONOMIO 31:6 - Biblia Guarani Tumpa Iñee

⁶ Peñemomɨ̈rata jare peñemoäta ngatu; agüɨye pekɨɨye; agüɨye pekɨɨye chugüi reta, echa yandeYa Tumpa ko oï pe ndive; ngaraa pereeya peangarekoambae.”

DEUTERONOMIO 31:6 ပူးပေါင်းရင်းမြစ်များ

GÉNESIS 26:24

Jókuae pɨ̈tu yandeYa oyekuaa chupe, jare jei: “Che ko jae nderu Abraham iTumpa. Agüɨye ekɨɨye, echa che aï nde ndive, cherembiokuai Abraham jeko pegua cheporerekuata nderé, jare ambojetata neñemuña reta.”

GÉNESIS 28:15

Añave, ko aï nde ndive jare ayangarekota nderé reoa rupi, jare rogüeru yeta kuae ɨvɨ pe; ngaraa roeya, ayapo regua ndeve jae ndeve vae.”

2 SAMUEL 10:12

Eñemoäta ngatu, ñañemoäta ngatu ñañoraro ñanerëtaguasu re, jare tëta guasu reta pɨpegua Tumpa imbae reta re. ¡Jare yandeYa toyapo jaekavi chupe vae!”

1 REYES 2:2

“Opaete ɨvɨ pegua yogüɨrajaa rupi che jaema vi ajata. Eñemoäta ngatu jare eyembokuimbae.

1 REYES 6:13

jare aikota pɨpe Israel iñemuña reta ipɨte pe, mbaetɨta aeya tëta chembae Israel.”

1 REYES 8:57

Toï yande ndive yandeYa Tumpa, ñaneñemuñagüe reta ndive oikose rami. Agüɨye tosɨrɨ ani tiyandereeya.

1 CRÓNICAS 22:13

Opaete oë kavita ndeve reyapo yave mborookuai reta jeigüe yandeYa oyókuai Moisés Israel peguarä vae. ¡Eñemoäta ngatu agüɨye eyembopɨtu agüɨye ekɨɨye!

1 CRÓNICAS 28:10

Mase, añave yandeYa ndeparavo remopüa vaerä chupe metei o mbaemboete pegua. ¡Jáeramo, eñemoäta ngatu jare eyapo!’ ”

1 CRÓNICAS 28:20

Jayave David jei taɨ Salomón pe: “¡Eñemoäta ngatu jare eñemomɨ̈rata, eyapo mbaravɨkɨ! ¡Agüɨye eyembopɨtu jare ekɨɨye, echa yandeYa cheTumpa oïta nde ndive! Jae ngaraa ndereeya ani osɨrɨ ndegüi opa reyapo regua mbaravɨkɨ yandeYa pe: Tupao jare opaete oyeporuta pɨpe vae.

2 CRÓNICAS 32:7

“¡Peñemomɨ̈rata jare peñemoäta ngatu! Agüɨye pekɨɨye, agüɨye peñeiämondouka mburuvicha guasu Asiria pegua pe, ani jeta vae jae ndive yogüeru vae reta pe, echa yande ñaï mbaepuere iya ndive chugüi reta.

SALMOS 27:1

YandeYa jae ko cherekove jare chereroasayepe vae, ¿kia güi pa akɨɨyeta? YandeYa jae ko cheñepɨ̈roa, ¿kia güi pa akɨɨyeta?

SALMOS 27:14

¡Eäro yandeYa re! ¡Eñemomɨ̈rata, eñemoäta ngatu! ¡Eyeko yandeYa re!

SALMOS 94:14

YandeYa ngaraa oeya imbae vae reta, ngaraa oeya iyangarekoambae imbae vae reta.

ISAÍAS 41:10

Agüɨye ekɨɨye, che ko aï nde ndive; agüɨye ndepɨtu, che ko neTumpa romomɨ̈rata vae, romborɨ aveita, chembaepuere pe roñovatu aveita.

ISAÍAS 51:12

“Che ko jae pombopɨakatu vae. ¿Maera pa pekɨɨye kuimbae güi?, jae ko omano vae. ¿Maera pa pekɨɨye kuimbae kapii ramiño vae güi?

JEREMÍAS 1:8

Agüɨye ekɨɨye kia reta güi, echa che aïta nde ndive roepɨ vaerä, che ndeYa ko, jae kuae ndeve.”

JEREMÍAS 32:40

Jare ayapota jae reta ndive morogüɨrökuavee päve opambae, kërai ayapo aveita ikavi vae chupe reta, jare añonota jae reta ipɨa pe oipoɨu vaerä, agüɨye vaerä osɨrɨ reta chegüi.

HAGEO 2:4

Ërei yandeYa jei: ¡Añave eñemomɨ̈rata Zorobabel! ¡Eñemomɨ̈rata Josué sacerdote tenondegua, ete Josadac taɨ! Peñemoäta ngatu opaete vae kuae ɨvɨ pe peiko vae jare peparavɨkɨ; echa che aï pe ndive, jei yandeYa Imbaepuere yae ete vae.

ZACARÍAS 8:13

Jare peiko yepopeyurä ïru tëtaguasu reta ipɨte rupi, pe Judá jare Israel pegua reta, jökorai pogüɨroasayepeta jare peïta mborerekuarä. Agüɨye peyembopɨtu ¡Agüɨye pekɨɨye! ¡Jaeño peñemomɨ̈rata yae!”

NÚMEROS 13:20

jare kërai etei ra ɨvɨ vae, ikavi ra temitɨ peguarä ani mbaetɨ ra, oime ra ɨvɨra pɨpe ani mbaetɨ ra vae; peñemoäta ngatu jare peru mbaagüɨye jókuae ɨvɨ pegua. Echa uva yagüɨyerɨpɨ iara pe ko kuae.

NÚMEROS 13:9

Benjamín iñemuña reta güi, Palti, Rafú taɨ.

NÚMEROS 14:9

Jáeramo agüɨye peyembopɨapochɨ yandeYa kotɨ, agüɨye pekɨɨye jókuae ɨvɨ pegua reta güi, echa mbɨyape yau vae ramiñota ko; mbaetɨ kia oepɨ reta vaerä, yande ndive ko oï yandeYa. ¡Agüɨye pekɨɨye chugüi reta!

San Lucas 12:32

Agüɨye pekɨɨye, pe mbovɨ yae vae reta. Echa Tumpa ipɨa kavi rupi omee peve iporookuaía.

1 Corintios 16:13

Peïndaivi, pepɨ̈rata peporogüɨrovia pe; peyembokuimbae, peñemoäta ngatu.

Efesios 6:10

Jare añave cherɨvɨ reta, peñemomɨ̈rata yandeYa re, imbaepuere yae rupi.

DEUTERONOMIO 1:21

Mase, yandeYa Tumpa omee peve ɨvɨ, pekua pepɨ̈ro pembaerä peñemuñagüe reta iTumpa jei peve rami, agüɨye pekɨɨye jare peyembopɨtu.’

DEUTERONOMIO 1:29

Jayave che jae peve: ‘Agüɨye peñeiämondo, agüɨye pekɨɨye chugüi reta.

DEUTERONOMIO 11:8

Peyapo opaete mborookuai reta amombeu añave peve vae, penoi vaerä mbaepuere jare peike pepɨ̈ro ɨvɨ peota peiko pɨpe vae.

DEUTERONOMIO 20:1

Peë yave peñoraro vaerä perovaicho ndive, jare peecha kavayu regua reta, käretou ñeraro pegua jare jeta sundaro pegüi yave, agüɨye pekɨɨye chugüi reta, yandeYa Tumpa ɨvɨ Egipto güi perenoe vae ko oï pe ndive.

DEUTERONOMIO 31:23

YandeYa oyókuai Josué, Nun taɨ, jei chupe körai: “Eñemomɨ̈rata jare eñemoäta ngatu, echa nde reroiketa Israel iñemuña reta jókuae ɨvɨ añererökuavee cheree re amee vaerä chupe reta vae pe, che aïta nde ndive.”

DEUTERONOMIO 31:7

Javoi Moisés oenɨi Josué jare jei chupe opaete Israel iñemuña reta jovake: “Eñemomɨ̈rata jare eñemoäta ngatu; echa nde rerajata kuae tëta jókuae ɨvɨ yandeYa güɨrökuavee jee re omee vaerä peñemuñagüe reta pe vae pe, nde reroiketa remee chupe reta.

DEUTERONOMIO 31:8

YandeYa ojota nderenonde; jae oïta nde ndive, ngaraa ndereeya, ngaraa ndereeya iyangarekoambae; agüɨye ekɨɨye jare agüɨye ndepɨa kɨɨye.”

DEUTERONOMIO 4:31

echa oporoparareko vae ko yandeYa Tumpa; ngaraa pereeya jare ngaraa pemboai, ngaraa vi ñakañɨ morogüɨrökuavee päve peñemuñagüe reta pe oyapo jee re vae güi.

DEUTERONOMIO 7:18

¡Agüɨye pekɨɨye chugüi reta! Pemaendúa kavi kërai yandeYa Tumpa oyapo Faraón jare opaete Egiptoɨgua reta pe vae.

2 Timoteo 2:1

Cheraɨ, eñemomɨ̈rata mbɨakavi Cristo Jesús omee yandeve vae rupi.

Hebreos 13:5

Agüɨye peipotarai korepoti. Peyerovia mbaembae penoi vae re, echa Tumpa jei: “Ngaraa poeya peangarekoambae.”

JOSUÉ 1:9

Mase, royókuai reñemomïrata vaerä jare reñemoäta ngatu vaerä; agüɨye ekɨɨye jare agüɨye eyembopɨtu, echa che ndeYa Tumpa aïta nde ndive oipota rupi reoa rupi.”

JOSUÉ 10:25

Jayave Josué jei chupe reta: “Agüɨye pekɨɨye, agüɨye vi peyembopɨtu; peñemomɨ̈rata, peñemoäta ngatu, echa körai eteita vi yandeYa oyapo opaete perovaicho reta.”

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

1 SAMUEL 12:22

Echa yandeYa, jae jee re ngaraa oeya imbae vae reta; echa yandeYa oipota pe reta peiko jae imbaerä.