DEUTERONOMIO 31:3 - Biblia Guarani Tumpa Iñee

³ YandeYa Tumpa ojota perenonde; jae omboaita peve kuae tëtaguasu reta, jare peiketa peiko pɨpe; Josué ojota perenonde, yandeYa jei rami.

DEUTERONOMIO 31:3 ပူးပေါင်းရင်းမြစ်များ

GÉNESIS 48:21

Jare Israel jei José pe: —Mase, che jaema amanota, ërei Tumpa oïta pe ndive, jae pereroyerova yeta ñaneñemuñagüe reta iɨvɨ pe.

Hechos 7:45

Jókuae tupao oñemee ñaneñemuñagüe reta pe, jare jae reta Josué ndive güeru, kuae ɨvɨ judiombae vae reta güi oñepɨ̈ro yave. Echa Tumpa opa güɨnoe omombo reta ñaneñemuñagüe jenonde reta güi. Jare David oiko mburuvicha guasurä yave, oimeño kuae pe oï jókuae tupao.

DEUTERONOMIO 1:30

YandeYa Tumpa ko ojota perenonde, jae oñorarota peré, peecha Egipto pe oyapo rami.

DEUTERONOMIO 3:28

Emboe Josué jare emoäta ngatu, emopɨ̈rata; echa jae ko ojota opaete vae reta jenonde, jare jae omeeta ɨvɨ imbae retarä jókuae reechata vae.’

DEUTERONOMIO 31:14

Javoi yandeYa jei Moisés pe: “Mase, ou ma oväe remano vaerä; jayave eenɨi Josué, jare cheräro tupao guakapi pegua pe, che amee vaerä chupe cheporookuai.” Jare Moisés ojo Josué ndive tupao guakapi pegua pe jare oäro reta joko pe.

DEUTERONOMIO 31:23

YandeYa oyókuai Josué, Nun taɨ, jei chupe körai: “Eñemomɨ̈rata jare eñemoäta ngatu, echa nde reroiketa Israel iñemuña reta jókuae ɨvɨ añererökuavee cheree re amee vaerä chupe reta vae pe, che aïta nde ndive.”

DEUTERONOMIO 31:4

YandeYa oyapota kuae reta pe Sehón jare Og oyapo rami, kuae amorreo reta juvicha guasu reta opa iɨvɨ ndive omboai rami.

DEUTERONOMIO 34:9

Jare Josué, Nun taɨ ipɨa arakuaa yae opɨta, echa Moisés oñono ipo jese; jare Israel iñemuña reta güɨrovia katu jese, jare oyapo reta yandeYa oyókuai Moisés vae rami.

DEUTERONOMIO 7:1

YandeYa Tumpa pereroike yave ɨvɨ peiketa peñemoëta pɨpe vae pe, jare opa ma yave omoë omombo perenonde güi chiu tëtaguasu reta imbaepuere yae pegüi vae: Heteo reta, gergeseo reta, amorreo reta, cananeo reta, ferezeo reta, heveo reta jare jebuseo reta.

DEUTERONOMIO 9:3

Añave peikuaata yandeYa Tumpa ko ojo perenonde vae, jae ko tata opaetei oapɨ mbae oeya vae rami, jae ko omboaita jare omoamɨrita peróvai. Pe pemoëta pemombo jare pemboaita ɨmambae pegua, yandeYa güɨrökuavee peve rami.

Hebreos 4:8

Echa Josué omee yave mona mbutuu ñaneñemuñagüe reta pe, ngaraa tëi Tumpa imiari ye ïru ara re.

JOSUÉ 1:2

“Cherembiokuai Moisés omano ma; añave, epüa easa kuae ïaka Jordán, nde jare opaete Israel iñemuña reta jókuae ɨvɨ che amee reta chupe vae pe.

JOSUÉ 11:15

YandeYa oyókuai Moisés vae rami, jökorai Moisés oyókuai Josué; jare jökorai Josué oyapo, oeyambae reve metei ave ñee yandeYa oyókuai Moisés vae.

JOSUÉ 3:7

Jayave yandeYa jei Josué pe: “Kuae ara güive rombotuicha yaeta opaete Israel iñemuña reta jóvai, oikuaa reta vaerä Moisés ndive aiko rami nde ndive aiko vae.

JOSUÉ 4:14

Jókuae ara yandeYa ombotuicha Josué opaete Israel iñemuña reta jóvai; jare oipoɨu reta chugüi opaete oikove oiko ramboeve, Moisés güi oipoɨu reta rami.