DEUTERONOMIO 31:16 - Biblia Guarani Tumpa Iñee

¹⁶ Jayave yandeYa jei Moisés pe: “Remanota ma, jare kuae tëta oikomeguata tumpa ambuae kuae ɨvɨ pegua reta rupi, jókuae ɨvɨ yogüɨrajata yogüɨreko pɨpe vae pe; chereeya retata, omboaita morogüɨrökuavee päve ayapo jae reta ndive vae;

DEUTERONOMIO 31:16 ပူးပေါင်းရင်းမြစ်များ

JUECES 10:6

Jare Israel iñemuña reta jekuae oyapo ye ikavimbae yandeYa jesa róvai, jare omboete reta Baal jare Astarot, jökoraiño vi tumpa ambuae reta Siria pegua, Sidón pegua, Moab pegua, Amón iñemuña reta itumpa jare filisteo reta itumpa reta pe; jare oeya reta yandeYa, mbaetɨ oyeokuai reta chupe.

JUECES 10:13

Ërei pe reta jekuae chereeya, jare pemboete tumpa ambuae reta, jayave che ngaraa ye ma poepɨ.

JUECES 2:12

Oeya reta yandeYa, iñemuñagüe reta iTumpa, Egipto güi güɨnoe reta vae, jare oguata reta tumpa ambuae reta jupíe, iyɨ́vɨri rupi tëta reta ñogüɨnoi vae itumpa reta, jókuae omboete reta; jökorai omboarasɨuka reta yandeYa.

ÉXODO 34:15

Jáeramo agüɨye peyapo ñemoïru jókuae ɨvɨ pe yogüɨreko vae reta ndive, agüɨye vaerä pemboete itumpa reta, echa omee reta yave itumpa reta pe mbota, opareata peve peu vaerä mɨmba oyeyukagüe, itumpa reta pe omee vae;

Apocalipsis 19:2

Echa iporojäa reta añete jare jupi ko; echa jae ojäa jókuae kuña iyaguasa pota vae, opa güɨrokomegua opaete ɨvɨ pegua reta iyaguasa pota pe, ërei Tumpa oyepɨ ma jembiokuai reta imano re.”

EZEQUIEL 16:15

Ërei reyerovia ndeyé nepöra jeko pegua, jare nerërakua yae vae reipoepɨ ndembokere vaerä, reñemee opaete oasa jokoropi vae pe.

DEUTERONOMIO 32:15

Ërei ikɨra Jesurún, jare opatara (ikɨra yae jeko pegua, jembipe etei ipire): Jayave oeya reta iTumpa, jae reta iyapoa; güɨröɨro reta jeepɨa Ita guasu rami vae.

Hechos 13:36

Ërei David opa oyeokuai yave opaete jëtaɨgua reta pe Tumpa oipota vae rupi, omano, jare oñeotɨuka iñemuñagüe reta ñogüɨnoia pe, jare jetegüe oikomegua.

2 SAMUEL 7:12

Jare remano ma yave, che amopüata metei neñemuña güi jare amboguapɨta mburuvicharä.

JEREMÍAS 31:32

Mbaetɨ peñemuñagüe reta ndive morogüɨrökuavee päve ayapo rami, jókuae ara aipoko anoe ɨvɨ Egipto güi rami; echa cheporogüɨrökuavee päve mbaeä etei chupe reta, yepe tëi che ko jae reta ime rami. Che peYa ko jae kuae.

SALMOS 106:39

jökorai, oyemongɨa reta oyapogüe pe, oñererokomegua reta aguasa pe rami jembiapo reta rupi.

SALMOS 73:27

Echa, oyembosɨrɨ ndegüi vae reta, omanota; nde remokañɨteita opaete oyembosɨrɨ ndegüi vae reta.

JOB 20:11

Taɨrusu jare oikove katu reve, omano retata.

LEVÍTICO 26:15

peröɨro yave che jae vae, jare pepɨa etei güɨröɨro yave cheporookuai reta, peyapombae vaerä, jare mbaetɨ pemboete cheporogüɨrökuavee päve,

ÉXODO 32:6

Pɨareve pe opüa reta ndeimboveasɨ, jare omee reta mɨmba oyeyukagüe opaetei oyeapɨ vae jare mbota mbɨakatu pegua, javoi oguapɨ reta okaru, okau, jare opüa reta güɨropo.

GÉNESIS 25:8

jare omano Abraham indechi yae pe ma, jeta año güɨnoi yave, jare oñeotɨ iñemuñagüe reta oñeotɨa pe.

GÉNESIS 15:15

Reota mbɨakatu pe neñemuñagüe reta ndive, jökorai reñeotɨukata nendechi yae ma yave.

GÉNESIS 47:30

Amano ma yave ayea vaerä cheñemuñagüe reta ndive, chereraja kuae Egipto güi jare cheñotɨ jae reta ndive. Jare José jei chupe: —Ayapota nde rere rami.

DEUTERONOMIO 4:25

Oime ma peraɨ jare perɨmɨmino yave, jare pendechi ma jókuae ɨvɨ pe yave, peyapo yave oipotagüe mbae iä, peyapo ikavimbae yandeYa Tumpa jóvai pemboarasɨuka vaerä yave,

JUECES 2:11

Jaɨkue rupi Israel iñemuña reta oyapo ikavimbae vae yandeYa jesa róvai, omboete reta tumpa ambuae reta Baal jee vae.

1 REYES 1:21

Mbaetɨ ko remombeu yave, nde mburuvicha guasu remano yave, opata ko oreyuka chemembɨ Salomón ndive.

1 REYES 18:18

Jare Elías jei chupe: —Che mbaetɨ ko aiporarauka Israel pegua reta, nde, nderaɨ reta jare nerëtara ko, echa peeya yandeYa iporookuai reta, jare pemboete baal reta.

1 REYES 19:10

Jare jae jei: “Ayandu cherägüɨro yae nde cheYa Tumpa Imbaepuere yae ete vae re; echa Israel iñemuña reta oeya morogüɨrökuavee päve reyapo vae, jare opa omboai reta mɨmba oyeyuka oyeapɨ jese vae reta ndembae, jare opa oyuka reta kɨsepuku pe neñeemombeúa reta; jaeño che apɨta, jare añave chereeka reta cheyuka vaerä.”

JEREMÍAS 36:7

Güɨramoi jayave oyerure reta yandeYa pe jare oeya reta jeko ikavimbae vae, echa yandeYa iyarasɨ omoërakua kuae tëta kotɨ vae yavaete yae vae ko.”

OSEAS 1:2

YandeYa omboɨpɨ imiari Oseas rupi, körai jei chupe: “Ekua, ereko metei kuña iyaguasa pota vae, jare toime nderaɨ reta jae ndive; jökorai jae reta toyogüɨreko iyaguasa pota vae imembɨrä; echa kuae tëta iyaguasa pota rami chegüi.”

OSEAS 10:4

Echa imiari reta yave jei raangaiño oyapo reta morogüɨrökuavee päve; jáeramo teko okuakuaata chupe reta ñana ikavimbae okuakuaa temitɨ ipäu rupi rami.”

GÉNESIS 47:29

Jare oväe ara Israel omano vaerä yave, oenɨi taɨ José, jare jei chupe: —Añetete ndepɨakatu ko chekotɨ yave, romoñera reñono vaerä ndepo cheu päu pe, jare eyapo che ndive mboroparareko jare jupi vae. ¡Romoñera agüɨye vaerä cheñotɨ Egipto pe!

NÚMEROS 27:13

Jare opa remae jese güire, nde vi remanota, nderɨkeɨ Aarón rami,

DEUTERONOMIO 31:18

Ayerova eteta ko chugüi reta jókuae ara, ikavimbae jae reta oyapo vae jeko pegua, omboete reta tumpa ambuae reta jeko pegua.

DEUTERONOMIO 32:50

jare emano jókuae ɨvɨtɨ reyeupía re, nderɨkeɨ Aarón omano ɨvɨtɨ Hor re rami;

DEUTERONOMIO 34:5

Jare jókuae ɨvɨ Moab pe omano Moisés yandeYa jembiokuai, yandeYa jei rami,

2 REYES 18:12

mbaetɨ yandeYa Tumpa omboete reta jeko pegua, echa ko oyavɨ reta morogüɨrökuavee päve kotɨ; mbaetɨ oyapo reta opaete mbaembae, Moisés yandeYa jembiokuai oporookuai vae, mbaetɨ oendu reta.

2 REYES 20:1

Jókuae ara rupi Ezequías imbaerasɨ yae ete, oyuka vaerä güɨnoi. Jare ñeemombeúa Isaías, Amoz taɨ ou ípɨri, jare jei chupe: —YandeYa jei: “Emboarakuaa kavi neñemuña reta, echa remanota, mbaetɨta ma rekuera.”

2 CRÓNICAS 21:11

Jare omopüa vi mbaemboete renda ɨvɨtɨ rupigua reta Judá pe, jare oyavɨuka Jerusalén pegua reta pe Tumpa kotɨ jae reta rami, jare opaete Judá pegua reta omombiauka Tumpa güi.

ISAÍAS 48:8

Nde mbaetɨi ko reendu kuae regua, jare mbaetɨi reikuaa, echa ndeapɨsa oyeokenda avei oiko. Che rokuaa ko nde mbaetɨ jupi, ndei rea güive voi ma rombojee ‘ipɨarai vae’ pe.