DEUTERONOMIO 31:12 - Biblia Guarani Tumpa Iñee

¹² Emboatɨuka opaete vae, kuimbae reta, kuña reta, michia reta, ketɨgua reta perëta pe yogüɨreko vae, oendu reta vaerä jare oyemboe reta vaerä, oipoɨu vaerä yandeYa Tumpa güi, oyapo reta vaerä opaete kuae mborookuai jei vae.

DEUTERONOMIO 31:12 ပူးပေါင်းရင်းမြစ်များ

ESDRAS 10:1

Esdras oyerure jare oyemombeu oyaeo reve oyetavatɨka Tumpa jo jóvai oï ramboeve, jeta yae Israel iñemuña reta yatɨ jese: Kuimbae reta, kuña reta jare michia reta; opaete vae oyaeo reta ipɨatɨtɨ reve.

LEVÍTICO 9:5

Jare güɨraja reta Moisés oyókuai vae rami tupao guakapi pegua jóvai, jare opaete Israel iñemuña reta yogüeru oyemboɨ yandeYa jóvai.

HAGEO 1:12

Zorobabel, Salatiel taɨ jare sacerdote Josué tenondegua ete Josadac taɨ jare opaete ïru reta oendu yandeYa Tumpa iñee, ñeemombeúa Hageo rupi jei chupe reta vae, yandeYa Tumpa oyókuai vae rami; jare opaete vae okɨɨye yandeYa güi.

San Juan 5:39

Pe reta peyemboe kavi Tumpa Iñee re. Echa peyemongeta pɨpe peväeta tekove opambae vae. Ërei jae ko imiari cheregua.

DEUTERONOMIO 29:29

Opaete mbaembae yaikuaambae, yandeYa Tumpaño ko oikuaa; ërei oikuaauka vae yandeveguarä ko jare yanderaɨ reta peguarä ko, jekuae avei pegua, yayapo vaerä opaete ñee reta kuae mborookuai pe oyekuatía oï vae.

DEUTERONOMIO 29:9

Jáeramo, peñovatu ñee reta kuae morogüɨrökuavee päve pegua, peyapo jeigüe, oë kavi vaerä peve opaete mbaembae peyapo vae.

DEUTERONOMIO 31:13

Jökorai peraɨ reta mbaetɨ oikuaa kuae regua vae toendu jare toyemboe reta toipoɨu yandeYa Tumpa güi, opaete ara oikove yogüɨreko ramboeve, yogüɨreko yave jókuae ɨvɨ peasata peo peiko pɨpe vae pe, kuae ɨ̈aka Jordán peasa ma yave.”

DEUTERONOMIO 4:10

Jókuae ara peï yave ɨvɨtɨ Horeb pe yandeYa Tumpa jóvai, yandeYa jei cheve: ‘Emboatɨ cheve opaete vae, aenduka vaerä cheñee chupe reta, kuae rupi oikuaa reta vaerä oipoɨu avei chegüi opaete ara oikove yogüɨreko ramboeve ɨvɨ pe, jare omboe reta vaerä taɨ reta oyapo vi jökorai.’

JOSUÉ 8:33

Jare opaetei joko pegua reta: Israel iñemuña reta, ketɨgua reta, opaete tenondegua reta, mburuvicha reta, oporojäa vae reta, oñeñono Tumpa ikäjou iyɨke yɨke rupi, sacerdote Leví iñemuña reta yandeYa ikäjou morogüɨrökuavee päve pegua güɨraja vae reta jóvai. Güɨnoi vaerä Tumpa iporerekua Israel iñemuña reta, mbɨte chugüi reta ñogüɨnoi ɨvɨtɨ Gerizim kotɨ, jare ïru mbɨte ñogüɨnoi ɨvɨtɨ Ebal kotɨ, tenonde rupi Moisés, yandeYa jembiokuai oyókuai reta rami.

JOSUÉ 8:35

Opaete Moisés iporookuai güi, Josué mbaetɨ metei ave ñee omongetaukambae opaete Israel iñemuña reta pe vae, kuña reta, michia reta jare ketɨgua reta yogüɨreko jae reta ipɨte pe vae pe.