DEUTERONOMIO 30:6 - Biblia Guarani Tumpa Iñee

⁶ Jare yandeYa Tumpa ombocircuncidata pepɨa, jare peñemuña reta ipɨa, peaɨu vaerä yandeYa Tumpa opaete pepɨa ndive jare opaete perekove ndive, jekuaeño peikove vaerä.

DEUTERONOMIO 30:6 ပူးပေါင်းရင်းမြစ်များ

ÉXODO 20:6

jare opaete cheraɨu vae jare oyapo cheporookuai reta vae re cheporoparareko.

JEREMÍAS 24:7

Ameeta chupe reta kɨ̈reɨ ngatu, chekuaa reta vaerä che ko jae iYa, jare yogüɨrekota chembae retarä, jare che aikota iTumparä, echa oyerova reta yeta chekotɨ opaete ipɨa ndive.

JEREMÍAS 32:39

Jare ameeta chupe reta metei yemongetaño jare metei tekoño, oipoɨu avei vaerä chegüi reta, yogüɨreko kavi reta vaerä, jökoraita vi taɨkue rupi iñemuña reta.

JEREMÍAS 4:4

Judá pegua jare Jerusalén pegua reta, peyembocircuncida pepɨa pe yandeYa pe, agüɨye chearasɨ tijendɨ pekotɨ tata rami, javoi mbaetɨ kia ipuere ombogüe vaerä, pereko reta ikavimbae vae jeko pegua.

JEREMÍAS 9:26

Egipto pe, Judá, Edom, Amón jare Moab, jare opaete ñuu rupi yogüɨreko vae, iñäka-ɨke oñapi vae reta pe. Echa opaete kuae tëtaguasu pegua reta itumpa-raanga pota vae ko, jökoraiño vi Israel pegua reta ipɨa pe.”

LEVÍTICO 18:5

Jáeramo, peñovatu pepɨa pe jare peyapo cheporookuai reta. Kuimbae oyapo cheporookuai reta vae oikoveta. Che ko peYa.

San Mateo 22:37

Jayave Jesús jei chupe: —Eaɨu ndeYa Tumpa opaete ndepɨa reve, opaete nderekove ndive, jare opaete ndeyemongeta ndive.

Romanos 11:26

kuae oyeapo güire, opaete Israel pegua reta omboasata, oyekuatía oï rami, echa jei: “Sión güi outa Oporoepɨ vae, jae ombosɨrɨta Jacob iñemuña reta güi imbaeyoa reta.

Romanos 8:28

Yaikuaa ko Tumpa omborɨ opaete mbaembae rupi, oaɨu Tumpa ramo, jae jemimbota rupi oyeparavo vae reta,

1 Corintios 8:3

Ërei kia nunga vae oaɨu Tumpa vae, Tumpa oikuaa jókuae nunga.

2 Corintios 5:17

Jáeramo, kia güɨrovia Cristo re vae, oa pɨau ye rami ko. Opaete teko tenondegua oasa ma. Ipɨau ma ko.

DEUTERONOMIO 10:16

Peyembocircuncida pepɨa pe, jare agüɨye mo peyembopɨa täta,

DEUTERONOMIO 11:1

Peaɨu yandeYa Tumpa, peyapo opaete iporookuai reta ara ñavo.

DEUTERONOMIO 6:5

Peaɨu peYa Tumpa opaete pepɨa ndive, opaete perekove ndive, jare opaete pepɨ̈rata ndive.

Colosenses 2:11

Jese peyembocircuncida ma, mbaetɨ ko circuncisión yanderete pegua, echa Cristo oekɨ omombo ma pegüi peyoa, jae ko kuae circuncisión Cristo güi ou vae.

Santiago 1:12

Oyerovia ko jókuae kuimbae omoamɨri mbaemboavai ou chupe yave vae. Echa ipɨ̈rata reve omoamɨri vae pe oñemeeta tekove opambae vae, yandeYa güɨrökuavee omee vaerä opaete güɨnoi mboroaɨu ikotɨ vae reta pe.

Santiago 2:5

Cherɨvɨ aaɨu vae reta, peyeapɨsaka cheré. Tumpa oiparavo iparavete vae reta oikokatu vaerä iporogüɨrovia re jare güɨnoi vaerä imbaerä mborookuaía, jókuae Tumpa güɨrökuavee omee vaerä opaete güɨnoi mboroaɨu ikotɨ vae reta pe.

1 Juan 4:7

Cherɨvɨ aaɨu vae reta, yayoaɨu päve. Echa Tumpa güi ko ou yandeve mboroaɨu. Jókuae oporoaɨu vae güɨnoi tekove Tumpa güi, jare oikuaa ko Tumpa.