DEUTERONOMIO 30:3 - Biblia Guarani Tumpa Iñee

³ jayave yandeYa pereroyerova yeta peyererajaukaa kotɨ güi, jare güɨnoita mboroparareko pekotɨ; pereru yeta opaete ketɨ ketɨ tëta reta kotɨ güi, yandeYa Tumpa opa pemoai moaia kotɨ güi.

DEUTERONOMIO 30:3 ပူးပေါင်းရင်းမြစ်များ

GÉNESIS 28:15

Añave, ko aï nde ndive jare ayangarekota nderé reoa rupi, jare rogüeru yeta kuae ɨvɨ pe; ngaraa roeya, ayapo regua ndeve jae ndeve vae.”

GÉNESIS 48:21

Jare Israel jei José pe: —Mase, che jaema amanota, ërei Tumpa oïta pe ndive, jae pereroyerova yeta ñaneñemuñagüe reta iɨvɨ pe.

1 CRÓNICAS 16:35

Pere chupe: ‘¡Orereepɨ oreYa Tumpa oporoepɨ vae! ¡Orerenoe jare orereepɨ tëtaguasu reta güi romee vaerä mbaemboete ndeve, royerovia reve romboete vaerä!

NEHEMÍAS 1:9

ërei ngatu, peyerova ye chekotɨ yave, peñovatu jare peyapo yave cheporookuai reta, yepe tëi opa peñemoai moai ketɨ ketɨ rupi, joko güi pogüeru yeta. Pogüeruta che aiparavo cheree oï vaerä pɨpea pe.’

JOB 42:10

Jare yandeYa güɨnoe Job mbɨatɨtɨ güi, jae oyerure güire ivɨa-ïru reta re; jare omoïru chupe mókoi yoarambo ye opaete imbaembae reta tenonde yave güɨrekose vae güi.

SALMOS 107:3

ïru tëtaguasu reta güi opa omboatɨ vae reta, kuaraɨ oëa kotɨ güi, kuaraɨ oikea kotɨ güi, ɨvɨtuguasu kotɨ güi jare arayevɨ kotɨ güi.

SALMOS 147:2

YandeYa omopüa pɨau ye Jerusalén; güeru yeta Israel iñemuña reta opa iɨvɨ güi oyererajagüe.

ISAÍAS 27:12

Jókuae ara yandeYa opovɨvɨ eteita ɨ̈aka Éufrates güive Egipto iɨ̈aka pe, kia oyevɨka trigo re rami; jökorai, pe Israel iñemuña reta peyemboatɨta metei metei rupi.

ISAÍAS 43:5

Agüɨye ekɨɨye, echa oime ko aï nde ndive, kuaraɨ oëa kotɨ güi jare kuaraɨ oikea kotɨ güi aru yeta neñemuña reta.

ISAÍAS 54:7

“Romombo michi pegua, ërei mboroparareko tuichagüe rupi rogüeru yeta.

ISAÍAS 56:8

Che peYa Tumpa, Israel iñemuña reta opa oñemoai moai ñogüɨnoi vae reta omboatɨ vae, jae körai: Amboatɨ ye ñotai ïru tëta reta rupi oñemoai ñogüɨnoi vae.”

JEREMÍAS 12:14

YandeYa jei körai Israel iyɨvɨrigua tëta reta jeko kavimbae reta kotɨ, jókuae omboai reta ɨvɨ jae omee imbae vae reta Israel pe vae kotɨ körai: “Che anoe retata iɨvɨ güi jare ipɨte reta güi anoeta Judá.

JEREMÍAS 23:3

Che etei aru yeta chevecha reta jembɨregüe, opaete ɨvɨ rupi amoaia kotɨ güi, jare aru yeta yogüɨrekosea pe; okuakuaata jare jeta oñemuña retata.

JEREMÍAS 29:14

Jare pe reta cheväeta chupe, jare pogüɨroyerova yeta tembipɨɨ güi, pomboatɨta opaete tëtaguasu reta güi, opaete che pomoai moaia güi; jare jókuae opa pogüɨrajaukaa kotɨ güi, opa yeta pogüeru kuae pe. Che peYa ko jae kuae.’

JEREMÍAS 31:10

Tëtaguasu reta, peyeapɨsaka yandeYa iñee re, jare pemoërakua mombɨrɨ ɨguasu jembeɨ rupigua reta pe, pere: ‘YandeYa opa omoai moai Israel iñemuña reta, ërei omboatɨ yeta jare oyangarekota jese, vecha iyangarekoa, ivecha re oyangareko rami.’

LAMENTACIONES 3:22

YandeYa iporoparareko jeko pegua mbaetɨ opa ñakañɨtei, echa mbaetɨi opa iporoparareko.

LAMENTACIONES 3:32

Yepe tëi oiporarauka, ërei iporoparareko vi; echa iporoparareko tuicha yae ko.

EZEQUIEL 11:17

Jáeramo ere chupe reta: ‘Körai jei yandeYa Tumpa: Che ko aru ye retata ïru ɨvɨ güi, jare amboatɨ reta yeta opaete ïru tëtaguasu reta rupi amoai moaia güi, jare ameeta chupe reta ɨvɨ Israel.

EZEQUIEL 36:24

Che pogüɨnoeta ïru tëtaguasu reta güi, pomboatɨta opaete ketɨ ketɨ güi jare pogüeru yeta peɨvɨ ae pe.

EZEQUIEL 39:28

Chekuaa retata che ko jae iYa Tumpa vae, echa amondo reta tembipɨɨrä tëtaguasu reta rupi, jare aru reta ye iɨvɨ ae pe yave, aeyambae reve metei ave jokoropi.

MIQUEAS 7:19

Enoi ye mboroparareko orekotɨ; eñotɨ orereko jupimbae reta jare emombo ɨguasu pe opaete oreyoa reta.

ZACARÍAS 10:9

Che ko amoai reta tëta guasu reta rupi, ërei yepe tëi ñogüɨnoi mombɨrɨ, imaenduata cheré, yogüɨrekota taɨ reta ndive jare oyerova reta yeta.

Romanos 11:23

Ërei judío reta, oporogüɨrovia yave, oï yeta jókuae jendagüe re, echa Tumpa imbaepuere yae ko, omboyoapɨ ye vaerä jendagüe re.

Romanos 11:26

kuae oyeapo güire, opaete Israel pegua reta omboasata, oyekuatía oï rami, echa jei: “Sión güi outa Oporoepɨ vae, jae ombosɨrɨta Jacob iñemuña reta güi imbaeyoa reta.

Romanos 11:31

Jaeramiño vi añave Israel pegua reta mbaetɨ oyapo Tumpa jei vae, jökorai oñemee peve mboroparareko, jókuae rupi judío reta pe oñemee vaerä vi mboroparareko.

DEUTERONOMIO 13:17

Agüɨye topɨta pepo pe mbae nunga okañɨtei vaerä vae, yandeYa agüɨye vaerä iyarasɨ pekotɨ, jaeño togüɨnoi mboroparareko peré, jare tomee jeta vaerä peñemuña, güɨrökuavee jee re peñemuñagüe reta pe rami,

DEUTERONOMIO 4:27

YandeYa opata pemoai moai tëtaguasu reta rupi, mbovɨ yae peyekuaata jókuae yandeYa pererajata vae ipɨte pe.