DEUTERONOMIO 30:20 - Biblia Guarani Tumpa Iñee

²⁰ peaɨu yandeYa Tumpa, peendu iñee, peguata avei jupíe; echa jae ko tekove iya peveguarä, peiko puku vaerä; peiko vaerä jókuae ɨvɨ yandeYa güɨrökuavee jee re peñemuñagüe Abraham, Isaac jare Jacob pe vae pe.”

DEUTERONOMIO 30:20 ပူးပေါင်းရင်းမြစ်များ

GÉNESIS 12:7

YandeYa oyekuaa Abram pe, jare jei chupe: “Neñemuña reta pe ameeta kuae ɨvɨ.” Jayave Abram omopüa mɨmba oyeyuka oyeapɨ jese vae yandeYa peguarä, jókuae jae oyekuaa chupea pe.

GÉNESIS 17:1

Abram noventa y nueve año güɨnoi yave yandeYa oyeechauka chupe, jare jei chupe: —Che ko jae Tumpa Imbaepuere yae ete vae; eiko cheróvai rupi jare eyapo jupi vaeño,

SALMOS 27:1

YandeYa jae ko cherekove jare chereroasayepe vae, ¿kia güi pa akɨɨyeta? YandeYa jae ko cheñepɨ̈roa, ¿kia güi pa akɨɨyeta?

SALMOS 30:5

Echa jae iyarasɨ michi peguaño ko, ërei jae ipɨakavi mbaetɨ opa chugüi. Pɨ̈tu yave ou yaeo, ërei ndeimbove yave outa yerovia katu.

SALMOS 36:9

echa nde renoi ɨ tekove pegua, ndereño orepuere roikove.

SALMOS 37:3

Eyeko yandeYa re, jare eyapo ikavi vae; reikota ɨvɨ pe, jare jae ndeangarekota jupi rupi.

SALMOS 66:9

Echa jae ko omee yaikove vaerä; mbaetɨ omaeño yagüɨapi.

LEVÍTICO 18:5

Jáeramo, peñovatu pepɨa pe jare peyapo cheporookuai reta. Kuimbae oyapo cheporookuai reta vae oikoveta. Che ko peYa.

San Juan 14:6

Jesús jei chupe: —Che ko jae tape, añetete vae jare tekove. Mbaetɨ kia ipuere ojo cheRu oïa pe, jaeño cherupi.

San Juan 17:3

Jare tekove opambae vae jae ko: Ndekuaa reta vaerä nde ko jae meteiño Tumpa añetete vae, jare che Jesucristo nde rembou vae.

Hechos 11:23

Jare jae ojo oväe yave, oecha jókuae oyeapo Tumpa ipɨakavi rupi vae, jare oyerovia. Jayave jae omboarakuaa opaete vae reta oguata kavi vaerä opaete ipɨa reve yandeYa ndive.

Hechos 17:25

Jae mbaetɨ etei oeka ɨvɨ pegua reta omee vaerä mbae chupe. Echa jae ko omee yandeve tekove jare ñanepɨ̈túe, jare opaete mbaembae.

Hechos 17:28

Echa jese ko yaikove yaiko jare ñamɨi. Jare jökorai vi amogüe pepɨte pe ñeepöra iyapoa reta jei: ‘Tumpa iñemuña reta ko yande.’

Romanos 12:9

Peyoaɨu añetetegüe rupi. Pemotareɨ ikavimbae vae, pemomoe ikavi vae.

Gálatas 2:20

Cristo ndive ko che ayekutu kurusu re, jáeramo mbaetɨ ma aikove, jaeño Cristo oikove chepɨa pe. Jare añave aikove aiko ramboeve, aiko mborogüɨrovia Tumpa Taɨ re anoi vae re. Echa jae cheraɨu, jare jae aeño oñemee omano vaerä cheré.

DEUTERONOMIO 1:8

Mase, che ko amee peve jókuae ɨvɨ, peike pepɨ̈ro ɨvɨ che peYa añererökuavee amee vaerä peñemuñagüe Abraham, Isaac jare Jacob pe vae, jare jaɨkue rupigua iñemuña reta pe vae.’

DEUTERONOMIO 10:12

Añave Israel iñemuña reta, ¿mbae pa oiporu pegüi yandeYa Tumpa? Jaeño peipoɨu yandeYa Tumpa güi, peguata opaete jemimbota rupi jare peaɨu, jare peyeokuai yandeYa Tumpa pe opaete pepɨa ndive, opaete perekove ndive,

DEUTERONOMIO 10:20

YandeYa Tumpa güiño peipoɨu, chupeño peyeokuai, jeia reño peiko, jare jae jee reño opaete mbae peyapo.

DEUTERONOMIO 11:22

Peyapo kavi yave opaete mborookuai jei vae che amombeu añave peve vae, jare peaɨu yave yandeYa Tumpa peguata reve pemboe vae rupi jare jupi rupi,

DEUTERONOMIO 11:9

Jare peiko vaerä jeta ara jókuae ɨvɨ pe, yandeYa güɨrökuavee ɨvɨ kavi peñemuñagüe reta pe jare iñemuña reta pe vae pe.

DEUTERONOMIO 12:10

Ërei peasa ma Jordán jare peiko ma yandeYa Tumpa omee ɨvɨ pevea pe yave, jae omeeta peve mbutuu opaete peɨvɨrigua tovaicho reta güi, jare peiko pɨagüiveta,

DEUTERONOMIO 30:16

echa che poyókuai añave, peaɨu yandeYa Tumpa, peiko jemimbota rupi, jare peñovatu iporookuai reta, peikove vaerä jare peñemuña vaerä jeta, jare yandeYa Tumpa tiporerekua peré ɨvɨ peiketa peiko pɨpe vae pe.

DEUTERONOMIO 30:6

Jare yandeYa Tumpa ombocircuncidata pepɨa, jare peñemuña reta ipɨa, peaɨu vaerä yandeYa Tumpa opaete pepɨa ndive jare opaete perekove ndive, jekuaeño peikove vaerä.

DEUTERONOMIO 31:1

Moisés ojo jare imiari opaete kuae ñee reta Israel iñemuña reta pe, jei:

DEUTERONOMIO 32:47

Echa mbae nungaiñoä ko kuae ñee reta; tekove ko peveguarä, kuae mborookuai rupi ko peiko pukuta jókuae ɨvɨ peota peiko pɨpe vae pe, kuri peasa ma ɨ̈aka Jordán yave.”

DEUTERONOMIO 4:1

Añave, pe Israel iñemuña reta, peendu mborookuai reta oyeapo vae re pomboe vae, peikove vaerä jare peike vaerä peiko, jókuae ɨvɨ peñemuñagüe reta iTumpa omee pevea pe.

DEUTERONOMIO 4:4

Ërei opaete pe reta yandeYa Tumpa reño perovia vae, peikove päveño añave.

DEUTERONOMIO 4:40

Jare peñovatu iporomboe reta jare iporookuai reta poyókuai añave vae, peo kavi vaerä pe jare peraɨ reta jare peraɨkue rupigua reta, yandeYa Tumpa tombopuku peara reta jókuae ɨvɨ omee peve jekuae avei pegua vae pe.”

DEUTERONOMIO 4:6

Peñovatu jare peyapo mborookuai jei rami, echa jayave pearakuaa katuta jare pereechata opaete tëta reta, jare oendu reta yave mborookuai, jei retata: ‘¡Añetete kuae tëtaguasu yarakuaa katu, jare oikuaa katu yae!’

DEUTERONOMIO 5:16

Pemboete peru jare pesɨ, peYa Tumpa peokuai rami, peiko puku vaerä jare peiko kavi vaerä ɨvɨ iárambo peYa Tumpa omee pevea pe.

DEUTERONOMIO 6:2

Peipoɨu vaerä yandeYa Tumpa güi, peiko vaerä opaete iporookuai reta che poyókuai jese vae rupi; pe, peraɨ, perɨmɨmino, opaete ara peiko rambueve peiko puku vaerä.

DEUTERONOMIO 6:5

Peaɨu peYa Tumpa opaete pepɨa ndive, opaete perekove ndive, jare opaete pepɨ̈rata ndive.

JOSUÉ 23:11

Peyeandu reve kavi peñeñovatu, peaɨu yandeYa Tumpa.

JOSUÉ 23:8

Ërei yandeYa Tumpa jupieño peguata, peyapo ma peyu peiko rami.

Apocalipsis 21:6

Jare jei vi cheve: “Oyeapo ma. Che ko jae Alfa jare Omega, iyɨpɨ ete jare iyapɨ ete. Kia iɨuve vae, che ameeiñota jepɨmbae jou ɨesaɨ tekove pegua güi.”

Apocalipsis 22:1

Jayave araɨgua oechauka cheve ɨ̈aka ikɨambae ɨ tekove pegua, jësakaasɨ vidrio rami, oë Tumpa jare Vecha kuimbae taɨrusu vae iguapɨa güi.

Apocalipsis 22:17

Espíritu Santo jare Vecha kuimbae taɨrusu vae imenda ïru jei: “¡Eyu!” Jare oendu vae, tei: “¡Eyu!” Jare iɨuve vae tou toɨu; ikɨ̈reɨ vae tou ɨ tekove pegua güi jepɨmbae.