DEUTERONOMIO 30:1 - Biblia Guarani Tumpa Iñee

¹ Ou güire peve opaete kuae mbaembae reta, mborerekua jare yepopeyu añono peiparavo vaerä vae, javoi peipoepɨ yave peyemongeta ikavimbae pepɨa pe penoi vae, opaete kerupi tëtaguasu reta yandeYa Tumpa pemomboa rupi,

DEUTERONOMIO 30:1 ပူးပေါင်းရင်းမြစ်များ

GÉNESIS 4:14

Echa añave chemombo ma reï kuae ɨvɨ güi; mbaetɨta ma chepuere ayu nderóvai. Mombɨrɨ rupi aguata reteiñota, aiporara reve ɨvɨ ambuae rupi. Jökorai kia nunga vae cheväe yave cheyukata ko.

1 REYES 8:34

eendu chupe reta ara pe, neɨ̈ro iyoa re, jare emboyerova ye ɨvɨ remee iñemuña reta pe vae pe.

2 CRÓNICAS 30:9

Pe reta peyerova ye yandeYa kotɨ yave, tovaicho reta iporopararekota perëtara reta jare peraɨ reta ñogüɨnoi tembipɨɨrä jae reta ipo pe vae re, jare omaeñota yogüeru ye kuae ɨvɨ pe, echa yandeYa Tumpa ipɨakavi jare iporoparareko, ngaraa ko pereröɨro, pe reta peyerova ye ikotɨ yave.”

NEHEMÍAS 1:9

ërei ngatu, peyerova ye chekotɨ yave, peñovatu jare peyapo yave cheporookuai reta, yepe tëi opa peñemoai moai ketɨ ketɨ rupi, joko güi pogüeru yeta. Pogüeruta che aiparavo cheree oï vaerä pɨpea pe.’

ISAÍAS 46:8

Iyoa vae reta, pemaendúa kuae re, agüɨye peyembotavɨ pe aeño, peyemongeta kavi jese;

JEREMÍAS 29:14

Jare pe reta cheväeta chupe, jare pogüɨroyerova yeta tembipɨɨ güi, pomboatɨta opaete tëtaguasu reta güi, opaete che pomoai moaia güi; jare jókuae opa pogüɨrajaukaa kotɨ güi, opa yeta pogüeru kuae pe. Che peYa ko jae kuae.’

JEREMÍAS 3:13

Jaeño emombeu teko renoi vae, echa neäteɨ reyapo ndeYa Tumpa iporookuai, reeka reyemboaguasa vaerä ketɨgua reta ndive, opaete ɨvɨra iküaraɨa kavi vae igüɨ rupi, jare mbaetɨ reyapo cheporookuai. Che ndeYa jae kuae ndeve.’ ”

JEREMÍAS 8:3

Jókuae ñemuña reta jeko kavimbae güi jembɨregüe, kerupi che amoaia rupi ñogüɨnoia pe oeka eteita omano vaerä. Che ndeYa Imbaepuere yae ete vae, jae kuae.

EZEQUIEL 18:28

Echa omae jare opia opaete ikavimbae oyapo vae güi. Oikoveta ko, ngaraa omano.

EZEQUIEL 6:9

Kuae aroasayepegüe reta imaenduata cheré ïru tëtaguasu reta pe oyererajaukaa pe; imaendúa retata cheré, aiporarauka chupe reta vae re, mbaetɨ ramo jupi yogüɨreko cheve, jare omboete reta ramo tumpa-raanga reta. Jae reta imarata iyeugüi aeño, oyapo mbae ikavimbae yae vae jeko pegua.

ZACARÍAS 10:9

Che ko amoai reta tëta guasu reta rupi, ërei yepe tëi ñogüɨnoi mombɨrɨ, imaenduata cheré, yogüɨrekota taɨ reta ndive jare oyerova reta yeta.

San Lucas 15:17

Jayave ou oyemongeta, jare jei iyeupe: ¡Cheru jëta pe, omombaravɨkɨ vae reta jeta güɨnoi jou vaerä! Ërei che kuae pe cheyukata ma yɨmbɨaɨ.

DEUTERONOMIO 28:28

YandeYa oitɨta peré mbokere, tesambae, pɨa-kërai,

DEUTERONOMIO 28:64

Jare yandeYa opata pemoai moai opaete tëtaguasu reta rupi, ɨvɨ iyɨpɨ kotɨ güive, ketɨ ɨvɨ iyapɨ kotɨ; joko pe peyeokuaita tumpa ambuae reta pe, pe mbaetɨ peikuaa vae reta, jare peñemuñagüe reta ave mbaetɨi oikuaa vae, ɨvɨra pegua jare ita pegua pe.

DEUTERONOMIO 29:27

Jáeramo Tumpa iyarasɨ kuae ɨvɨ pe, güeru vaerä opaete yepopeyu reta kuae tembikuatía pe oï vae;

DEUTERONOMIO 29:28

jare güɨnoe omombo iɨvɨ güi iyarasɨ yae ete reve, opa güɨnoe omombo ïru ɨvɨ kotɨ, añave oyekuaa oï rami.’

DEUTERONOMIO 30:15

Mase, che añono añave peróvai peiparavo vaerä tekove ani ikavi vae, mano ani ikavimbae;

DEUTERONOMIO 30:19

Ara jare ɨvɨ jovake añave aikuaauka peve, kërai añono peróvai tekove jare mano, mborerekua jare yepopeyu; peiparavo añave tekove, peikove vaerä pe jare peñemuña reta;

DEUTERONOMIO 32:36

Echa yandeYa oepɨta imbae vae reta, jembiokuai oaɨu jeko pegua oipoepɨta iyemongeta; oecha mbaetɨ ma ipɨ̈rata yave, mbaetɨ ma yave tembipɨɨ ani tembipɨɨmbae.