DEUTERONOMIO 3:2 - Biblia Guarani Tumpa Iñee

² Jayave yandeYa jei cheve: ‘Agüɨye ekɨɨye chugüi, echa amee ko ndepo pe, jae jare opaete isundaro reta iɨvɨ ndive, jare reyapota jae ndive Sehón amorreo reta juvicha guasu Hesbón pe oiko vae pe reyapo rami.’

DEUTERONOMIO 3:2 ပူးပေါင်းရင်းမြစ်များ

2 CRÓNICAS 20:17

Mbaetɨta ko pe reta peñeraro. Peyemboɨ kïrii, jare peechata kërai yandeYa pereepɨ. ¡Judá pegua reta jare Jerusalén pegua reta, agüɨye pekɨɨye, agüɨye peyembopɨtu; peporepeña pɨareve jese reta, echa yandeYa oïta pe reta ndive!’ ”

ISAÍAS 41:10

Agüɨye ekɨɨye, che ko aï nde ndive; agüɨye ndepɨtu, che ko neTumpa romomɨ̈rata vae, romborɨ aveita, chembaepuere pe roñovatu aveita.

ISAÍAS 43:5

Agüɨye ekɨɨye, echa oime ko aï nde ndive, kuaraɨ oëa kotɨ güi jare kuaraɨ oikea kotɨ güi aru yeta neñemuña reta.

NÚMEROS 14:9

Jáeramo agüɨye peyembopɨapochɨ yandeYa kotɨ, agüɨye pekɨɨye jókuae ɨvɨ pegua reta güi, echa mbɨyape yau vae ramiñota ko; mbaetɨ kia oepɨ reta vaerä, yande ndive ko oï yandeYa. ¡Agüɨye pekɨɨye chugüi reta!

NÚMEROS 21:34

Jayave yandeYa jei Moisés pe: “Agüɨye ekɨɨye chugüi, echa amee ma ko ndepo pe, jae jare opaete isundaro reta, jare iɨvɨ; jare eyapo chupe, Sehón amorreo reta juvicha guasu pe reyapo rami, tëta Hesbón pe oikose vae.”

Hechos 18:9

Jare yandeYa jei Pablo pe pɨ̈tu yave ike pe: “Agüɨye ekɨɨye. Nemiari jare agüɨye nekïrii.

Hechos 27:24

Araɨgua jei cheve: “Pablo, agüɨye ekɨɨye, echa reo ñotai ko reyemboɨ César jóvai. Jare Tumpa ipɨakavi nde ndive ramo, oepɨta vi opaete kuae nderupíe yogüɨraja vae reta.”

DEUTERONOMIO 20:3

körai: ‘Peyeapɨsaka Israel iñemuña reta, jaema peñorarota perovaicho reta ndive. Agüɨye peyembopɨtu, agüɨye pekɨɨye, agüɨye vi perɨrɨi ani perembiurai,

DEUTERONOMIO 3:1

Jaɨkue rupi yayeupi tape Basán kotɨ ojo vae rupi, jare Og mburuvicha guasu Basán pegua oë yandeve opaete isundaro ndive oñeraro vaerä yande ndive Edrei pe.

DEUTERONOMIO 3:11

Og mburuvicha guasu Basán pegua jaeño ete opɨta kuimbae puku vae reta ipɨte güi; jupa jiero pegua irundɨ metro pukugüe, mókoi metro seri ipɨgüe, oimeño oï Rabá pe.

DEUTERONOMIO 3:3

Jare yandeYa Tumpa omee vi yandepo pe Og mburuvicha guasu Basán pegua jare opaete jëta, opa regua ñamokañɨtei.

JOSUÉ 10:8

jare yandeYa jei Josué pe: “Agüɨye ekɨɨye chugüi reta, echa che amee ndepo pe, metei ave chugüi reta ngaraa ipuere oñeraro nde ndive.”

Apocalipsis 2:10

Agüɨye etei ekɨɨye reiporarata vae güi. Mase, aña guasu peñoñaukata amogüe pe reta tembipɨɨrɨru pe, oyekuaa vaerä peporogüɨrovia añetete ra; jare peiporarata payandepo ara pegua. Nepɨ̈rata ndeporogüɨrovia pe remano regua, jare ameeta ndeve tekove opambae vae.