DEUTERONOMIO 3:12 - Biblia Guarani Tumpa Iñee

¹² Jare kuae ɨvɨ jókuae ara rupi ñapɨ̈ro vae, Aroer, ɨ̈aka Arnón iyɨ́vɨri oï vae güive, ɨvɨtɨ Galaad mbɨte rupi tëta guasu ndive, amee Rubén iñemuña reta pe jare Gad iñemuña reta pe.

DEUTERONOMIO 3:12 ပူးပေါင်းရင်းမြစ်များ

2 REYES 10:33

Jordán güive kuaraɨ oëa kotɨ, opaete ɨvɨ Galaad, Gad, Rubén jare Manasés iñemuña reta iɨvɨ, Aroer oï ɨ̈aka raɨ Arnón iyɨpɨ pe vae güive, Galaad jare Basán kotɨ oväe regua.

NÚMEROS 32:40

Jare Moisés omee Maquir, Manasés taɨ iñemuña reta pe ɨvɨ Galaad, jare yogüɨreko pɨpe.

DEUTERONOMIO 2:36

Aroer güive, jae ko ɨ̈aka Arnón pegua iyɨ́vɨri, ojoi oväe Galaad pe mbaetɨ metei tëta ave oasayepe yandegüi, opaetei yandeYa Tumpa omee yandepo pe.

DEUTERONOMIO 29:7

Jare kuae pe yayu ñaväe yave ñogüɨnoe oñeraro reta vaerä yande ndive Sehón, mburuvicha guasu Hesbón pegua, jare Og, mburuvicha guasu Basán pegua, ërei opa ñamoamɨri,

DEUTERONOMIO 29:8

jare opa ñapɨ̈ro iɨvɨ chugüi reta, jare ñamee Rubén jare Gad iñemuña reta imbaerä jare Manasés iñemuña reta oyemboyaogüe vae imbaerä.

DEUTERONOMIO 3:13

Jare ɨvɨ Galaad iyɨkegüe jare opaete Basán, Og iporookuaía peguagüe jare opaete ɨvɨ Argob, oyembojeese kuimbae puku vae reta iɨvɨ vae, amee Manasés iñemuña reta oyemboyaogüe pe.

DEUTERONOMIO 4:48

Aroer oï ɨ̈aka Arnón iyɨ́vɨri vae güive ojoi oväe ɨvɨtɨ Sión kotɨ, jae ko Hermón.