DEUTERONOMIO 3:11 - Biblia Guarani Tumpa Iñee

¹¹ Og mburuvicha guasu Basán pegua jaeño ete opɨta kuimbae puku vae reta ipɨte güi; jupa jiero pegua irundɨ metro pukugüe, mókoi metro seri ipɨgüe, oimeño oï Rabá pe.

DEUTERONOMIO 3:11 ပူးပေါင်းရင်းမြစ်များ

GÉNESIS 14:5

Catorce añoa re ou mburuvicha Quedorlaomer jare opaete ïru mburuvicha reta omborɨ katu vae. Yogüeru reta ɨvɨ Astarot Karnaim jee vae kotɨ, jare joko pe omoamɨri Refaim pegua reta, jare Ham pe omoamɨri zuzita reta, Save-quiriataim pe omoamɨri reta emita reta;

GÉNESIS 6:15

Köraita reyapo jókuae arca: Ciento treinta y cinco metro pukugüe, veintidó metro y medio ipɨgüe, jare trece metro y medio ɨvategüe.

2 SAMUEL 11:1

Ërei jókuae año ou ye vae re, mburuvicha reta iñoraro iara pe, David omondo Joab, jare jae ndive opaete imborɨa reta, jare opaete sundaro Israel pegua reta, jare opa oyuka Amón iñemuña reta, jare oñova reta tëta Rabá. Ërei David opɨtaño Jerusalén pe.

2 SAMUEL 12:26

Joab oïraro oiko tëta Rabá, Amón iñemuña reta jëta, jare opa oñova tëta mburuvicha guasu oï pɨpe vae.

JEREMÍAS 49:2

YandeYa jei: “Oväeta ara Amón iñemuña reta jëta guasu Rabá pe oyeendu vaerä sapúkai ñeraro pegua; oyepoepɨta tëtagüerä, jare pɨpegua tëta guasu reta opata oyeapɨ. Jayave Israel opɨ̈ro yeta jëta guasu reta oñepɨ̈ro chugüigüe. Che ndeYa ko jae kuae.

EZEQUIEL 21:20

Eyapo metei tape jokoropi ou vaerä mburuvicha guasu ikɨsepuku ndive tëta guasu Rabá pe, Amón iñemuña reta jëta jare Jerusalén tëta guasu jëguambae Judá pegua pe.

EZEQUIEL 25:5

Tëta guasu Rabá oikota jɨmba camello reta jekuarä, jare Amón iñemuña reta iɨvɨ vecha reta ikarúa renda. Jayave pe reta chekuaata che ko jae peYa vae.’

AMÓS 1:14

Jáeramo tëta Rabá ikësea re amoendɨta tata, jare jókuae opata oapɨ mburuvicha guasu jo kavi reta, jɨapu reve, ñeraro iara pe jare mbaesusere iara pe.

AMÓS 2:9

Che ko opa amboai peve amorreo reta, jae reta ko pukugüe tëi ɨ̈vɨrare rami, jare täta ɨvɨra encina rami; opaetei ko amboai.

DEUTERONOMIO 2:11

Puku reta jeko pegua ïru vae reta omoëtara Anac iñemuña reta re, ërei Moab iñemuña reta ombojee emita.

DEUTERONOMIO 2:20

(Kuae ɨvɨ tenonde ete oyembojee ko kuimbae puku vae reta imbae, echa jayave puku vae reta yogüɨrekose joko pe, Amón iñemuña reta ombojee zomzomeo,

JOSUÉ 12:4

Jare Og, mburuvicha guasu Basán pegua iɨvɨ, jae ko refaita reta güi jembɨregüe, Astarot jare Edrei pe oikose vae.

JOSUÉ 13:12

jare opaete Og iporookuaía Basán pe, kuae oiko mburuvicha guasurä Astarot pe jare Edrei pe, jae ko refaita reta güi jembɨregüe, kuae reta Moisés opa omoamɨri jare omombo iɨvɨ güi.

Apocalipsis 21:17

Jare araɨgua ojäa tëta guasu ikësea, ɨvategüe güɨnoi sesenta y cinco metro. Kuimbae reta omaejäa rami, jökorai araɨgua omaejäa.

1 SAMUEL 17:4

Jayave filisteo reta jeyupa güi oë metei kuimbae jëia yae ñeraro pe vae, Goliat jee vae, tëta guasu Gat pegua, ipukugüe güɨnoi mboapɨ metro rupi.