DEUTERONOMIO 29:4 - Biblia Guarani Tumpa Iñee

⁴ Ërei mbaetɨño yandeYa omee peve peikuaa vaerä, peecha vaerä jare peendu vaerä mbae ko oipota jei opaete kuaekuae vae.

DEUTERONOMIO 29:4 ပူးပေါင်းရင်းမြစ်များ

ÉXODO 16:35

Jökorai Israel iñemuña reta jou maná cuarenta año rupi, opa yogüɨraja oväe regua ɨvɨ kia oime yogüɨrekoa pe; maná jou reta yogüɨreko, opa regua yogüɨraja oväe reta ɨvɨ Canaán jembeɨ pe.

PROVERBIOS 20:12

Yandeapɨsa, mbae oendu vae, yanderesa mbae oecha vae; kuae reta yandeYa jembiapo päve ko.

ISAÍAS 63:17

OreYa Tumpa, ¿maera pa, reyavɨuka oreve nderemimbota, jare orembopɨa täta agüɨye vaerä romboete? Eyerova ye nderembiokuai reta reaɨu jeko pegua, ñemuña reta ndembae ae vae kotɨ.

EZEQUIEL 12:2

“Nde kuimbae, reiko ipɨapochɨ vae reta ipɨte pe. Oime tëi jesa reta omae reta vaerä, ërei mbaetɨ oecha reta; oime tëi iyapɨsa reta, oendu reta vaerä, ërei mbaetɨ oendu reta, echa ipɨapochɨ vae reta ko.

EZEQUIEL 36:26

Ameeta peve pepɨarä ipɨau vae jare peyemongetarä ipɨau vae, aekɨta pegüi pepɨatäta ita rami vae, jare ameeta peve pepɨarä, ikɨ̈reɨ ngatu vae.

San Juan 8:43

¿Maera pa mbaetɨ peikuaa amombeu peve vae? Echa mbaetɨ peipota peyeapɨsaka cheñee re. Jáeramo mbaetɨ peikuaa.

2 Corintios 3:15

Ërei añave rupi Moisés oikuatiagüe omongeta reta yave, jekuaeño oime äka-soia oyasoi rami ipɨa reta.

Efesios 4:18

echa iyemongeta oyembopɨtumimbi ma. Mbaetɨ güɨnoi reta tekove Tumpa omee vae, mbaetɨ oikuaa reta ipɨatäta ramo;

DEUTERONOMIO 2:30

Ërei ngatu Sehón mburuvicha guasu Hesbón pegua mbaetɨ oipota yandemboasa iɨvɨ rupi, echa yandeYa Tumpa yepe ombopɨa täta jare jëguambae oyapo, jökorai oñono vaerä pepo pe añave regua.

DEUTERONOMIO 2:7

Echa yandeYa Tumpa iporerekua peré opaete perembiapo reta rupi, jae oikuaa kërai peguata opaete kuae ñuu guasu rupi vae, kuae cuarenta año rupi yandeYa Tumpa oiko pe ndive, jare mbaetɨ etei mbae omboata peve.

2 Timoteo 2:25

tomboe oñemomichi reve oyembopɨapochɨ vae reta, echa güɨramoi Tumpa omaeñota jese reta oeya vaerä iyemongeta ikavimbae vae jare oikuaa vaerä añete vae,