DEUTERONOMIO 28:9 - Biblia Guarani Tumpa Iñee

⁹ Peendu jare peyapo yave yandeYa Tumpa iñee, jae pererekota metei tëta oñeñono tee vae imbaerä, oñererökuavee jee re peve rami.

DEUTERONOMIO 28:9 ပူးပေါင်းရင်းမြစ်များ

GÉNESIS 17:7

Añonota kuae morogüɨrökuavee päve yandeyeupe, jare nderaɨ reta pe, jare opaete nderaɨ iñemuña reta peguarä vi jekuae avei pegua, aiko vaerä neTumparä.

SALMOS 87:5

Tëta guasu Sión re jei retata: “Kuae jare pea, chugüi oë reta.” Tuichagüe yae ete vae etei ko oñono.

ÉXODO 15:26

jei körai: “Peendu kavi yave che peYa Tumpa iñee, jare peyapo yave jupi vae cheresa róvai, peendu jare peyapo yave opaete cheporookuai, ngaraa ambou peve metei ave mbaerasɨ reta Egiptoɨgua reta pe ambou vae; echa che ko jae peYa pepoanoa.”

ISAÍAS 1:26

Amopüa yeta mburuvicha oporojäa vae reta, oime ye vaerä tenonde yave rami, jare oporomboarakuaa vae reta tenonde yave rami. Jayave nereenɨi reta yeta ‘Tëta guasu jupi vae jenda’, ‘Tëta guasu jupi vae’.

ISAÍAS 62:12

Israel iñemuña reta pe jei retata: “Tëta oñeñono tee vae.” “IYa Tumpa oepɨgüe.” Nde ndembojee retata: “Tëta guasu ipotaa yae vae.” “Tëta guasu mbaetɨ oyeeya vae.”

JEREMÍAS 11:5

Jökorai, che ambopota morogüɨrökuavee päve ayapo peñemuñagüe reta ndive vae, amee vaerä peve ɨvɨ kavi yae añave penoi vae.’ ” Jare che jae: “Añete ko cheYa.”

DEUTERONOMIO 13:17

Agüɨye topɨta pepo pe mbae nunga okañɨtei vaerä vae, yandeYa agüɨye vaerä iyarasɨ pekotɨ, jaeño togüɨnoi mboroparareko peré, jare tomee jeta vaerä peñemuña, güɨrökuavee jee re peñemuñagüe reta pe rami,

DEUTERONOMIO 7:6

Echa pe reta ko jae tëta oñeñono tee yandeYa Tumpa peguarä vae; yandeYa Tumpa ko peparavo, peiko vaerä chupeguarä metei tëta ikavi yae vae, opaete ïru tëta reta kuae ɨvɨ pe ñogüɨnoi vae güi.

DEUTERONOMIO 7:8

YandeYa peraɨu ramo, jare oipota ombopo jókuae peñemuñagüe reta pe güɨrökuavee jee re vae jeko pegua perenoe Egipto güi imbaepuere pe, jare pereepɨ yeokuaiasɨ katu güi, Egipto pegua mburuvicha guasu Faraón ipo güi.

2 Tesalonicenses 3:3

Echa yandeYa iñee ombopo avei vae ko, pemomɨ̈ratata jare peövatuta ikavimbae vae güi.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

1 Pedro 5:10

Ërei Tumpa ipɨakavi tuicha yae vae, yandeparavo omee vaerä yandeve yerovia opambae vae Jesucristo rupi vae, peiporarata güire michi pegua jae etei pembojupita, pemomɨ̈ratata jare pemoäta ngatuta.