DEUTERONOMIO 28:8 - Biblia Guarani Tumpa Iñee

⁸ YandeYa ombouta peavatío re iporerekua jare opaete mbaembae peyapo vae re; iporerekuata peré kuae ɨvɨ omeeta peve vae pe.

DEUTERONOMIO 28:8 ပူးပေါင်းရင်းမြစ်များ

2 REYES 6:27

Mburuvicha guasu jei chupe: —YandeYa mbaetɨ ndemborɨ yave, ¿këraita pa che chepuere romborɨ? ¿Chepuereta pa amee ndeve trigo ani vino?

SALMOS 1:3

Jókuae nunga kuimbae ko metei ɨvɨra ɨ̈aka jembeɨ pe oï vae rami, ia iara oväe yave ia, jokɨ katu avei, mbaetɨ jo osururu. ¡Opaete mbaembae oyapogüe oë kavi chupe!

SALMOS 128:2

Reu ndeparavɨkɨagüe yave, reyeroviata ko jare reiko kavita.

SALMOS 133:3

Ɨsápɨi ɨvɨtɨ Hermón re rami, oa ɨvɨtɨ reta Sión re. Echa joko pe yandeYa ombou mborerekua jare tekove opambae vae.

SALMOS 144:13

Oreavatío reta, titɨnɨe oipotagüe temitɨ jäi pe, orerɨmba reta toñemuña jeta yeyé ñuu rupi.

SALMOS 42:8

Ërei, ara pe cheYa ombou cheve iporoaɨu, jare pɨ̈tu yave atairari chekueraimbae, jare ayerure cheTumpa cherekove iya pe.

SALMOS 44:4

¡CheRu Tumpa, nde jae ko cheruvicha guasu! Nde reroasayepe Jacob iñemuña reta.

LEVÍTICO 25:21

Jayave che, cheporerekuata peré ovaa año re, jare jókuae año pemboɨruta mbaagüɨye mboapɨ año peguarä;

LEVÍTICO 26:10

Jare mbaagüɨye oarasagüe peuta, jare penoeta peñono ikatu pe mbaagüɨye oarasagüe peñovatu vaerä ipɨau vae.

HAGEO 2:19

Mase, kuae ara güive ngaraa ma oata peve temitɨ jäɨgüe pe avatío pe. Yepe tëi ndeiño ipotɨ uva, ɨva, temitɨ granada, ɨvɨra olivo ave; ërei kuae ara güive cheporerekuata peré.’ ”

San Mateo 13:30

Tokuakuaa päve mókoi reve trigo yaipoo regua. Jare yaipoo ma yave, jaeta ombaepoo vae reta pe: Pemboatɨ räri trigoraanga peyokua peapɨ vaerä. Ërei pemboɨru trigo cheavatío pe.’ ”

San Mateo 6:26

Pemae güɨra reta re. Kërai jae reta mbaetɨ tëi omaetɨ jare ombaarɨvo. Mbaetɨ tëi vi iyavatío. Ërei peRu ara pe oï vae omongaru reta. ¿Pe retaa pa ko Tumpa peraɨu yae chugüi reta vae?

San Lucas 12:18

Jare jei: ‘¡Aikuaa ma! Tamboai cheavatío reta jare tamopüa pɨau ye tuicha vae, jare joko pe tañovatu opaete chembaagüɨye reta jare opaete chembaembae.’

DEUTERONOMIO 14:29

jare yogüeru Leví iñemuña reta yave, echa kuae reta pe mbaetɨ oñemee ɨvɨ peve oñemee rami, ani ketɨgua yogüɨreko pepɨte pe vae, ani tɨ̈reɨ jare imemano vae oiko perëta pe vae, tokaru jare tijɨ̈vɨata. Jökorai yandeYa Tumpa iporerekua vaerä peré opaete mbae peyapo vae rupi.

DEUTERONOMIO 15:10

Pemee chupe yave pemee peräkateɨmbae reve, echa kuae peyapogüe re jare pemee vae re yandeYa Tumpa iporerekuata peré.

DEUTERONOMIO 15:4

Jökorai agüɨye vaerä oime paravete vae pepɨte pe, echa yandeYa Tumpa ko iporerekua peré jókuae ɨvɨ omee peve peiko vaerä pɨpea pe,

DEUTERONOMIO 28:20

YandeYa oitɨta peré yepopeyu, mbɨatɨtɨ jare mɨakañɨ opaete mbaembae peyapogüe rupi, opa regua pekañɨtei ɨmambae pegua, perembiapo ikavimbae rupi peeya jeko pegua.

DEUTERONOMIO 28:7

YandeYa omoamɨrita perovaicho reta yogüeru oporepeña peré vae reta; metei tape rupi yogüeru retata peve, ërei opata oñemoai moai otekuarai pegüi.