DEUTERONOMIO 28:7 - Biblia Guarani Tumpa Iñee

⁷ YandeYa omoamɨrita perovaicho reta yogüeru oporepeña peré vae reta; metei tape rupi yogüeru retata peve, ërei opata oñemoai moai otekuarai pegüi.

DEUTERONOMIO 28:7 ပူးပေါင်းရင်းမြစ်များ

2 REYES 7:5

Jayave, pɨ̈tu ma yave opüa reta yogüɨraja Siriaɨgua reta jeyupa kotɨ; ërei opata ma yogüɨraja oväe yave, oecha reta mbaetɨ etei kia joko pe vae.

2 CRÓNICAS 19:4

Josafat oiko Jerusalén pe, ërei oë ñoi opou tëta pegua reta rupi Beerseba güive ɨvɨtɨ Efraín kotɨ, omboyerova ye vaerä yandeYa kotɨ, iñemuñagüe reta iTumpa kotɨ.

SALMOS 18:38

Ambopere reta yave mbaetɨ opüa ye. ¡Oa reta ɨvɨ re chepɨ igüɨ pe!

SALMOS 89:23

Jaeño che amoamɨrita jovaicho reta chupe; ¡ayukata jókuae imotareɨa reta!

DEUTERONOMIO 28:25

YandeYa pemoamɨriukata perovaicho reta pe; metei tape rupi peporepeñata nderovaicho reta re, ërei opata peñemoai moai petekuarai chugüi reta; peñemoaita jare peikoasɨ katuta opaete tëta ñavo rupi.

DEUTERONOMIO 28:6

Peyekouta opaete mbaembae peyapo vae rupi.

DEUTERONOMIO 28:8

YandeYa ombouta peavatío re iporerekua jare opaete mbaembae peyapo vae re; iporerekuata peré kuae ɨvɨ omeeta peve vae pe.

DEUTERONOMIO 32:30

¿Metei vaeño këraita pa ipuere ombotekuarai mil vae? ¿Ani mókoi vae ombotekuarai diez mil vae? ¡Jaeño yandeYa, Ita guasu rami vae, omee ipo pe yave!

JOSUÉ 10:42

Opaete kuae mburuvicha guasu reta, jare iɨvɨ reta Josué opɨ̈ro opaete voi, echa yandeYa Israel iTumpa oñeraro Israel iñemuña reta jekovia pe.

JOSUÉ 23:10

Metei kuimbae vaeño pegüi reta ombosɨita mil kuimbae, echa yandeYa Tumpa ko oñeraro perekovia pe, jae jei peve rami.

JOSUÉ 8:22

Javoi tëta opɨ̈ro vae reta ñogüɨnoe joko güi oövaiti, jökorai Hai pegua reta opɨta Israel iñemuña reta mókoi yemboyao ñogüɨnoi vae ipäu pe, jare kuae reta omboɨpɨ oɨ̈raro Hai pegua reta opaetei oyuka regua.