DEUTERONOMIO 28:41 - Biblia Guarani Tumpa Iñee

⁴¹ Oimeta peraɨ jare perayɨ, ërei ngaraa yogüɨreko pembaerä, echa opata oyereraja tembipɨɨrä.

DEUTERONOMIO 28:41 ပူးပေါင်းရင်းမြစ်များ

2 REYES 24:14

Güɨraja tembipɨɨrä opaete Jerusalén pegua reta, opaete mburuvicha reta, opaete kuimbae jëia ñeraro pe vae reta, opaete ipoki ombaapo vae reta, jiero pe oparavɨkɨ vae reta; opaete reve oupitɨ diez mil tembipɨɨ. Mbaetɨ etei metei ave opɨta vae, jaeño iparavete vae reta.

2 CRÓNICAS 28:8

Sundaro reta Israel pegua oipɨɨ dosciento mil tembipɨɨrä jëtara Judá pegua reta, kuña reta, kunumi reta jare kuñatai reta reve, jare opɨ̈ro reta jeta mbaembae jare güɨraja reta Samaria pe.

ISAÍAS 65:23

Ngaraa oparavɨkɨiño reta, jare ngaraa imembɨiño, omano vaerä chugüi; echa che peYa iporerekua jese vae iñemuña reta ko, jökoraita vi iñemuña reta.

LAMENTACIONES 1:18

YandeYa, jupi ko; che ayembopɨapochɨ iñee kotɨ. ¡Añave, peendu opaete ɨvɨ pegua reta, pemae kuae aiporara yae aï vae re! ¡Chekunumi reta jare chekuñatai reta opa oyereraja tembipɨɨrä!

LAMENTACIONES 1:5

Jovaicho reta ñogüɨnoi tenondeguarä, imotareɨa reta opa oyemboikokatu. Echa yandeYa ko oiporarauka, oyembopɨa pochɨ yae jeko pegua. Pɨpegua reta opa oyererajauka jovaicho reta pe ɨvɨ ambuae kotɨ.

DANIEL 1:3

Jare mburuvicha guasu jei Aspenaz pe, jembiokuai eunuco reta juvicha pe, güeru vaerä Israel iñemuña reta güi amogüe mburuvicha iñemuña reta,

MIQUEAS 1:16

Sión, eñeapi nderaɨ reta reaɨu yae vae re ndepɨatɨtɨ jeko pegua; eyeapo guäpi iñäka rami, echa opa oyereraja tembipɨɨrä ndegüi.”

DEUTERONOMIO 28:32

Peraɨ jare perayɨ reta oñemeeta perovakei ïru tëta pegua reta pe, peyemombaerasɨta jese reta, ërei ngaraa mbae pepuere peyapo.