DEUTERONOMIO 28:4 - Biblia Guarani Tumpa Iñee

⁴ Peyekouta peraɨ reta rupi, peremitɨ reta ia re, perɨmba reta imembɨ re, peguaka reta imembɨ re, jare pevecha reta re.

DEUTERONOMIO 28:4 ပူးပေါင်းရင်းမြစ်များ

GÉNESIS 22:17

añave añetete cheporerekuata nderé jare ambojetata neñemuña reta yasɨtata rami, jare ɨguasu jembeɨ rupi ɨvɨkuitï oï rami. Neñemuña reta opɨ̈rota jovaicho reta güi jëta.

GÉNESIS 39:5

Jare kuae Egiptoɨgua omee güire José ipo pe opaete imbaembae, ou yandeYa iporerekua José rupi kuae Egiptoɨgua jo re; yandeYa etei oyangareko imbaembae jo pegua re, jɨmba reta jare iko reta re.

GÉNESIS 49:25

¡Yasoropai nderu iTumpa pe, jae ndemborɨta, Tumpa imbaepuere yae ete vae jee re, jae iporerekuata nderé! ¡Iporerekuata ɨvate güi, okɨ katu vae rupi! ¡Iporerekuata ɨvɨ ñäkɨ ngatu vae rupi! ¡Jare iporerekuata reñemuña ngatu vaerä!

SALMOS 107:38

Jae iporerekua jese reta, omoñemuña jetagüe; jökoraiño vi jɨmba reta.

SALMOS 127:3

Mase, michia reta oa vae yandeYa imbae ko, mbota ko michia reta oa yandeve vae.

SALMOS 128:3

Nderembireko, ndero iyɨpɨ pe uva ia yae vae ramita; nemichia reta, nemesa iyɨ́vɨri temitɨ olivo ramita.

PROVERBIOS 10:22

YandeYa iporerekua, mbaeyekou ko, ngaraa güeru mbɨatɨtɨ.

PROVERBIOS 13:22

Ipɨakavi vae, oeyata jɨmɨmino reta pe mbaeyekou, ërei iyoa vae reta imbaeyekou, opɨtata jupi vae reta imbaerä.

PROVERBIOS 20:7

¡Kuimbae jupi rupi kavi oiko vae, taɨgüe reta oyerovia katu reve kavi yogüɨrekota jae jaɨkue rupi!

LEVÍTICO 26:9

Echa che ayerova yeta pekotɨ, jare pombokuakuaata jare pombojetata jare cheporogüɨrökuavee päve amoañeteta pe ndive.

DEUTERONOMIO 28:11

YandeYa pemboyekouta pembaembae rupi, peraɨ reta rupi, perɨmba imembɨ reta rupi, peremitɨ reta ia rupi, jókuae ɨvɨ güɨrökuavee jee re omee vaerä peñemuñagüe reta pe vae pe.

DEUTERONOMIO 28:18

Yepopeyu toa nderaɨ reta re, neremitɨ ia reta re, ndeguaka imembɨ reta re, jare ndevecha reta imembɨ reta re.

DEUTERONOMIO 28:3

Peyekouta perëta guasu pe, jare peko pe.

DEUTERONOMIO 28:5

Peyekouta pekanata ipo re jare mbɨyape oyemómbɨu pɨpe vae re.

DEUTERONOMIO 7:13

Jare peraɨuta, iporerekuata peré, jare pemoñemuñata jeta, iporerekuata peñemuña reta re, pembaagüɨye reta re, petrigo re, peuva tɨgüegüe re, peolivo iasaite re, peguaka reta imembɨ re, jare pevecha reta re, jókuae ɨvɨ güɨrökuavee jee re peñemuñagüe reta pe vae, omeeta peve vae pe.

1 Timoteo 4:8

echa yanderete yamongúe vae michi peguaño ikavi yandeve, ërei Tumpa oipota vae, opaete pegua ikavi, echa ikavita yandeve añave yaikove yaiko ramboeve, jare ñamano ma yave.