DEUTERONOMIO 28:30 - Biblia Guarani Tumpa Iñee

³⁰ Pemomiari tëita kuña pemenda ïrurä, ërei ambuae vae kuimbaei güɨrekota; peyapota o, ërei ngaraa peiko pɨpe; peñotɨta uva, ërei ngaraa peyekou iagüe re.

DEUTERONOMIO 28:30 ပူးပေါင်းရင်းမြစ်များ

2 SAMUEL 12:11

Mase, che amopüaukata ndekotɨ ikavimbae neñemuña reta güi aeño; nderóvai aipɨɨta nderembireko reta jare ameeta nderapicha pe, jare oyapakuata nderembireko reta ndive ara pe etei.

JOB 20:18

Opaete güɨnoigüe, omboekovia yeta iya reta pe, mbaetɨta oyekou jókuae mbaeyekou re.

JOB 3:18

Joko pe vi oputuuta tembipɨɨ reta, ngaraa ma oendu reta oporomombaravɨkɨ vae iñee.

JOB 31:10

cherembireko toiko ïru vae jembiokuairä, jare ketɨgua toyapakua toke jae ndive.

ISAÍAS 62:8

YandeYa jei iyé aeño, oupi reve iyɨva iyakatu kotɨgua imbaepuere yae vae: “Ngaraa ye ma amaeño nderovaicho reta jou ndetrigo ani ketɨgua reta jou vino reparavɨkɨ jese vae;

JEREMÍAS 12:13

Oñotɨ reta tëi trigo, ërei oipoo reta käpeati; oparavɨkɨ mbateeiño reta. Mbaetɨ mbaagüɨye chupe reta, che peYa, chearasɨ ikotɨ reta jeko pegua.”

JEREMÍAS 6:12

Jo reta, iɨvɨ reta, jare jae reta jembireko oñemeeukata ambuae vae reta pe. Echa chepo ko amopüa aiporarauka vaerä kuae ɨvɨ pegua reta pe. Che ndeYa jae kuae.

JEREMÍAS 8:10

Jáeramo, jae reta jembireko ameeta ïru kuimbae reta pe, jare iko reta ameeta imoamɨría reta ipo pe. Echa michia güive okuakuaa vae pe, iyeupeguaräño imbaepotarai yae reta; ñeemombeúa reta jare sacerdote reta ave, opaete oporombotavɨ vae reta ko.

LAMENTACIONES 5:11

Oyuvanga reta kuña reta re Sión pe, Judá pegua tëta guasu reta rupi oyuvanga kuñatai reta re.

LAMENTACIONES 5:2

Opaete oreɨvɨ opɨta, ketɨgua reta ipo pe; orero reta opɨta, ïru tëtaguasu pegua reta joorä.

OSEAS 4:2

Jei raangaiño mbae oyapo vaerä, apu, yoyuka, maeñomi, aguasa; kuaekuae reta jeta jare oyoyuka vae oyoaɨkue yoaɨkueño.

AMÓS 5:11

Peyuvanga paravete vae re jare pekovara chupe trigo güɨnoi vae re, peyapo perorä ita oñeopagüe katuai vae jeko pegua, mbaetɨta peiko pɨpe; peuvarupa kavi peñotɨ vae güi mbaetɨta peu vino.

MIQUEAS 6:15

Pemaetɨta, ërei ngaraa pembaarɨvo; peyapasota temitɨ olivo jee vae iagüe, ërei ngaraa peyembopiche pɨpe; peitɨamita uva pɨau, ërei ngaraa peu vino.

HABACUC 3:17

Amboeteta, yepe tëi mbaetɨ ipotɨ ɨva, ani mbaetɨ uvarupa pe ia uva jare ɨvɨra olivo; yepe tëi ko pe mbaetɨ mbaagüɨye; yepe tëi mɨmbarókai pe opa vecha reta jare guaka mbaetɨ jókai pe. Jeseve ayerovia yaeta, cheYa chereroasayepe vae re.

SOFONÍAS 1:13

Jáeramo, opata oñepɨ̈ro imbaembae, jare jo reta opata oyemboai. Oyapo retata o, ërei ngaraa yogüɨreko pɨpe; oñotɨ retata uva, ërei ngaraa jou reta vino oyeapo chugüigüe.”

DEUTERONOMIO 28:31

Pegüeye peróvai oyuka retata pegüi, ërei ngaraa peu isoogüe; pemburika peróvai güi oñomita pegüi, ërei ngaraa oyemboyevɨ ye peve; pevecha reta oñemeeta perovaicho reta pe, ërei mbaetɨta kia opɨ̈ro ye peve vaerä.