DEUTERONOMIO 28:1 - Biblia Guarani Tumpa Iñee

¹ Peendu ete kavi peyeupe yandeYa Tumpa iñee yave, peyapo yave mborookuai reta amombeu añave peve vae, yandeYa Tumpa pembotuichata opaete tëtaguasu reta ɨvɨ pegua güi.

DEUTERONOMIO 28:1 ပူးပေါင်းရင်းမြစ်များ

1 CRÓNICAS 14:2

Jayave David oikuaa Tumpa ko omee chupe oiko vaerä mburuvicha guasurä Israel iñemuña reta pe vae, echa oecha ikavi yae opaete iporookuaía jëta Israel pe.

SALMOS 106:3

Oyerovia ko, jupi vae oyapo vae reta, jupi vae oyapo avei vae reta.

SALMOS 111:10

YandeYa güi yaipoɨu vae re ko oï arakuaa katu; yarakuaa katu ko, opaete oyapo yandeYa iporookuai reta vae. ¡Tumpa oyemboete aveita ko!

SALMOS 119:128

Jáeramo ko, amae jese jupi ko opaete ndeporookuai reta, opaete mbaembae reta güi, jare amotareɨ opaete apu reta.

SALMOS 119:6

Jayave ngaraa añemomaraiuka, aendu katu yave opaete ndeporookuai reta.

SALMOS 148:14

¡Jae ko ombotuicha yae tëta imbae vae imbaepuere! ¡Pemboete yandeYa, opaete imbae vae reta, pe Israel iñemuña reta! ¡Pe köiño peï chugüi vae reta! ¡Aleluya!

SALMOS 91:14

“Echa iporoaɨu oñono cheré ramo, che vi aepɨta; jare añonota ɨvate, echa cheré reikuaa ramo.

ÉXODO 15:26

jei körai: “Peendu kavi yave che peYa Tumpa iñee, jare peyapo yave jupi vae cheresa róvai, peendu jare peyapo yave opaete cheporookuai, ngaraa ambou peve metei ave mbaerasɨ reta Egiptoɨgua reta pe ambou vae; echa che ko jae peYa pepoanoa.”

ÉXODO 23:22

Ërei añetete perovia iñee jare peyapo opaete che jae peve vae yave, aikota perovaicho reta jovaichorä jare ambopɨatɨtɨta pembopɨatɨtɨ vae reta.

ÉXODO 23:25

PeYa Tumpa peño peyeokuai, jae pemboyekouta tembíu pe jare ɨ pe. Jare che ambosɨrɨta pegüi opaete mbaerasɨ reta,

ISAÍAS 1:19

pekɨ̈reɨ yave jare peendu yave, peuta ɨvɨ omee mbaagüɨye kavi vae;

ISAÍAS 3:10

Ere jupi vae pe, ojo kavita ko, echa oyekouta jembiapo re.

JEREMÍAS 11:4

Jae ko jókuae morogüɨrökuavee päve ayapo peñemuñagüe reta ndive vae, anoe reta yave Egipto güi, jókuae horno jiero oyemondɨkui pɨpe rami chupe reta vae güi. Jae chupe reta: Peendu cheñee reta, jare peyapo cheporookuai. Jayave peikota chembaerä jare che aikota peTumparä.

JEREMÍAS 12:16

Jae reta omboe chembae vae reta jei vaerä mbae Baal jee re, ërei oyapo reta yave añetete rupi chembae vae reta oyapo rami, jare jei reta mbae che cheree re yave, ipuere yogüɨreko chembae vae reta ipɨte pe.

JEREMÍAS 17:24

‘Che, peYa jae: Peyapo che jaegüe, agüɨye kërai ave peroike voɨta kuae tëta guasu jöke rupi ara mbutuu pe, mbae nunga mbaravɨkɨ ave agüɨye peyapo; peñono tee ara mbutuu.

San Lucas 1:6

Kuae reta jupi rupi yogüɨreko Tumpa jóvai. Echa jekuaeño omboyerovia reta Tumpa, oyapo reta yandeYa iporookuai reta vae rupi.

San Lucas 11:28

Ërei Jesús jei: —Oyerovia ko opaete oyeapɨsaka Tumpa iñee re vae reta, jare oyapo jae jei vae reta.

San Lucas 9:48

Jayave jei jemimboe reta pe: —Kia omboresive yave kuae nunga michia cheree re vae, che ko chemboresive. Jare jókuae chemboresive vae, omboresive ko chembou vae. Echa pepɨte pe oñemomichi vae ko oikota tenondeguarä.

San Juan 15:14

Pe reta ko jae chevɨa-ïru, che jae peve vae peyapo yave.

Romanos 2:7

Omeeta tekove opambae vae, jókuae ipɨaguasu reve oyapo ikavi vae, jare oeka mbaemboete jare manombae vae pe;

Gálatas 3:10

Echa opaete oyeko oyembojupi vaerä mborookuai jei vae rupi vae reta, ñogüɨnoi ko yepopeyu igüɨ pe. Echa oyekuatía oï körai: “Tijeko opaete mbaetɨ omboete ani mbaetɨ oyapo kuae mborookuai reta jeigüe vae.”

DEUTERONOMIO 11:13

Peyapo yave mborookuai reta amombeu añave peve vae, peaɨu reve yandeYa Tumpa jare peyeokuai reve chupe opaete pepɨa ndive, opaete perekove ndive,

DEUTERONOMIO 11:27

Penoita mborerekua, peyapo yave yandeYa Tumpa iporookuai reta, che amombeu añave peve vae.

DEUTERONOMIO 15:5

peendu yave yandeYa Tumpa iporookuai reta jare peyapo yave jae jei vae añave poyókuai aï jese vae.

DEUTERONOMIO 26:18

Jare yandeYa jei añave, pe jae ko tëta imbae, güɨrökuavee peve rami, peyapo vaerä opaete iporookuai reta.

DEUTERONOMIO 26:19

Jae pembotuicha vaerä opaete ïru tëtaguasu reta oyapogüe güi, mbaemboete pe, jare perërakua yaeta vae pe, peiko vaerä jae jei rami: Tëta oñeñono tee yandeYa Tumpa peguarä vae.”

DEUTERONOMIO 28:13

YandeYa peñonota tenonde, mbaetɨta peñono iyapɨ pe; pembaepuere aveita opaete vae güi, mbaetɨta peiko jae reta imbaepuere pe, peyapo yave yandeYa Tumpa iporookuai poyókuai añave vae,