DEUTERONOMIO 27:15 - Biblia Guarani Tumpa Iñee

¹⁵ ‘Tijeko jókuae kuimbae oyapo mbae iägüe ani tumpa-raanga jiero oyemondɨkuigüe pe vae, pɨ̈chɨi yae ko yandeYa pe, kuimbae ipoki vae jembiapo, jare oñomi oñono vae.’ Jare opaete vae tei: ‘Amén.’

DEUTERONOMIO 27:15 ပူးပေါင်းရင်းမြစ်များ

GÉNESIS 31:19

Jare Labán ojo oñapi ivecha reta ramboeve, Raquel oñomi tu itumpa-raanga reta.

GÉNESIS 31:34

Raquel oipɨɨ jókuae tumpa-raanga oñono camello regua apero igüɨ pe jare oguapɨ jese; jare Labán oeka tëi opaete o guakapi pegua rupi, jare mbaetɨ oväe.

GÉNESIS 9:25

Jare jei: “¡Cheyepopeyu toï Canaán re! ¡Tembiokuaiasɨ katu toiko tɨkeɨ reta pe!”

2 REYES 17:19

Ërei Judá pegua reta mbaetɨ vi oyapo yandeYa Tumpa iporookuai, echa ko oyapo reta vi Israel pegua reta oyapo mborookuai reta iyeupe vae rupi.

2 REYES 23:13

Jaeramiño vi mburuvicha guasu güɨröɨro güi omboai mbaemboete renda ɨvɨtɨ rupigua Jerusalén jóvai oï vae, ɨvɨtɨ Olivo güi arayevɨ kotɨ, kuae reta jae ko Salomón mburuvicha guasu Jerusalén pegua omopüa Astoret peguarä vae, Sidón-ɨgua reta itumpa kuña ikavimbae yae vae; Quemos peguarä, Moab pegua reta itumpa-raanga ikavimbae yae vae, jare Milcom, Amón iñemuña reta itumpa-raanga ikavimbae yae vae.

1 CRÓNICAS 16:36

¡Toyemboete yandeYa, Israel iTumpa, jekuae avei rupi!’ ” Jare opaete vae reta jei: “¡Amén!”, jare omboete reta yandeYa.

2 CRÓNICAS 33:2

Ërei oyapo ikavimbae yandeYa jesa róvai, yandeYa opa omoë omombo Israel iñemuña reta jenonde güi vae tëtaguasu reta jeko pɨ̈chɨi rami:

ÉXODO 20:23

Agüɨye peyapo tumpa oro pegua ani korepoti pegua, pemboete vaerä che chemboete rami.

ÉXODO 20:4

Agüɨye peyapo peyeupe mbae iägüe pemboete vaerä, ani mbae iägüe ɨvate ara pe oï vae ave, ani ɨvɨ pe oï vae ave, ani ɨ pe ɨvɨgüɨ pe oï vae ave.

ÉXODO 34:17

Agüɨye peyapo peyeupe tumpa reta jiero oyemondɨkui oyeapo vae pegua.

ISAÍAS 44:13

Ɨvɨra pegua mbaravɨkɨ pe oparavɨkɨ vae oipɨɨ tembiporu reta mbae ojäa pɨpe vae, jare ojäa kavi opaete mbaembae oyapota vae, omokañɨmaa lapi pe jare omboɨpɨ oparavɨkɨ; oyapo metei kuimbae iä, ombokavi kuimbae rami, javoi oñono o pe.

ISAÍAS 44:17

Jare jókuae ɨvɨra jembɨregüe oyapo tumpa-raangarä, javoi oyetavatɨka jóvai omboete vaerä, oyerure chupe körai: “¡Chereepɨ, nde ko chetumpa!”

ISAÍAS 44:19

Mbaetɨ oyemongeta reta, oata arakuaa chupe reta jei vaerä: “¡Kuae amboete aï vae, ɨvɨraño ko! Echa, kuae ɨvɨra jaɨgüe pe ayatapɨ, itätapɨigüe re amboyɨ mbɨyape jare soo jau vaerä; jare jókuae ɨvɨra jembɨregüe güi ayapo kuae mbae ikavimbae yae vae.”

JEREMÍAS 11:3

ere chupe reta: YandeYa, Israel iTumpa jei: ‘Tijeko topɨta jókuae morogüɨrökuavee päve pegua ñee reta mbaetɨ omboete vae.

JEREMÍAS 11:5

Jökorai, che ambopota morogüɨrökuavee päve ayapo peñemuñagüe reta ndive vae, amee vaerä peve ɨvɨ kavi yae añave penoi vae.’ ” Jare che jae: “Añete ko cheYa.”

JEREMÍAS 23:24

¿Oime ra kia ipuereta oñemi chegüi vae? che, opaete rupi ko aï, ara pe jare ɨvɨ pe. Che peYa ko jae kuae.

JEREMÍAS 28:6

—¡Añete mona yandeYa oyapo jökorai! ¡Mbae mona yandeYa ombopo ñee reta rere vae, jare oyereru ye tembiporu reta tupao pegua, jare oyereru ye iɨvɨ pe opaete oyererajauka Babilonia pe vae!

EZEQUIEL 14:4

Nemiari jae reta ndive, ere chupe reta: ‘Körai jei yandeYa Tumpa: Opaete Israel iñemuña reta oñono ipɨa pe tumpa-raanga reta omboete vaeräño vae, jare omae reta jókuae mbaeyoa oyapouka chupe reta vae kotɨño, jare ou oparandu ñeemombeúa pe vae, che peYa jaeta jókuae ou vae pe, jeta itumpa-raanga güɨnoi rupi.’

EZEQUIEL 7:20

Oyembotuicha reta, mbaembae jepɨ ipöra vae güɨnoi reta vae rupi; jókuae mbaembae jepɨ ipöra vae pe oyapo reta itumpa-raangarä ikavimbae yae vae. Jáeramo che aipoepɨta ɨtɨrä jókuae reta.

DANIEL 11:31

Isundaro reta mbaetɨ eteita omboete o mbaemboetea jare ikësea, oyopia reta agüɨye vaerä ma oñemee mɨmba oyeyuka oñemee ara ñavo vae jare oyapo retata joko pe ikavimbae yae vae.

DANIEL 9:11

Opaete Israel iñemuña reta mbaetɨ oyapo ndeporomboe jare mbaetɨ oipota reta oyapo ndeporookuai reta; jáeramo oa oreré ikavimbae jare yepopeyu reta nderembiokuai Moisés iporookuai pe oyekuatía oï vae, echa oreyoa ndekotɨ.

LEVÍTICO 19:4

Agüɨye pemboete tumpa-raanga reta, agüɨye vi peyapo petumparä jiero oyemondɨkuigüe. Che ko peYa Tumpa.

LEVÍTICO 26:1

Agüɨye peyapo tumpa-raanga reta pemboete vaerä, agüɨye pemopüa peyeupe mbae iägüe pemboete vaerä, peɨvɨ pe ave agüɨye pemopöra peñopa ita peyetavatɨka jóvai vaerä, echa che ko peYa Tumpa.

NÚMEROS 5:22

jare kuae ɨ yepopeyu pegua toike nderɨe pe jare tombotuicha nderɨe jare tijëogüe nderumbɨ.’ Jare jókuae kuña jeita: ‘¡Jökorai toiko, jökorai toiko!’

San Mateo 24:15

Jare peechata ikavimbae yae oyeapo vae ñemombeúa Daniel omoërakua vae (omongeta vae toikuaa.)

San Mateo 6:13

Jare agüɨye emaeño roipota oreyoa vaerä. Orereepɨ ikavimbae güi. Echa ndembae ko jekuae avei pegua mborookuaía, mbaepuere jare yemboetea. Amén.’

1 Corintios 14:16

Echa nde remboete yave Tumpa ndeespíritu peño, ñee nemiari pɨpe vae oikuaambae vae ngaraa ipuere oñemoïru nde ndive, yasoropai Tumpa pe remee yave. Echa mbaetɨ oikuaa mbae ko rere vae.

DEUTERONOMIO 27:14

Jare levita reta tei osapúkai reve, opaete Israel iñemuña reta pe:

DEUTERONOMIO 29:17

jare yaecha jókuae tëta guasu reta pe mbaembae pɨ̈chɨi yae vae güɨnoi reta vae, jare itumpa-raanga reta ɨvɨra pegua, ita pegua, korepoti pegua jare oro pegua jae reta omboete vae.

DEUTERONOMIO 4:25

Oime ma peraɨ jare perɨmɨmino yave, jare pendechi ma jókuae ɨvɨ pe yave, peyapo yave oipotagüe mbae iä, peyapo ikavimbae yandeYa Tumpa jóvai pemboarasɨuka vaerä yave,

DEUTERONOMIO 5:8

Agüɨye peyapo peyeupe mbae iä, mbae iägüe ɨvate ara pe oï vae, ani ɨvɨ pe oï vae ave, ani ɨ pe ɨvɨgüɨ pe oï vae ave.

DEUTERONOMIO 7:25

Omopöra kavi oyapo itumpa-raanga retarä vae peapɨ tata pe, agüɨye peipotarai korepoti ani oro peyeupeguarä, agüɨye vaerä peyemboavai jese, echa pɨ̈chɨi yae ko yandeYa Tumpa pe.

JUECES 17:4

Micaía omee ye güire korepoti ichɨ pe, jae omee jókuae dosciento reare korepoti, ipoki mbae iä korepoti pegua oyapo vae pe, oyapouka vaerä metei mbae iä oñeova korepoti pe vae, oñono vaerä Micaía jo pe.

1 SAMUEL 26:19

Cheruvicha guasu, romoñera reyeapɨsaka vaerä cheré, yandeYa ndemboyovaicho cheré yave, jae toipɨɨ chegüi mbota, ërei kuimbae retaño yave, toiporara reta yandeYa jóvai, echa añave cherenoe chemombo reta kuae ɨvɨ güi, jei reve cheve: “Ekua eyeokuai ïru tumpa ambuae reta pe.”