DEUTERONOMIO 26:5 - Biblia Guarani Tumpa Iñee

⁵ Jayave pemoë peñee jare pere yandeYa Tumpa jóvai: ‘Cheñemuñagüe ko Aram pegua oguata oiko vae, jae ojo Egipto pe mbovɨ kuimbae reta ndive, jare opɨta joko pe oiko vaerä; joko pe oñemuña, ou oyeapo metei tëtaguasu tuicha yae vae jare imbaepuere vae.

DEUTERONOMIO 26:5 ပူးပေါင်းရင်းမြစ်များ

GÉNESIS 12:2

Ndegüi ayapota tëtaguasu tuicha yae vae, jare cheporerekuata nderé, jare ambotuicha yaeta nderee opaete ɨvɨ rupi, jare cheporerekuata jeta vae reta re ndereko pegua.

GÉNESIS 24:4

ekua cheɨvɨ pe, cherëtara reta yogüɨrekoa güi eru kuña cheraɨ jembirekorä.

GÉNESIS 25:20

Isaac cuarenta año güɨnoi yave omenda Rebeca ndive, Betuel Aram pegua tayɨ, Labán Aram pegua jeindɨ, Padan-aram pe yogüɨreko vae.

GÉNESIS 27:41

Jare Esaú omotareɨ opɨta Jacob, tu omee ñee kavi chupe vae re, jei ipɨa pe: “Jarembaeño cheru omanota, jare oasa ma mbɨatɨtɨ yave tayuka cherɨvɨ Jacob.”

GÉNESIS 28:5

Jökorai Isaac omondo Jacob jare jae ojo Labán pɨri Padan-aram pe, Rebeca ikɨvɨ jëta pe; Rebeca jae ko Jacob jare Esaú ichɨ. Labán jae ko arameo Betuel taɨ.

GÉNESIS 31:20

Jökorai Jacob ombotavɨ Labán Aram pegua, mbaetɨ omombeu chupe oë ojo vae.

GÉNESIS 31:24

Ërei Tumpa ou jókuae pɨ̈tu Labán Aram pegua ike pe, jare jei chupe: “Eyeandu, agüɨye nemiari Jacob pe jasɨ katu rupi.”

GÉNESIS 31:40

Kuaraɨ cheyuka ara pe jare pɨ̈tu yave iroɨ; ¡jare mbaetɨ ake kavi!

GÉNESIS 43:12

Jare peraja mókoi jɨru korepoti: Metei jɨru pembaegua vaerä jare ïru jókuae korepoti ou ye pevoɨtarɨru iyuru pe vae; güɨramoi oyavɨ ramo jökorai.

GÉNESIS 45:11

Jare joko pe ameeta nderembiurä, echa oime vɨteri pandepo año rupi karuaita vae, agüɨye vaerä pemano mbaravete jeko pegua, nde jare ndero pegua reta jare opaete mbaembae renoi vae.”

GÉNESIS 45:7

Tumpa ko chembou perenonde, peñemuña reta oikove vaerä ɨvɨ iárambo, jare pogüɨroasa vaerä mɨakañɨ tuicha vae rupi.

GÉNESIS 46:27

José taɨ reta Egipto pe oa vae, mókoi. Opaete Jacob iñemuña reta yogüeru Egipto pe vae, setenta.

GÉNESIS 47:27

Jökorai Israel ou oiko Egipto pe, ɨvɨ Gosén pe; jare güɨnoi imbaembae pɨpe jare okuakuaa jare oñemuña reta jeta yeyé.

GÉNESIS 47:4

Jei reta vi Faraón pe: —Royu ko roiko vaerä kuae ɨvɨ pe; echa mbaetɨ kapii ore nderembiokuai reta ivecha peguarä, karuai jasɨ yae ko Canaán pe; jáeramo romoñera añave remaeño vaerä ore nderembiokuai reta yogüɨreko ɨvɨ Gosén pe.

ÉXODO 1:12

Ërei jeiete oiporarauka chupe reta reve, jekuaeñoi oñemuña jare okuakuaa reta; jáeramo Egiptoɨgua reta okɨɨye Israel iñemuña reta güi.

ÉXODO 1:5

Opaete Jacob iñemuña reta oa chupe vae jae ko setenta. Ërei José oime ma oï Egipto pe.

ÉXODO 1:7

Jare Israel taɨ reta jeta yae oñemuña, jeiete okuakuaa reta jare imbaepuere yae reta, jökorai jae reta omotɨnɨe jókuae ɨvɨ.

OSEAS 12:12

Ërei Jacob otekuarai ojo ɨvɨ Aram kotɨ, joko pe oyeokuai güɨnoi vaerä jembirekorä, oparavɨkɨ oyangareko mɨmba reta re.

OSEAS 12:13

Metei ñeemombeúa rupi, yandeYa güɨnoe Israel iñemuña reta Egipto güi; ¡metei ñeemombeúa rupi oyangareko jese reta!

Hechos 7:15

Jökorai Jacob ojo Egipto pe. Jare joko pe jae jare jókuae ñaneñemuñagüe reta opa omano.

DEUTERONOMIO 1:10

YandeYa Tumpa jeta yae ma pemoñemuña, jeta yae ma peiko yasɨtata rami.

DEUTERONOMIO 10:22

Peñemuñagüe reta yogüɨraja setenta kuimbae Egipto kotɨ, jare añave yandeYa Tumpa pembojeta yeyé yasɨtata rami.

DEUTERONOMIO 26:4

Javoi sacerdote toipɨɨ kanata ndepo güi jare toñono yandeYa Tumpa pe mɨmba oyeyuka oyeapɨ jese vae jóvai.

DEUTERONOMIO 7:7

Tëta tuichagüe yae peiko ïru tëta reta güi ramoä ko yandeYa pepota jare peparavo, pe reta ko tëta mbaeä etei yepi opaete ïru tëta reta güi vae.