DEUTERONOMIO 26:2 - Biblia Guarani Tumpa Iñee

² peipɨɨ pembaagüɨyerɨpɨ, jare peñono metei kanata pe peraja yandeYa Tumpa oiparavo jee oïta pɨpea pe.

DEUTERONOMIO 26:2 ပူးပေါင်းရင်းမြစ်များ

2 REYES 4:42

Jayave ou metei kuimbae Baal-salisa pegua, güeru Eliseo Tumpa iñeemombeúa pe mbaagüɨyerɨpɨ: Veinte mbɨyape cebada pegua jare trigo ipɨau vae ivokoo pe. Jayave Eliseo jei jembiokuai pe: —Emee kuimbae reta pe, jou reta vaerä.

2 CRÓNICAS 31:5

Jare kuae mborookuai oñemoërakua yave, Israel iñemuña reta omee jeta imbaagüɨyerɨpɨ güi, vino, olivo iasaite, ei jare opaete jemitɨ reta iagüe. Güeru reta vi jeta rupi opaete iparavɨkɨ reta güi ombosɨrɨ reta payandepo ñavo güi metei vae.

2 CRÓNICAS 6:6

Ërei aiparavo Jerusalén, joko pe oï vaerä cheree, jare aiparavo David oï vaerä tëta chembae vae Israel juvicharä.’

NEHEMÍAS 12:44

Jókuae ara oyeparavo kuimbae reta oyangareko vaerä mbaembae jepɨ vae oñeñovatúa re, mbota reta oñeñovatúa re, mbaagüɨyerɨpɨ oñeñovatúa re, payandepo güi metei oñemee vae oñeñovatúa re, jae reta oñovatu vaerä pɨpe opaete mbaembae oyereru tëta ñavo güi vae, sacerdote jare levita reta peguarä vae; echa Judá pegua reta oyerovia yae sacerdote jare levita reta oyeokuai ñogüɨnoi vae reta ndive.

NEHEMÍAS 13:31

jare opaete vae reta güeru vaerä mbaagüɨyerɨpɨ reta vae, jare kërai yave güeru reta vaerä mbota yepea vae. ¡CheRu Tumpa! ¡Nemaendúa cheré ikavi vae rupi!

ÉXODO 20:24

Peyapo cheve mɨmba oyeyuka oyeapɨ jese vae ɨvɨ pegua, jare pemee jese cheve mɨmba oyeyukagüe opaetei oyeapɨ vae jare mbota mbɨakatu pegua, pevecha reta jare peguaka reta, opaete oïa rupi, che aipota cheree oï avei jesea rupi, che ayuta pekotɨ, jare cheporerekuata peré.

ÉXODO 22:29

Agüɨye peäro peru vaerä cheve mbota pembaagüɨyerɨpɨ güi jare peuva tɨgüegüe güi. Peraɨrɨpɨ pemeeta cheve,

ÉXODO 23:16

Jökoraiño vi arete mbaagüɨye regua; pembaagüɨyerɨpɨ kó pe peñotɨ vae, jare arete mbaarɨvo regua año opata ma yave vae; pemboɨru ma yave peremitɨ yagüɨyegüe.

ÉXODO 23:19

Pembaagüɨyerɨpɨ ikavigüe peru che peYa Tumpa jo pe. Agüɨye kavara raɨ isoogüe pemboyɨ ichɨ ineche pe.

ÉXODO 34:26

Pembaagüɨyerɨpɨ ikavigüe peraja che peYa Tumpa jo pe. Agüɨye kavara raɨ isoo pemboyɨ ichɨ ineche pe.”

JEREMÍAS 2:3

Israel oñeñono tee kavi cheve yepi, jae ko mbaagüɨyerɨpɨ rami cheve yepi. Ikavimbae oyapo chupe vae reta pe che aiporarauka, susere reta ambou chupe reta; che ndeYa ko, jae kuae ndeve.”

EZEQUIEL 20:40

Ërei cheɨvɨtɨ añono tee vae re, ɨvɨtɨ ɨvate Israel pe vae re, jei yandeYa Tumpa. Joko pe chemboeteta Israel iñemuña reta, joko pe aiporuta chupe reta mbota mbaagüɨyerɨpɨ jare opaete mbota oñeñono tee vae.

EZEQUIEL 44:30

Opaete mbaagüɨyerɨpɨ jare opaete mbota reta oñemee vae güi, sacerdote reta peguarä toiko. Jaeramiño vi pemeeta sacerdote reta pe opaete trigokúi oyemómbɨu ramo mbɨyaperä vae güi; jökorai oime vaerä cheporerekua pero pe.

EZEQUIEL 48:14

Mbaetɨta mbae ave oñemee chugüi, ngaraa ave vi oyepoepɨ mbae ndive, mbaetɨta ïru vae ipo pe ave oyemboasa; echa yandeYa pe oñeñono tee vae ko.

LEVÍTICO 2:12

ërei toñemee cheve mbota mbaagüɨyerɨpɨ rami; ërei agüɨye toyeapɨ mɨmba oyeyuka oyeapɨ jese vae re, ïru mbota reta oyeapɨ oñemee cheve vae rami.

LEVÍTICO 2:14

Oñemee yave mbota mbaagüɨyerɨpɨ cheve, toyeimbe tata pe jókuae mbaagüɨyerɨpɨ jovɨgüe jare jäɨ oyeapasogüe, körai toñemee mbota mbaagüɨyerɨpɨ.

Romanos 11:16

Echa mbaagüɨyerɨpɨ reta oñeñono tee Tumpa pe yave, opaete trigokúi oyemombɨugüe oñeñono tee vi ko Tumpa peguarä. Ani metei temitɨ japo reta oñeñono tee Tumpa pe yave, opaete jäka reta oñeñono tee vi ko Tumpa peguarä.

Romanos 16:5

Pemee vi tamaraeme oporogüɨrovia vae reta oyemboatɨ Priscila jare Aquila jo pe vae. Pemee vi tamaraeme cherɨvɨ Epeneto pe. Jae ko jae räri güɨrovia Cristo re Acaya pe vae.

Romanos 8:23

Jökoraiño vi yande, Espíritu räri yamboresive ma yandepɨa pe vae, yaiporara yae ñaï yandepɨa pe, echa ñaäro ñaï yanderete oyeyora ete vaerä, Tumpa taɨ reta yande ramo.

1 Corintios 15:20

Ërei Cristo oikove ye ko omanogüe reta ipɨte güi. Jae ko tenonde ete oikove ye omanogüe reta ipɨte güi vae.

1 Corintios 15:23

Ërei metei ñavo jenda jenda pe kavi: Tenonde ete Cristo oikove ye; ërei Cristo ou ye yave, opaete güɨrovia jese vae reta oikove yeta.

1 Corintios 16:2

Tenondegua ara semana iyɨpɨ ñavo pe, metei ñavo peñovatu penoi rupi; peñovatu, agüɨye vaerä pemboatɨ che aja yave ramo.

DEUTERONOMIO 16:10

peyapo arete ikavi yae vae semana regua yandeYa Tumpa pe, jare pemee mbota yandeYa Tumpa pe pekɨ̈reɨ ngatu reve jókuae iporerekua peré vae penoi rupi.

DEUTERONOMIO 18:4

jaeramiño vi pembaagüɨyerɨpɨ güi: Trigo, vino jare olivo iasaite, jare tenondegua vecharaagüe, pevecha güi peekɨgüe toñemee chupe reta.

DEUTERONOMIO 26:1

Peike ma yandeYa Tumpa omee ɨvɨ pembaerä vae pe jare peiko ma pɨpe yave,

DEUTERONOMIO 26:3

Jare joko pe oï sacerdote jókuae ara rupi vae jóvai peyemboɨ, jare pere chupe: ‘Ko añave roe yandeYa Tumpa pe, roike ma ɨvɨ omombeu jee re oreñemuñagüe reta pe omee vaerä oreve vae pe.’

Santiago 1:18

Jae oipota ramo, yandeapo taɨ retarä iñee añete vae rupi, yaiko vaerä mbaagüɨyerɨpɨ rami chupeguarä opaete jembiapo güi.

JOSUÉ 18:1

Opaete Israel iñemuña reta oyomboatɨ Silo pe, jare joko pe omopüa reta o guakapi pegua opɨ̈ro güire ɨvɨ,

Apocalipsis 14:4

Jae reta mbaetɨ oyemongɨa kuña reta ndive. Echa mbaetɨ etei oasa reta kuña ndive. Jae reta yogüɨraja Vecha kuimbae taɨrusu vae ndive kerupi ojoa rupi. Kuae reta ko Cristo oepɨ ɨvɨ pegua reta ipɨte güi vae. Jae reta ko mbaagüɨye rɨpɨ rami Tumpa jare Vecha kuimbae taɨrusu vae peguarä.