DEUTERONOMIO 25:1 - Biblia Guarani Tumpa Iñee

¹ Oime kia nunga reta oñeapo oyoe yave, toyogüɨraja oporojäa vae reta jóvai, jae reta tombojupi jekombae jare tomboeko reta jeko vae.

DEUTERONOMIO 25:1 ပူးပေါင်းရင်းမြစ်များ

2 SAMUEL 23:3

Israel iTumpa jei, Israel iyangarekoa jei cheve: ‘Mburuvicha güɨroata yave jupi rupi jëta pegua reta, Tumpa güi oipoɨu reve kavi güɨroata vae,

1 REYES 8:32

eendu ara pe jare eyapo jupi vae nderembiokuai pe. Jeko vae toiporara jeko re aeño, jare jekombae pe eyapo jupi vae jeko kavi rupi.

ÉXODO 22:9

Kia nunga vae oyemombae yave mbae okañɨgüe re: Güeye, mburika, vecha, temimonde re, jare kia nunga vae ou jei jae imbae ko yave, kuae reta toyereraja oporojäa vae reta jóvai, jare oporojäa vae reta teko oväe jese vae tomboepɨ metei yoarambo ye japicha pe.

PROVERBIOS 17:15

Jupimbae ombojupi vae jare jupi vae omboeko vae, yandeYa pe ikaviä yae ko kuae reta.

ISAÍAS 1:17

¡Peyemboe mo peyapo ikavi vae; peeka peyapo vaerä jupi vae, peyapo mo ikavi vae, oiporara yae vae reta pe, peyapo jupi vae tɨ̈reɨ reta pe, peepɨ imemano vae reta!”

ISAÍAS 1:23

Nderuvicha reta, oyapota tëi vae, mbaetɨ oyapo reta, imonda vae reta ndive oñemoïru reta. Omomora yae reta mbae oyemboepɨ vɨari chupe reta vae, oeka reta kia omee vaerä mbota chupe reta. Mbaetɨ oyapo reta jupi vae tɨ̈reɨ pe, imemano vae iñeapo re, mbaetɨ omborɨ reta.

ISAÍAS 11:4

oporojäata ko jupi rupi paravete vae reta re, oñemoëta arakuaa katu reve kavi, ipɨa omomichi vae reta re; jare iñee rupi oporonupata, iñee pe oyukata iTumpa potambae.

ISAÍAS 5:20

¡Peparavete, pe reta pere ikavimbae pe “ikavi vae”, jare ikavi vae pe pere “ikavimbae”; tembipe peipoepɨ pɨtumimbi pe, jare pɨtumimbi peipoepɨ tembipe pe; iro vae peipoepɨ jëe vaerä, jare jëe vae peipoepɨ iro vaerä!

ISAÍAS 5:23

Peipɨɨ vɨari korepoti vae rupi mbaetɨ pemboeko, jeko tëi vae, jare mbaetɨ peñono kavi teko, jekombae vae peguarä.

LAMENTACIONES 3:35

Tumpa Tuichagüe yae ete vae jóvai oyererova jupi vae kuimbae güi vae,

LAMENTACIONES 3:36

mbaetɨ jupi vae oyeapo kuimbae pe vae; opaete kuaekuae Tumpa pe mbaetɨ etei ko jaekavi.

EZEQUIEL 44:24

Oime ñeapo yave jae reta oporojäata; che aporojäa rami toporojäa reta. Toyapo reta opaete cheporookuai reta jare cheporomboe reta opaete chearete regua, jare toñono tee reta cheara mbutuu pegua.

HABACUC 1:13

Ikɨa vaeä ko nde remae vaerä ikavimbae re jare ndepɨakatu vaerä jese; jayave, ¿maera pa remaeño oporoyuka vae reta re, jare kïriiño remae jeko kavimbae vae reta re omboai yave jeko ikavi chugüi vae reta?

HABACUC 1:4

Mbaetɨ oyeapo mborookuai jei vae, morojäa mbaetɨ oyeapo jupi rupi, iyoa vae reta omotareɨ jeko kavi vae, jáeramo mbaejupi oikomegua.

MALAQUÍAS 3:18

Jayave pe reta peikuaa yeta jupi vae jare jupimbae vae, Tumpa pe oyeokuai vae jare mbaetɨ oyeokuai chupe vae.”

San Mateo 3:10

Jáeramo temitɨ oyeasɨa vaerä ma ko oï japo reve, echa opaete temitɨ ikavimbae vae iya oyasɨa ko oapɨ vaerä.

DEUTERONOMIO 17:11

Mborookuai reta re pemboe rami, jare morojäa kërai peyapo vaerä pemboe rami peyapo, agüɨye peipoepɨ kërai ave yepe.

DEUTERONOMIO 24:22

Pemaendúa peikose ko tembiokuairä ɨvɨ Egipto pe vae re, jáeramo, che poyókuai peyapo vaerä kuae.