DEUTERONOMIO 24:17 - Biblia Guarani Tumpa Iñee

¹⁷ Agüɨye peyapo jupimbae ketɨgua kotɨ, ani tɨ̈reɨ kotɨ, imemano vae jemimonde ave agüɨye peekɨ chugüi ipía re.

DEUTERONOMIO 24:17 ပူးပေါင်းရင်းမြစ်များ

JOB 22:6

Repɨ̈ro mbae nerëtara reta güi jupimbae reve, repɨ̈ro temimonde paravete vae güi jare reeya jetegüɨrai.

JOB 24:3

Tɨ̈reɨ reta imburika güɨraja chugüi, imemano vae igüeye opɨ̈ro reta chugüi.

ÉXODO 22:20

Mɨmba oyuka omee ïru tumpa reta pei yandeYa güi vae, tomano.

ÉXODO 23:2

Agüɨye peyeko jeta vae reta iyemongeta reño, ikavimbae oyeapo vaerä. Teko peñono kavi yave, agüɨye peyererajauka jeta vae reta jeia re, peepɨ vaerä jeko jupimbae;

ÉXODO 23:6

Agüɨye perova paravete vae iñeapo chugüi.

ÉXODO 23:9

Agüɨye pembopɨatɨtɨ ketɨgua; echa pe reta peikuaa, kërai ko ketɨgua reta ipɨa vae, echa pe reta peikose ketɨgua ɨvɨ Egipto pe.

PROVERBIOS 31:5

echa okau reta yave, güɨramoi iñakañɨ retata mborookuai güi, jare güɨrova paravete vae reta güi jupi vae.

ECLESIASTÉS 5:8

Metei tëtaguasu pe reecha yave paravete vae oyererekoasɨ katu jare jupigüe mbaetɨ oyeapo chupe yave, agüɨye nepɨakañɨ jese; echa metei mburuvicha re omae, ïru mburuvicha ma tuicha vae, jare ïru mburuvicha tuicha yae ete vae güɨnoi mbaepuere kuae mókoi reta re.

ISAÍAS 1:23

Nderuvicha reta, oyapota tëi vae, mbaetɨ oyapo reta, imonda vae reta ndive oñemoïru reta. Omomora yae reta mbae oyemboepɨ vɨari chupe reta vae, oeka reta kia omee vaerä mbota chupe reta. Mbaetɨ oyapo reta jupi vae tɨ̈reɨ pe, imemano vae iñeapo re, mbaetɨ omborɨ reta.

ISAÍAS 3:15

¿Maera pa peyuvanga tëta chembae re? ¿Maera pa peyuvanga mbatee paravete vae reta re?” Jei yandeYa Tumpa Imbaepuere yae ete vae.

ISAÍAS 33:15

Jupi rupi oiko vae jare jupi rupi imiari vae, güɨröɨro yemboikokatu maepɨ̈ro rupi vae, mbaetɨ omomora mbae oyemboepɨ vɨari vae, mbaetɨ oyeapɨsaka yemongeta ikavimbae pegua vae re vae, jare mbaetɨ omae ipɨa pe ikavimbae re vae;

JEREMÍAS 22:3

Kuae pe, peyapo jupi vae jare sɨmbi vae, peyora jasɨ katu oiko vae oporogüɨrekoasɨ katu vae ipo güi, agüɨye pembotavɨ ani mbae peñomi ketɨgua güi, tɨ̈reɨ güi ani imemano vae güi. Agüɨye peyuka jekombae.

JEREMÍAS 5:28

Okaru kavi jare ikɨra yae reta. Jeko ikavimbae oyapogüe oasa ete ye; mbaetɨ oyapo reta jupi vae tɨ̈reɨ pe, mbaetɨ oyapo jupi vae paravete vae reta pe.

EZEQUIEL 22:29

Opaete vae reta oporogüɨrekoasɨ katu jare omaeñomi reta; omaepɨ̈ro reta paravete vae güi jare oata mbae re vae güi, jare oyapo reta jupimbae ketɨgua reta pe.

EZEQUIEL 22:7

Nderapɨpe yogüɨreko vae reta omboeteä tu jare ichɨ, oiporarauka reta ketɨgua pe, opɨ̈ro reta mbae tɨ̈reɨ güi jare imemano vae güi.

LEVÍTICO 19:33

Agüɨye peiporarauka ketɨgua yogüɨreko pepɨte pe vae pe.

MIQUEAS 7:3

Oikatu yae oyapo reta vaerä ikavimbae; mburuvicha reta oekɨ mbae iyeupe ïru vae reta güi, jare oporojäa vae reta oporojäa jepɨ chupe ramoño; mbaepuere güɨnoi vae imiari ipɨa jeiaño, jare opaete vae reta omborɨ katu.

ZACARÍAS 7:10

Agüɨye perekoasɨ katu imemano vae, tɨ̈reɨ, ketɨgua, ani paravete vae. Agüɨye metei ave toyemongeta pɨ̈chɨi ipɨa pe ïru vae kotɨ.’

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

San Lucas 3:14

Sundaro reta vi oparandu Juan pe: —Ore reta ¿Mbae pa royapota? Jayave Juan jei chupe reta: —Agüɨye pepɨ̈roiño mbae jare agüɨye pemboekoiño kia. Pepɨakatu jókuae pemonganagüe re.

DEUTERONOMIO 1:17

Oporojäa vaerä oporoparavombae reve; oyeapɨsakata paravete vae re jare oikokatu vae re, mbaetɨ eteita kia güi okɨɨye, echa Tumpa etei ko oporojäa. Jare yavai yae teko yave peruta cheve, che ayapo vaerä.

DEUTERONOMIO 16:19

Agüɨye perokomegua jupi vae; agüɨye etei pemboyoavɨ metei vae ïru ndive, echa jókuae nunga güɨrokomegua yarakuaa vae reta jare jupi vae reta.

DEUTERONOMIO 24:13

pemee ye chupe kuaraɨ oike yave, ipuere vaerä oyeasoi oke, jökorai jae iñee kavita pekotɨ, echa ikavi vae ko peyapo yandeYa Tumpa jóvai.

DEUTERONOMIO 24:18

Pemaendúa, pe reta tembiokuai ko peikose Egipto pe vae, jare joko güi yandeYa Tumpa perenoe; jáeramo, che poyókuai peyapo vaerä opaete kuae.

DEUTERONOMIO 24:6

Agüɨye peiporu mbia re angúa ani mbaesoka, echa ipía vae pe jekove oyeporu rami ko.

DEUTERONOMIO 27:19

‘Tijeko oyapo ikavimbae ketɨgua pe vae, tɨ̈reɨ pe ani imemano vae pe vae.’ Jare opaete vae tei: ‘Amén.’

Santiago 2:6

Ërei pe reta peñeeasɨ katu paravete vae reta kotɨ. ¿Mbaetɨ pa peikuaa oikokatu vae reta ko pererekoasɨ katu vae jare pereraja mburuvicha reta jóvai vae?