DEUTERONOMIO 24:15 - Biblia Guarani Tumpa Iñee

¹⁵ Pemboepɨ chupe jókuae ara voi ndei pɨ̈tu mbove, echa paravete ko, oatata chupe oiko jese vaerä. Agüɨye vaerä oñeapo peré yandeYa pe jare peyoa pepɨta.

DEUTERONOMIO 24:15 ပူးပေါင်းရင်းမြစ်များ

JOB 31:13

Aröɨro ra cherembiokuai kuimbae ani kuña reta jupi jei vae, oyoaka reta yave che ndive.

JOB 31:38

Cheɨvɨ mbaetɨ oñeapo cheré, temitɨ reta ñogüɨnoi pɨpe vae mbaetɨ vi ipɨatɨtɨ.

JOB 34:28

Paravete jare yogüɨrekoasɨ katu vae reta jäse, ojo oväe Tumpa jóvai, jare jae oendu.

JOB 35:9

Kuimbae reta osapúkai yogüɨrekoasɨ katu jeko pegua, oeka reta kia güɨroasayepe vaerä imbaepuere vae reta güi;

JOB 7:2

Tembiokuai oipotaecha küaraɨa pe oï tëi vae rami, jare ara ñavo iparavɨkɨ jepɨ chupe vae, oäro rami.

SALMOS 24:4

Ipo ikɨambae Tumpa jóvai vae, jare ipɨa ikɨambae vae; mbaetɨ ipɨa oñono tumpa-raanga reta kotɨ vae, ani mbaetɨ tavɨ rupi oyapo ñererökuavee vae.

SALMOS 25:1

CheYa Tumpa, ndekotɨño che ayerure;

SALMOS 86:4

CheYa Tumpa, che nderembiokuai, chemboyerovia, echa ayerure ko ndeve.

ISAÍAS 5:7

Jókuae yandeYa Imbaepuere yae ete vae iuvarupa, jae ko Israel iñemuña reta, jare temitɨ ikavi vae, jae ko kuimbae Judá pegua reta. YandeYa oäro tëi chugüi reta jupi vae, ërei jeieteño ikavimbae, oäro tëi chugüi reta jupi vae, ërei jeieteño jäse oiporara vae reta.

JEREMÍAS 22:13

“¡Paravete, nde ikavimbae rupi jare jupimbae rupi remopüa nderorä vae; nde remombaravɨkɨ ïru vae reta remboepɨmbae reve chupe iparavɨkɨ reta jepɨ!

LEVÍTICO 19:13

Agüɨye peyuvanga perapicha re, agüɨye peñomi mbae chugüi. Agüɨye pemombɨta oparavɨkɨ peve vae ikorepoti pɨareve peguarä, pemboepɨ voi chupe.

LEVÍTICO 25:35

Kia nunga vae perëtara iparavete opɨta yave, jare ou pekotɨ pemborɨ vaerä, pemborɨ ketɨgua rami, jare toiko pe ndive pero pe.

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

San Mateo 20:8

Kuaraɨ oike ma yave, ko iya jei jembiokuai opaete imbaembae iyangarekoa pe: Eenɨi oparavɨkɨ vae reta jare emboepɨ chupe reta. Emboɨpɨ emboepɨ taɨkue ete omboɨpɨ oparavɨkɨ vae reta güi, jare emboapɨ tenonde omboɨpɨ oparavɨkɨ vae reta pe.

San Marcos 10:19

Nde reikuaa ko mborookuai reta: Agüɨye eyuvanga menda re. Agüɨye eporoyuka. Agüɨye ndemonda. Agüɨye ere añetembae nderapicha kotɨ. Agüɨye eporombotavɨ. Emboete nderu jare ndesɨ.

DEUTERONOMIO 15:9

Peyeandu agüɨye vaerä oime yemongeta ikavimbae pepɨa pe, jare pere: ‘Köiño ma año chiúa oime vaerä ñɨ̈ro opaete mbia reta re.’ Jare perova arasɨ pemae perëtaɨgua paravete vae re, jare mbaetɨ mbae peiporuka chupe, echa jae ipuere oñeapo peré yandeYa pe jare jae omaeta peré, iyoa vae.

1 Timoteo 5:18

Echa Tumpa Iñee jei körai: “Güeye ombopiriri trigo oï yave, agüɨye peiyuruokua.” Jare: “Echa jupi ko oparavɨkɨ vae pe oyemboepɨ vaerä.”

Santiago 5:4

Mase, oparavɨkɨ vae reta ombaarɨvo peve vae reta pe mbaetɨ pemboepɨ vae, oñeapo oï peré. Pe reta pembotavɨ rupi mbaetɨ pemboepɨ chupe vae. Jare yandeYa Imbaepuere yae vae oendu ma iñeengeta peve jókuae ombaarɨvo vae reta vae.