DEUTERONOMIO 24:14 - Biblia Guarani Tumpa Iñee

¹⁴ Agüɨye peyuvanga paravete vae re, ara ñavo oyeokuai omongana vaerä vae, perëtaɨgua ani ketɨgua oiko peɨvɨ pegua tëta guasu reta pe vae.

DEUTERONOMIO 24:14 ပူးပေါင်းရင်းမြစ်များ

PROVERBIOS 14:31

Paravete vae güɨrekoasɨ katu vae, ikavimbae ko oyapo Iyapoa kotɨ; ërei omboete ko, paravete vae re güɨ noi mboroparareko vae.

PROVERBIOS 22:16

Oyemboikokatu vaerä paravete vae omombaravɨkɨasɨ katu ani omee oikokatu vae pe vae, iparaveteta ko opɨta.

EZEQUIEL 22:7

Nderapɨpe yogüɨreko vae reta omboeteä tu jare ichɨ, oiporarauka reta ketɨgua pe, opɨ̈ro reta mbae tɨ̈reɨ güi jare imemano vae güi.

LEVÍTICO 19:13

Agüɨye peyuvanga perapicha re, agüɨye peñomi mbae chugüi. Agüɨye pemombɨta oparavɨkɨ peve vae ikorepoti pɨareve peguarä, pemboepɨ voi chupe.

AMÓS 2:7

Oyuvanga reta ipuerembae vae reta re, jare paravete vae reta güi güɨrova reta teko; metei kuimbae taɨ ndive güɨreko päve metei kuñatai, omongɨa reta cheree ikɨambae.

AMÓS 4:1

Peendu kuae ñee, guaka reta Basán pegua, Samaria iɨvɨtɨ re peiko vae, peyuvanga paravete vae reta re vae; peme reta pe pere: “Peru vino rou vaerä.”

AMÓS 8:4

Peendu, oñemomichi vae reta re peyuvanga vae reta jare paravete vae reta re peyuvanga vae reta,

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

San Lucas 10:7

Jare pepɨta jókuae o pe. Peu oipotagüe omee peu vaerä vae. Echa jupi ko oparavɨkɨ vae pe oyemboepɨ vaerä. Agüɨye oipotagüe o rupiño peiko.

DEUTERONOMIO 15:7

Oime yave paravete vae pepɨte pe yandeYa Tumpa omee ɨvɨ pevea pe, agüɨye pepɨa täta pemborɨ vaerä perëtara paravete vae;

1 Timoteo 5:18

Echa Tumpa Iñee jei körai: “Güeye ombopiriri trigo oï yave, agüɨye peiyuruokua.” Jare: “Echa jupi ko oparavɨkɨ vae pe oyemboepɨ vaerä.”