DEUTERONOMIO 24:1 - Biblia Guarani Tumpa Iñee

¹ Kia nunga vae omenda yave kuña ndive, ërei mbaetɨ ipɨakatu yave oime ramo oväe jese ikavimbae, toikuatía chupe tupapire yomombo pegua, jare tomee ipo pe, jare tomondo jo güi.

DEUTERONOMIO 24:1 ပူးပေါင်းရင်းမြစ်များ

ÉXODO 21:10

Güɨreko ye ambuae kuña chugüi yave, agüɨye tomboata chupe tembíu, temimonde; agüɨye toeyaiño, echa imenda ïru ko.

ISAÍAS 50:1

YandeYa jei körai: “¿Ayapouka pa tupapire yomombo pegua pesɨ Israel peguarä, ani pomee pa chepia chupe vae reta pe, chepia re? Peyoa reta jeko pegua ko opa peñemeeuka, pepɨapochɨ jeko pegua ko pesɨ Israel oyemombouka.

JEREMÍAS 3:1

YandeYa jei: “Metei kuimbae omombo yave jembireko, javoi jókuae kuña ojo omenda ïru kuimbae ndive yave, tenondegua ime ngaraa ma güɨreko ye. ¡Jókuae nunga, ikavimbae yae ko kuae tëtaguasu peguarä! Ërei ngatu nde, Israel, jeta yae ko ndeaguasa, ërei ¡añave peyerova ye chekotɨ! Che ndeYa jae kuae.

JEREMÍAS 3:8

oecha vi amombo ipɨapochɨ vae Israel, iyaguasa pota jeko pegua; ërei ipɨkɨɨ ipɨapochɨ vae Judá, mbaetɨ oipoɨu, jaeño ojo vi oñemee oiko vaerä aguasa rupi.

MALAQUÍAS 2:16

Echa yandeYa, Israel iñemuña reta iTumpa güɨröɨro ko yomombo, jare oyemongɨa mbaeyoa pe vae, jökorai jei yandeYa Imbaepuere yae ete vae. “Jayave, ¡peñeñovatu, agüɨye pembotavɨ perembireko!”

NÚMEROS 5:12

“Ere Israel iñemuña reta pe: Kia nunga vae jembireko iyaguasa yave chugüi,

NÚMEROS 5:28

Ërei jókuae kuña mbaetɨ ko oyemongɨa yave, ngaraa mbae oasa, jare imembɨ katuta.

San Mateo 1:19

Echa José ko metei kuimbae jupi vae ramo mbaetɨ oipota omoërakua pɨ̈chɨiuka María. Oyemongeta oeya vɨari vaerä.

San Lucas 16:18

Oime yave kia omombo jembireko jare güɨreko ïru kuña yave oyuvanga ko menda re. Jare jókuae kuña oyemombogüe kia güɨreko yave, oyuvanga vi ko menda re.

DEUTERONOMIO 21:15

Metei kuimbae jembireko mókoi vae, metei oaɨu jare ïru mbaetɨ, jare mókoi reve imembɨ chupe, ërei taɨrɨpɨ jae ko jembireko oaɨumbae imembɨ,

DEUTERONOMIO 22:13

Metei kuimbae omenda yave kuña ndive, jare oasa ma jae ndive güire güɨröɨro omae jese yave,

DEUTERONOMIO 22:19

Jare tokovara chupe cien reare korepoti pegua, jare kuae tomee kuñatai tu pe, echa omoërakua pɨ̈chɨi kuñatai omendambae Israel iñemuña pegua, togüɨreko jare agüɨye tomombo opaete ara oikove oiko ramboeve.

DEUTERONOMIO 22:29

jókuae kuimbae tomee kuñatai tu pe cincuenta reare korepoti pegua; echa oasa jae ndive, togüɨreko ete jembirekorä jare agüɨye tomombo opaete ara oikove oiko ramboeve.

DEUTERONOMIO 24:2

Jare ojo güire kuimbae jo güi, ipuere omenda ïru kuimbae ndive;

DEUTERONOMIO 24:3

ërei kuae ime taɨkue rupi güɨreko vae güɨröɨro yave, jare oikuatía yave chupe tupapire yomombo pegua, jare omee yave ipo pe, jare omondo jëta güi; ani omano yave kuae kuimbae taɨkue rupi güɨreko vae,