DEUTERONOMIO 23:23 - Biblia Guarani Tumpa Iñee

²³ ërei peñererökuavee yave yandeYa Tumpa pe, pembopo pepɨa-kɨ̈reɨ ngatu reve mbota perökuavee vae.

DEUTERONOMIO 23:23 ပူးပေါင်းရင်းမြစ်များ

SALMOS 116:18

Tambopo cheYa pe opaete arökuavee chupe vae, opaete jae imbae vae reta jóvai,

SALMOS 50:14

¡Emee mbaemboete che neTumpa pe; embopo reñererökuavee vae Tuichagüe yae vae pe!

PROVERBIOS 20:25

Mbaemboavai ko kuimbae pe güɨrökuavee rai voi mbota Tumpa pe yave, javoi jaɨkue rupi ramo oyemongeta kavi tëi jese vae.

JEREMÍAS 44:17

Royapoñota roñererökuavee ma royapo vaerä vae. Roapɨta ikäti kavi vae incienso jare mbota vino oyepɨyere vae oretumpa ara pegua Mburuvicha kuña jee vae pe, añave rupi royapo roiko rami, jare tenonde rupi oreñemuñagüe reta, oreruvicha guasu reta jare tëta ruvicha reta Judá pegua jare kaye Jerusalén pegua rupi oyeapose rami. Jayave rogüɨnoise jeta tembíu, ikavi roiko jare mbaetɨ etei ou mbae nunga susere oreve;

LEVÍTICO 27:2

“Ere Israel iñemuña reta pe: Kia nunga vae oñererökuaveegüe omboepɨta yave cheve, tomboepɨ metei kuimbae jepɨ rupi.

NÚMEROS 30:2

Kia nunga vae oyapo yave ñererökuavee yandeYa pe, ani jee re oñererökuavee mbae oyapo vaerä yave, tombopo iñee, toyapo opaete jeigüe.

San Mateo 5:33

Peikuaa ko kërai Moisés jei peñemuñagüe reta pe körai: Agüɨye ere raangaiño: ‘Tumpa jee re ayapota’ Eyapo, ‘Tumpa jee re ayapota’ rere vae.

Hechos 23:12

Jayave pɨareve pe amogüe judío reta oyomboemboe, jare oyepopeyu reve iyé jei mbaetɨta okaru jare mbaetɨta jou ɨ ave, oyuka regua Pablo.

Hechos 23:21

Ërei agüɨye erovia reta. Echa chugüi reta cuarenta oasa okätɨrota jese. Jei reta oyepopeyu reve iyé mbaetɨta okaru jare mbaetɨta oɨu, oyuka regua Pablo. Jare añave oäro ñogüɨnoi, rerajauka vaeño ma.

DEUTERONOMIO 23:22

Ërei ngatu mbaetɨ yave peyapo ñererökuavee, ngaraa peyoa;

DEUTERONOMIO 23:24

Peike yave perëtara iuvarupa pe, pepuere peu opaete peyúe rupi, ërei agüɨye peraja pekanata pe.

JOSUÉ 9:18

Ërei Israel iñemuña reta mbaetɨ oyuka, echa mburuvicha reta oyapo yemongeta Israel iTumpa jee re mbaetɨ vaerä oyuka reta. Jáeramo, Israel iñemuña reta iñeenguru juvicha reta kotɨ,

JUECES 11:35

Jayave, jae oecha yave tayɨ, omondoro jemimonde jei reve: —¡Cherayɨ, tuicha chembopɨatɨtɨ! ¡Nde etei reyu chepɨatɨtɨrä, echa añererökuavee ko yandeYa pe, jókuae ambopota ko chupe!

1 SAMUEL 1:11

Jare oyapo ñererökuavee jei reve: “CheYa imbaepuere yae ete vae, jupi ko remae che nderembiokuai ipɨatɨtɨ vae re yave, jare nemaendúa cheré yave, jare remee che nderembiokuai pe imembɨrä kuimbae ko yave, tañono tee ndeveguarä jókuae michia raɨ opaete ara oikove oiko ramboeve jare mbaetɨta ia oñeapi.”

1 SAMUEL 14:24

Ërei kuimbae reta Israel iñemuña reta jókuae ara ikangɨ jare yɨmbɨaɨ, echa mbaetɨ etei mbae jou reta metei ave yepe omoañete vaerä Saúl Tumpa rovake jei vae: “Tomano jókuae mbae jou kuae ara ndei pɨ̈tu mbove vae, ndei cherovaicho reta amoamɨri mbove.”