DEUTERONOMIO 23:20 - Biblia Guarani Tumpa Iñee

²⁰ Ketɨgua pe pepuere pekovara omboepɨ vaerä oiporugüe ingana, ërei agüɨye peyapo jökorai perëtaɨgua. Jökorai yandeYa Tumpa iporerekua vaerä peré peyapo vae rupi, jókuae ɨvɨ peota pepɨ̈ro pembaerä vae pe.

DEUTERONOMIO 23:20 ပူးပေါင်းရင်းမြစ်များ

NEHEMÍAS 5:7

Jare ayemongeta kavi chepɨa pe kuaekuae re yave, amboeta imboetea vae reta pe jare mburuvicha reta pe, jae chupe reta: “¡Körai yepe pe reta peyapo perëtara reta!” Jare amboatɨuka opaete vae, oñemae vaerä kuaekuae re,

SALMOS 15:5

Mbaetɨ ikorepoti oiporuka vae pe oasa ete okovara vae; mbaetɨ oipɨɨ vɨari korepoti jekombae vae regua vae. Jökorai oiko vae, oiko kavi aveita.

ÉXODO 22:24

jare chearasɨta jare poyukaukata ñeraro rupi, jare perembireko reta yogüɨrekota imemano vae jare peraɨ reta tɨ̈reɨ.

ÉXODO 22:25

Kia nunga paravete vae, tëta chembae vae pegua pepɨte pe oiko vae pe peiporuka korepoti yave, agüɨye peiko chupe reta korepoti jepɨ reve oiporukañoi vae reta rami, agüɨye vi pekovara yoapɨ ye chupe reta.

PROVERBIOS 19:17

YandeYa pe ko oiporuka, paravete vae ombopota yave; ikavi vae oyapo vae oyemboekoviata ko chupe.

ISAÍAS 1:19

pekɨ̈reɨ yave jare peendu yave, peuta ɨvɨ omee mbaagüɨye kavi vae;

ISAÍAS 24:2

Jökoraita oasa opaete tëta pegua reta: Sacerdote reta, ani sacerdotembae reta ndive, tembiokuai kuimbae ani iya, tembiokuai kuña ani iya kuña, ombaegua vae ani omaemee vae, ombaeporuka vae ani ombaeporu vae, ipía vae ani oporombopiauka vae.

EZEQUIEL 18:8

oiporuka korepoti yave mbaetɨ oasa ete okovara jese; mbaetɨ ikavimbae oyapo ïru vae pe; oime yave ñeapo, jupi rupi ojäa mókoi reve;

LEVÍTICO 25:36

Agüɨye imbae pepɨ̈ro chugüi, agüɨye vi pekovara chupe pemborɨ vae re, peipoɨu peTumpa güi, toiko jókuae perëtara pe ndive.

San Lucas 14:14

Jökorai yave, reyerovia katuta. Echa jae reta ngaraa ipuere omboekovia ndeve. Ërei jekoviata ndeve jupi vae reta oikove ye yave.

1 Corintios 15:58

Jáeramo, cherɨvɨ aaɨu vae reta, peñemoäta ngatu jare peñemomɨ̈rata, peparavɨkɨ avei yandeYa pe, echa peikuaa kërai mbaetɨ ko peparavɨkɨiño yandeYa pe.

DEUTERONOMIO 14:21

Agüɨye mɨmba omanoiño vae peu, echa pe ko tëta oñeñono tee yandeYa Tumpa peguarä vae, ërei pepuere pemee ketɨgua yogüɨreko pepɨte pe vae pe, jae reta ipuere jou, jare ketɨgua oasa jokoropi vae pe pepuere pemee. Agüɨye kavara raɨ isoogüe pemboyɨ ichɨ ineche pe.

DEUTERONOMIO 15:10

Pemee chupe yave pemee peräkateɨmbae reve, echa kuae peyapogüe re jare pemee vae re yandeYa Tumpa iporerekuata peré.

DEUTERONOMIO 15:3

Ketɨgua ombaeporu peve vae pe pemboepɨuka oiporugüe, ërei perëtaɨgua pe peɨ̈ro pembae oiporugüe re.

DEUTERONOMIO 28:12

YandeYa oipeata peve mbaeyekou ara pegua, omongɨ vaerä ɨvɨ re iara pe kavi, iporerekua vaerä opaete peparavɨkɨ re. Peiporukata jeta tëtaguasu reta pe, ërei pe mbaetɨta pembaeporu kia güi.