DEUTERONOMIO 21:5 - Biblia Guarani Tumpa Iñee

⁵ Jaɨkue rupi toyogüeru sacerdote Leví iñemuña reta, echa yandeYa Tumpa ko oiparavo jae reta jei vaerä ñee kavi yandeYa jee re, jare iñee reta rupi oyemboapɨ vaerä ñeapo ani yoaka reta.

DEUTERONOMIO 21:5 ပူးပေါင်းရင်းမြစ်များ

1 CRÓNICAS 23:13

Amram taɨ reta jae Aarón jare Moisés. Tumpa oiparavo Aarón omee vaerä mbota reta oñeñono tee kavi yae vae, oapɨ vaerä ikäti kavi vae incienso yandeYa jóvai, oyeokuai vaerä jare jei avei vaerä ñee kavi, mbaravɨkɨ oyapo vaerä Aarón jare taɨ reta jekuae avei pegua.

2 CRÓNICAS 19:10

Oipotagüe perëtara reta yogüeru yave pekotɨ tëta guasu reta güi, oñeapo vaerä peve oporoyuka vae re, ani mborookuai reta jei vae re, pemombeu kavi chupe reta agüɨye vaerä iyoa reta yandeYa kotɨ, agüɨye vaerä yandeYa iyarasɨ pekotɨ jare perëtara reta kotɨ. Kuae peyapo yave ngaraa peyoa.

EZEQUIEL 42:13

Jare jei cheve: “Cuarto reta ñogüɨnoi ɨvɨtuguasu kotɨ jare arayevɨ kotɨ, ipombaea jóvai vae, cuarto reta oñeñono tee vae ko. Joko pe sacerdote reta oyeokuai yandeYa pe vae jouta mbota reta oñeñono teegüe; joko pe toñono reta mbota reta oñeñono tee vae, mbota reta ñɨ̈ro pegua, jare mɨmba oyeyuka oyeapɨ mbaeyoa regua vae, echa kuae cuarto reta oñeñono tee vae ko Tumpa peguarä.

EZEQUIEL 44:24

Oime ñeapo yave jae reta oporojäata; che aporojäa rami toporojäa reta. Toyapo reta opaete cheporookuai reta jare cheporomboe reta opaete chearete regua, jare toñono tee reta cheara mbutuu pegua.

LEVÍTICO 9:22

Jaɨkue rupi Aarón oupi ipo jeta vae reta kotɨ, jare jei ñee kavi ikotɨ reta; opa yave omee mbota Tumpa iñɨ̈ro vaerä mbaeyoa re vae, jare mɨmba oyeyukagüe opaetei oyeapɨ vae jare mɨmba oyeyukagüe yembopɨakatu pegua, osɨrɨ mɨmba oyeyuka oyeapɨ jese vae güi.

MALAQUÍAS 2:7

Echa sacerdote reta oporomboe kavita ko, jare chugüi reta tëta pegua reta oekata mborookuai, echa jae reta ko Tumpa Imbaepuere yae ete vae iñeemombeúa.

DEUTERONOMIO 10:8

Jókuae ara rupi yandeYa oiparavo Leví iñemuña reta, güɨraja vaerä käjou morogüɨrökuavee päve pegua, jare ñogüɨnoi vaerä yandeYa jóvai oyeokuai reta vaerä chupe, jare jei vaerä ñee kavi yandeYa jee re, añave rupi oyapo rami.

DEUTERONOMIO 18:5

Echa yandeYa Tumpa ko oiparavo reta opaete ñemuña ipɨte güi, oyapo reta vaerä mbaravɨkɨ yandeYa jee re jae jare taɨ reta jekuae avei pegua.

DEUTERONOMIO 19:17

jayave jókuae mókoi oñeapo oyoe vae toyogüɨraja yandeYa jóvai, sacerdote reta jare oporojäa vae reta jóvai, jókuae ara rupi ñogüɨnoi joko pe vae.

DEUTERONOMIO 21:4

jare jókuae tenondegua reta togüeru ɨvɨpe kavi pe mbaetɨ etei oyeara jare mbaetɨ oñemaetɨ pɨpea pe, joko pe guaka iñatuäti toakɨo reta.