DEUTERONOMIO 21:18 - Biblia Guarani Tumpa Iñee

¹⁸ Oime yave kia nunga vae taɨ mbaetɨ oipota oyapo mborookuai jare ipɨapochɨ, yepe tëi oyókuai tu ani ichɨ, jare yepe tëi oinupa jese,

DEUTERONOMIO 21:18 ပူးပေါင်းရင်းမြစ်များ

2 SAMUEL 7:14

Che aïta turä jare jae oïta cheraɨrä. Jare ombaeyavɨ yave, che ainupata, metei kuimbae taɨ oinupa rami,

ÉXODO 20:12

Pemboete peru jare pesɨ, peikopuku vaerä che peYa Tumpa amee peve ɨvɨ vae pe.

ÉXODO 21:15

Tu jare ichɨ re okua ani ombopere vae, tomano.

ÉXODO 21:17

Jaeramiño vi tu jare ichɨ kotɨ jei ñee kavimbae vae, tomano.

PROVERBIOS 1:8

Cheraɨ, eendu nderu iporomboe, agüɨye eröɨro ndesɨ iporomboarakuaa,

PROVERBIOS 13:24

Taɨ oinupambae jeko re vae, omotareɨ ko; ërei taɨ oaɨu vae, ndei güive voi ma ombosɨmbi.

PROVERBIOS 15:5

Yarakuaambae, güɨröɨro tu iporomboarakuaa; ërei yemboarakuaa oendu vae, yarakuaa katu ko.

PROVERBIOS 19:18

Einupa nderaɨ jeko kavimbae re, ndepuereta rembosɨmbi ramboeve; ërei agüɨye oasa ete einupa.

PROVERBIOS 20:20

Tu kotɨ ani ichɨ kotɨ oyepopeyu vae, omanoasɨ katuta.

PROVERBIOS 22:15

Arakuaambae oimeño mai kunumi ipɨa pe; ërei yembosɨmbi ñenupa reve vae ombosɨrɨta ko chugüi.

PROVERBIOS 28:24

Tu güi ani ichɨ güi omaeñomi vae jei yave: “Mbaeyoaä ko kuae”, jókuae nunga, oporoyuka vae iñeïru ko.

PROVERBIOS 29:17

Emboarakuaa nderaɨ, jare reiko pɨagüiveta, jare ndemboyerovia yaeta.

PROVERBIOS 30:11

Oime amogüe oyepopeyu tu re vae, jare mbaetɨ iñee kavi ichɨ pe vae.

PROVERBIOS 30:17

Tu güɨnoti vae ichɨ iporomboe güɨröɨro vae, jupi ko omanoasɨ katu vaerä, jare chucha reta opa vaerä jou.

ISAÍAS 1:2

Peyeapɨsaka, ara jare ɨvɨ, echa yandeYa jei: “Ambokuakuaa cheraɨ reta, ambotuicha reta, ërei jae reta oyembopɨapochɨ chekotɨ.

ISAÍAS 1:5

¿Maera pa jekuaeñoi peipota peiporara? ¿Jekuaeñota pa peyembopɨapochɨ? Opaetei peäka imbaerasɨ oï, jare opaetei pepɨa pe peiporara peï.

JEREMÍAS 31:18

Aendu tëta Efraín oyaeo jasɨ katu reve jei: ‘Che, metei toro taɨrusu imasombae rami yepi, ërei nde chenupa jare chemomaso; chemboyerova ye ndekotɨ, echa nde jae cheYa Tumpa.

JEREMÍAS 5:23

Ërei ngatu pe reta peyembopɨa täta jare peyembopɨapochɨ; peyerova chegüi jare opa chereeya.’

JEREMÍAS 5:3

CheYa Tumpa, nde reeka vae ko jupigüe oyapo vae, reinupa reta tëi, ërei jeseve mbaetɨ oyandu reta; reiporarauka tëi chupe reta, ërei mbaetɨ oipota reta oikuaa. Oyembopɨa täta reta, oasa ete ye ita güi, mbaetɨ oipota reta oyerova ye ndekotɨ.

EZEQUIEL 22:7

Nderapɨpe yogüɨreko vae reta omboeteä tu jare ichɨ, oiporarauka reta ketɨgua pe, opɨ̈ro reta mbae tɨ̈reɨ güi jare imemano vae güi.

EZEQUIEL 24:13

Jerusalén, aipota tëi rotɨo yepi reyemongɨa ndekuimbae pota vae güi, ërei mbaetɨ reyetɨo. Reyetɨota chearasɨ aitɨ nderé yave ramo.

LEVÍTICO 19:3

Metei ñavo tomboete tu jare ichɨ, Tomboete vi cheara mbutuu pegua. Che ko peYa Tumpa.

LEVÍTICO 21:9

Jare sacerdote tayɨ omboɨpɨ yave iyaguasa pota, omboeteä ko tu; jekove reveño toyeapɨ tata pe.

DEUTERONOMIO 21:19

jayave tu jare ichɨ togüɨraja morojäa renda pe, tëta pegua mburuvicha ñogüɨnoia pe,

DEUTERONOMIO 27:16

‘Tijeko mbaetɨ omboete tu ani ichɨ vae.’ Jare opaete vae tei: ‘Amén.’

DEUTERONOMIO 8:5

Jaeramiño vi pereko avei pepɨa pe, kërai kuimbae oinupa taɨ ombosɨmbi vae rami, jökorai ko yandeYa Tumpa penupa vi pembosɨmbi.

1 SAMUEL 3:13

Che amombeu chupe aiporarauka vaerä iñemuña reta pe jekuae avei pegua, mbaeyoa jae oikuaa oï vae re; echa taɨ reta cheangao, jare jae mbaetɨ oyopia taɨ reta.