DEUTERONOMIO 21:1 - Biblia Guarani Tumpa Iñee

¹ YandeYa Tumpa omee ɨvɨ peve peiko vaerä vae pe oñeväe yave tëogüe, jare mbaetɨ oyekuaa kia ko oyuka vae yave,

DEUTERONOMIO 21:1 ပူးပေါင်းရင်းမြစ်များ

GÉNESIS 4:10

Tumpa jei chupe: —¿Maera pa kuae reyapo? Nderɨvɨ jugüɨgüe ndemboeko oï cheve kuae ɨvɨ güive.

SALMOS 5:6

Remokañɨtei ko apu rupi imiari vae reta, pɨ̈chɨi ko ndeve oporoyuka vae jare oporombotavɨ vae.

SALMOS 9:12

Echa Tumpa mbaetɨ iñakañɨ oporoyuka vae reta güi, mbaetɨ iñakañɨ oiporara vae reta isapúkai güi.

PROVERBIOS 28:17

Kuimbae oyuka japicha vae, omanota ko, ¡ngaraa kia oepɨ!

ISAÍAS 26:21

Echa ko yandeYa ou oïa güi, oinupa vaerä ɨvɨ pegua reta, opaete imbaeyoa reta re, jare ɨvɨ omboyekuaata, jekombae jugüɨ oyepɨyere pɨpe vae, ngaraa ma oñomi, oyeyukagüe reta oime pɨpe vae.

Hechos 28:4

Jare joko pegua reta oecha yave mboi osagüɨu oï Pablo ipo re, jei reta oyoupe: “Kuae kuimbae oporoyuka vae yepe. Oasa yepe tëi ma ɨguasu güi, ërei Tumpa mbaetɨ omaeño oikoño vaerä.”

DEUTERONOMIO 19:10

Agüɨye vaerä oyepɨyere jekombae jugüɨ, yandeYa Tumpa omee ɨvɨ pembaerä vae pe, agüɨye vaerä penoi teko tugüɨ oyepɨyere vae re.

DEUTERONOMIO 20:20

Ërei ɨvɨra iambae vae ko yave, pepuere peyasɨa jare peiporu, tëta peñova peï vae oa pepo pe regua.

DEUTERONOMIO 21:2

tenondegua reta jare mburuvicha oporojäa vae reta tojäa omano vae oïa güi tëta reta köiño ñogüɨnoia kotɨ.

DEUTERONOMIO 3:18

Jayave che poyókuai, körai: ‘YandeYa Tumpa omee peve kuae ɨvɨ pembaerä. Ërei peota perëtara Israel iñemuña reta ndive opaete oikatu oñeraro vae, tembiporu ñeraro pegua ndive.