DEUTERONOMIO 20:11 - Biblia Guarani Tumpa Iñee

¹¹ Jókuae tëta pegua reta oipota mbɨakatu yave, jare omaeño peike jëta pe yave, ikavita ombaemboepɨ vaerä peve jare perembiokuairä.

DEUTERONOMIO 20:11 ပူးပေါင်းရင်းမြစ်များ

1 REYES 5:1

Hiram mburuvicha guasu Tiro pegua omondo vi iyɨvɨrigua reta Salomón pɨri, oendu yave oiparavo reta mburuvicha guasurä tu jekovia pe; echa Hiram oaɨu aeño David.

2 REYES 6:22

Ërei Eliseo jei chupe: —Agüɨye eyuka reta, ¿reyukata pa tembipɨɨrä reyapouka reta ndekɨsepuku pe jare nderuvɨ pe vae? Emee tokaru jare toɨu reta, javoi topa ye toyogüɨraja juvicha guasu reta kotɨ.

SALMOS 120:7

mbɨakatu re chemiari yave, jae reta imiari ñeraro re.

San Lucas 19:14

Ërei jëtaɨgua reta omotareɨ jókuae mburuvicha, jare omondo reta jaɨkue jei reta vaerä: ‘Mbaetɨ roipota kuae kuimbae oiko vaerä oreruvicha guasurä.’

DEUTERONOMIO 20:10

Tëta pepüata jese vae re peya ma yave, tenonde perökuavee räri mbɨakatu chupe reta.

DEUTERONOMIO 20:12

Ërei mbaetɨ yave oipota peyapo mbɨakatu jae reta ndive, jare jei reta peñoraro vaerä yave, opa peñova tëta.

JOSUÉ 16:10

Ërei Efraín iñemuña reta mbaetɨ güɨnoe omombo Gezer güi cananeo reta; jökorai cananeo reta yogüɨreko Efraín iñemuña reta ipɨte pe, jare ombaemboepɨ yogüɨreko. Añave rupi cananeo reta oime yogüɨreko joko pe.

JOSUÉ 9:27

ërei opa oñono reta yepea iyapoarä, ɨ güɨnoe reta vaerä opaete Israel iñemuña reta pe, jare yandeYa pe mɨmba oyeyuka oyeapɨ jese vae pe oyeporu vaerä, jae oiparavota vae pe. Añave rupi jekuaeño Gabaón pegua reta oyapo jókuae mbaravɨkɨ.

JOSUÉ 9:8

Ërei jae reta jei Josué pe: —Ore, toroiko nde rerea re. Jare Josué jei chupe reta: —¿Kia pa pe reta? ¿Ketɨ güi pa peyu?

JOSUÉ 9:9

Jare jae reta jei: —Mombɨrɨ güi ko royu peYa Tumpa jërakua yae jeko pegua. Roikuaa opaete jae oyapo Egipto pe vae,

JUECES 1:28

Ërei Israel iñemuña reta oecha imbaepuere yae ma yave, omee mbaravɨkɨ poɨ yae vae cananeo reta pe, ërei mbaetɨ ipuere opa omoë omombo.