DEUTERONOMIO 2:9 - Biblia Guarani Tumpa Iñee

⁹ Jayave yandeYa jei cheve: ‘Agüɨye pemoambeko Moab iñemuña reta, agüɨye peñoraro jae reta ndive, echa ngaraa amee peve kërai ave jae reta iɨvɨ güi. Che ko amee ɨvɨ Ar, Lot iñemuña reta peguarä.’

DEUTERONOMIO 2:9 ပူးပေါင်းရင်းမြစ်များ

2 CRÓNICAS 20:10

Añave, Amón jare Moab iñemuña reta jare ɨvɨtɨ Seir pegua reta, kuae reta iɨvɨ rupi mbaetɨ remaeño oasa Israel iñemuña reta yogüeru yave Egipto güi, oasa retaño ïkotɨa rupi chugüi reta jare mbaetɨ omboai reta.

SALMOS 83:8

oñemoïru vi jae reta ndive Asiriaɨgua reta; kuae reta ko Lot iñemuña reta ipɨ̈rata yae jese vae.

ISAÍAS 15:1

Tëtaguasu Moab maratuta vae regua: Pɨ̈tu yave ko tëta guasu Ar Moab pegua opa oyemboai, jayave ko Moab kïrii opɨta. Pɨ̈tu yave ko tëta guasu Kir Moab pegua opa oyemboai, jayave ko Moab kïrii opɨta.

NÚMEROS 21:15

jare ɨ̈aka raɨ reta osɨrɨ Ar kotɨ güi vae reta, jare yogüɨraja oväe Moab jembeɨ pe.”

NÚMEROS 21:28

Echa Hesbón mburuvicha guasu Sehón jëta güi oë tata, jare opa oapɨ Ar Moab pegua, jare tumpa-raanga reta Arnón pegua,

NÚMEROS 22:4

Jare tëta Moab pegua reta jei Madián pegua tenondegua reta pe: “Añave kuae reta opata ko omokañɨtei opaete yandeɨ́vɨri ñogüɨnoi vae, güeye jou kapiata vae rami.” Jare Balac Zipor taɨ, jae ko mburuvicha guasu Moab pegua jayave rupi.

DEUTERONOMIO 2:29

Esaú iñemuña reta Seir pe yogüɨreko vae omaeño aasa rami, jaeramiño vi Moab iñemuña reta Ar pe yogüɨreko vae rami, aasa regua ɨ̈aka Jordán oreYa Tumpa ɨvɨ omee orevea pe.’

DEUTERONOMIO 2:5

Agüɨye peñoraro jae reta ndive, echa ngaraa amee peve kërai ave yepe jae reta iɨvɨ güi. Che ko amee Esaú iñemuña reta imbaerä ɨvɨtɨ Seir.

JUECES 11:15

jei vaerä chupe: “Jefté jei körai: Israel iñemuña reta mbaetɨ ko opɨ̈ro Moab-ɨgua reta iɨvɨ ani Amón iñemuña reta iɨvɨ ave.

JUECES 11:17

Jayave Israel iñemuña reta omondo ñee jerajaa reta Edom pegua mburuvicha guasu pe oiporu vaerä Israel iñemuña reta oasa iɨvɨ rupi, ërei jae mbaetɨ oipota, jökoraiño vi mburuvicha guasu Moab pegua pe oiporu tëi, ërei mbaetɨ vi oipota. Jáeramo opɨta reta Cades pe.

JUECES 11:18

Jaɨkue rupi yogüɨraja reta ñuu rupi, opa oyere Edom iɨvɨ re jare Moab re, yogüɨraja regua oväe Moab güi kuaraɨ oëa kotɨ, jare joko pe oyembojeyupa reta ɨ̈aka Arnón jovaicho pe. Ërei mbaetɨ oasa reta, echa joko güi oyemboɨpɨ Moab iɨvɨ.