DEUTERONOMIO 2:8 - Biblia Guarani Tumpa Iñee

⁸ Jare yaasa ñanerëtara Esaú iñemuña reta yogüɨreko Seir pe vae güi, tape Arabá pegua ojo Elat jare Ezión-geber rupi vae, jare yayere yayu vaerä tape ñuu Moab pegua rupi.

DEUTERONOMIO 2:8 ပူးပေါင်းရင်းမြစ်များ

GÉNESIS 25:23

Jare yandeYa jei chupe: “Mókoi tëtaguasu retarä vae oime renoi nderɨe pe; mókoi tëta oyomboyaota nderɨe güi voi vae; metei tëta imbaepuere yaeta ïru tëta güi. Tenondegua oyeokuaita taɨkuegua pe.”

1 REYES 9:26

Mburuvicha guasu Salomón oyapo vi barco reta Ezión-geber pe, Elot iyɨpɨ pe Ɨguasu Pɨ̈ta vae jembeɨ pe, ɨvɨ Edom pe.

2 REYES 14:22

Jae omopüa pɨau ye tëta guasu Elat, opɨ̈ro ye ɨvɨ Judá peguarä, tu omano güire.

2 REYES 16:6

Jókuae ara rupi mburuvicha guasu Edom pegua opɨ̈ro ye tëta guasu Elat, Edom peguarä; jare güɨnoe omombo Elat güi kuimbae reta Judá pegua; jare Edom pegua reta yogüeru Elat pe, joko pe yogüɨreko añave rupi.

NÚMEROS 21:4

Jare jaɨkue rupi opa yogüɨraja ɨvɨtɨ Hor güi, tape Ɨguasu Pɨ̈ta vae kotɨ ojo vae rupi, oyere reta vaerä ɨvɨ Edom re; jare opa oyemboakɨ reta tape rupi.

NÚMEROS 33:35

Abrona güi ñogüɨnoe jare opa yogüɨraja reta oyembojeyupa Ezión-geber pe.

DEUTERONOMIO 1:1

Jae ko kuae ñee reta Moisés jei opaete Israel iñemuña reta pe, Jordán güi kuaraɨ oëa kotɨ ñuu Arabá pe, Ɨguasu Pɨ̈ta vae jóvai; ɨvɨ Parán, Tofel, Labán, Hazerot jare Dizahab ipäu pe.

JUECES 11:18

Jaɨkue rupi yogüɨraja reta ñuu rupi, opa oyere Edom iɨvɨ re jare Moab re, yogüɨraja regua oväe Moab güi kuaraɨ oëa kotɨ, jare joko pe oyembojeyupa reta ɨ̈aka Arnón jovaicho pe. Ërei mbaetɨ oasa reta, echa joko güi oyemboɨpɨ Moab iɨvɨ.