DEUTERONOMIO 2:7 - Biblia Guarani Tumpa Iñee

⁷ Echa yandeYa Tumpa iporerekua peré opaete perembiapo reta rupi, jae oikuaa kërai peguata opaete kuae ñuu guasu rupi vae, kuae cuarenta año rupi yandeYa Tumpa oiko pe ndive, jare mbaetɨ etei mbae omboata peve.

DEUTERONOMIO 2:7 ပူးပေါင်းရင်းမြစ်များ

GÉNESIS 12:2

Ndegüi ayapota tëtaguasu tuicha yae vae, jare cheporerekuata nderé, jare ambotuicha yaeta nderee opaete ɨvɨ rupi, jare cheporerekuata jeta vae reta re ndereko pegua.

GÉNESIS 24:35

YandeYa iporerekua yae cheya re, jare oikokatu yae: Omee chupe jeta vecha, guaka, korepoti oro, tembiokuai kuña jare tembiokuai kuimbae, camello jare mburika.

GÉNESIS 26:12

Jare Isaac omaetɨ jókuae ɨvɨ pe, jare jókuae año jeta imbaagüɨye, echa yandeYa iporerekua jese.

GÉNESIS 30:27

Jare Labán jei chupe: —Ndepɨakatu ko chekotɨ yave, epɨta; echa aecha yandeYa iporerekua cheré ndereko pegua.

GÉNESIS 39:3

Jare iya oecha kërai yandeYa etei oï José ndive vae, jare oecha vi kërai opaete jembiapo reta rupi yandeYa omborɨ vae.

GÉNESIS 39:5

Jare kuae Egiptoɨgua omee güire José ipo pe opaete imbaembae, ou yandeYa iporerekua José rupi kuae Egiptoɨgua jo re; yandeYa etei oyangareko imbaembae jo pegua re, jɨmba reta jare iko reta re.

NEHEMÍAS 9:21

Cuarenta año rupi reyangareko jese reta ñuu rupi, jare mbaetɨi mbae oata chupe reta: Mbaetɨ jemimonde reta indechi jare mbaetɨ vi ipɨ iruru chugüi reta.

JOB 23:10

Ërei jae chekuaa katu, chejäa yave aëta oro oyeambae rami.

SALMOS 1:6

YandeYa oyangareko jupi rupi yogüɨreko vae reta re; ërei mbaeyoa rupi yogüɨreko vae reta okañɨteita.

SALMOS 107:4

Opa yepi jopa reta ñuu rupi, tapembaea kïrii ngatúa rupi, mbaetɨ oväe reta tëta guasu, pɨpe yogüɨreko vaerä;

SALMOS 31:7

Avɨakatuta, ayeroviata ndeporoparareko re, echa remae chepɨatɨtɨ re, reikuaa aiporara aï vae reta.

SALMOS 90:17

YandeYa Tumpa tipɨakavi yandeve. ¡Tipɨakatu yandeve yandeYa, yanderembiapo reta re! ¡Tipɨakatu yandeve, yanderembiapo reta re!

ÉXODO 16:35

Jökorai Israel iñemuña reta jou maná cuarenta año rupi, opa yogüɨraja oväe regua ɨvɨ kia oime yogüɨrekoa pe; maná jou reta yogüɨreko, opa regua yogüɨraja oväe reta ɨvɨ Canaán jembeɨ pe.

JEREMÍAS 2:2

“Ekua nemiari tëta guasu Jerusalén pe, ere: ‘¡Körai jei yandeYa! Chemaendúa ndetaɨrusu yave, reiko jupi rupi cheróvai vae re, cheraɨu, omenda ramo vae ime oaɨu yae rami, reguatase che ndive ñuu rupi, jókuae ɨvɨ mbaetɨ etei oñemaetɨa pe.’

OSEAS 13:5

Che ayangareko peré ñuu rupi, ɨmbaea rupi.

AMÓS 2:10

Che ko pogüɨnoe ɨvɨ Egipto güi, jare pogüɨroata ñuu rupi cuarenta año, peike vaerä pepɨ̈ro peyeupe amorreo reta iɨvɨ.

NÚMEROS 1:1

YandeYa jei Moisés pe, ñuu Sinaí pe, tupao guakapi pegua pe, tenondegua ara pe, mokoía yasɨ pe, mókoi año ma ñogüɨnoe ɨvɨ Egipto güi yave:

NÚMEROS 14:33

pemichia reta yogüɨrekota vecha iyangarekoarä, oguatata yogüɨreko kuae ñuu rupi cuarenta año rupi, jae reta oiporarata pepɨapochɨ reta, opa regua okañɨtei perete kuae ñuu rupi.

NÚMEROS 14:34

Oyepapa ko, cuarenta ara opa yogüɨraja omae jókuae ɨvɨ re vae, jökorai peiporarata pembaeyoa re cuarenta año rupi, metei año oyepapata metei ara re; jökorai peikuaata cheporonupa.”

NÚMEROS 22:12

Jayave Tumpa jei Balaam pe: —Agüɨye ekua jae reta ndive, jare agüɨye ave eyepopeyu kuae tëta re, echa che cheporerekua jese vae ko.

NÚMEROS 32:13

Jare yandeYa iyarasɨ Israel iñemuña reta kotɨ, jáeramo omboguatauka ñuu rupi cuarenta año, opa regua jókuae jeko pɨ̈chɨi vae reta omano yandeYa jóvai.

San Lucas 22:35

Jayave Jesús jei jemimboe reta pe: —Che pomondo yave, pekorepotimbae, peaporokambae jare pepɨapaambae, ¿oata pa mbae peve? Jae reta jei: —Mbaetɨ.

San Juan 10:27

Chevecha reta oendu cheñee. Aikuaa chevecha reta, jare jae reta yogüɨraja cheraɨkue.

DEUTERONOMIO 1:19

Jare Horeb güi ñaë yave, yaguata opaete jókuae ñuu tuicha jare yavaetegüe rupi, amorreo reta iɨvɨ ɨvɨtɨ katuai vae kotɨ yayu yave peecha vae; yandeYa Tumpa yandeokuai rami, yayu regua ñaväe Cades-barnea pe.

DEUTERONOMIO 1:46

Jare peiko Cades pe ɨma año rupi.

DEUTERONOMIO 2:14

Cades-barnea güive yaguata yaiko yaasa regua ɨ̈aka Zered vae jae ko treinta y ocho año. Jayave rupi opa ma kuimbae ñeraro regua reta omano, yandeYa jae jee re ae jei rami.

DEUTERONOMIO 2:6

Tembíu peu vaerä peguata chugüi reta korepoti re, jaeramiño vi ɨ peɨu vaerä peguata chugüi reta.’

DEUTERONOMIO 29:4

Ërei mbaetɨño yandeYa omee peve peikuaa vaerä, peecha vaerä jare peendu vaerä mbae ko oipota jei opaete kuaekuae vae.

DEUTERONOMIO 29:5

Che pogüɨroata ma cuarenta año kuae ñuu rupi, ërei peremimonde jare pepɨapaa mbaetɨ indechi pegüi.

JOSUÉ 5:6

Echa Israel iñemuña reta oguata yogüɨreko ñuu rupi cuarenta año, opaete kuimbae ñeraro regua opa ma omano regua, yandeYa iñee mbaetɨ güɨrovia reta jeko pegua; jáeramo yandeYa jee re ae jei chupe reta, mbaetɨta oechauka chupe reta iñemuñagüe reta pe jae güɨrökuavee jee re ae ɨvɨ omee vaerä vae, ɨvɨ ikavi yae vae.