DEUTERONOMIO 2:30 - Biblia Guarani Tumpa Iñee

³⁰ Ërei ngatu Sehón mburuvicha guasu Hesbón pegua mbaetɨ oipota yandemboasa iɨvɨ rupi, echa yandeYa Tumpa yepe ombopɨa täta jare jëguambae oyapo, jökorai oñono vaerä pepo pe añave regua.

DEUTERONOMIO 2:30 ပူးပေါင်းရင်းမြစ်များ

1 REYES 12:15

Jare mburuvicha guasu mbaetɨ oyeapɨsaka opaete vae re; echa yandeYa jei jökoraita ko vae, iñee oyembopo vaerä Ahías Silo pegua rupi jei Jeroboam, Nabat taɨ pe vae.

2 CRÓNICAS 10:15

Jare mburuvicha guasu mbaetɨ oyeapɨsaka jeta vae reta re, echa Tumpa omaeño jökorai oasa yandeYa iñee oyembopo vaerä Ahías Silo pegua rupi Jeroboam, Nabat taɨ kotɨ vae.

ÉXODO 11:10

Moisés jare Aarón oyapo opaete kuae mɨakañɨ reta Faraón iɨvɨ pe; echa yandeYa omotäta Faraón ipɨa, jare mbaetɨ omaeño yogüɨraja Israel iñemuña reta ɨvɨ Egipto güi.

ÉXODO 4:21

Jare yandeYa jei Moisés pe: —Reo reväe Egipto pe yave, eyapo Faraón jóvai opaete mɨakañɨ reta amee reyapo vaerä vae; ërei che amotätata ipɨa agüɨye vaerä omaeño yogüɨraja Israel iñemuña reta.

ÉXODO 7:14

Jayave yandeYa jei Moisés pe: —Faraón ipɨa omotäta jare mbaetɨ omaeño yogüɨraja Israel iñemuña reta.

ISAÍAS 48:4

Rokuaa ndepɨa täta yae ko, jiero täta rami, jare jiero iyu vae rami vae,

LAMENTACIONES 3:65

Embopɨatäta reta, jare ndeyepopeyu toa jese reta.

NÚMEROS 21:23

Ërei Sehón mbaetɨ omaeño oasa iɨvɨ rupi Israel iñemuña reta, ërei ngatu omboatɨ opaete isundaro jare oë chupe ñuu pe, Jahaza pe oñoraro jae reta ndive.

NÚMEROS 21:33

Javoi opa oyerova reta ye, oyeupi reta tape Basán kotɨ ojo vae rupi; ërei Og mburuvicha guasu Basán pegua oë chupe opaete isundaro reta ndive, oñoraro vaerä jae reta ndive Edrei pe.

NÚMEROS 21:34

Jayave yandeYa jei Moisés pe: “Agüɨye ekɨɨye chugüi, echa amee ma ko ndepo pe, jae jare opaete isundaro reta, jare iɨvɨ; jare eyapo chupe, Sehón amorreo reta juvicha guasu pe reyapo rami, tëta Hesbón pe oikose vae.”

DEUTERONOMIO 2:31

Jare yandeYa jei cheve: ‘Mase, ko amboɨpɨ amee Sehón jare iɨvɨ pepo pe, peike peyemombae imbaegüe re.’

JUECES 11:20

Sehón mbaetɨ güɨrovia jare mbaetɨ omaeño oasa reta iɨvɨ rupi, ërei omboatɨ opaete isundaro jare oyembojeyupa Jahaza pe, jare oñeraro Israel iñemuña reta ndive.