DEUTERONOMIO 19:17 - Biblia Guarani Tumpa Iñee

¹⁷ jayave jókuae mókoi oñeapo oyoe vae toyogüɨraja yandeYa jóvai, sacerdote reta jare oporojäa vae reta jóvai, jókuae ara rupi ñogüɨnoi joko pe vae.

DEUTERONOMIO 19:17 ပူးပေါင်းရင်းမြစ်များ

ÉXODO 21:6

jayave oyeokuai chupe vae togüɨraja oporojäa vae reta jóvai, jare tomboyemboɨ öke-ɨpɨ pe ani ɨvɨra reta öke oï jese vae re toinambi mombu, jare toiko jembiokuairä jekuae avei pegua.”

ÉXODO 22:8

ërei mbaetɨ oñeväe yave, jayave o iya toyereraja oporojäa vae reta jóvai, oyekuaa vaerä jae mbaetɨ ra japicha oeya chupe vae re opoko vae.

EZEQUIEL 44:24

Oime ñeapo yave jae reta oporojäata; che aporojäa rami toporojäa reta. Toyapo reta opaete cheporookuai reta jare cheporomboe reta opaete chearete regua, jare toñono tee reta cheara mbutuu pegua.

MALAQUÍAS 2:7

Echa sacerdote reta oporomboe kavita ko, jare chugüi reta tëta pegua reta oekata mborookuai, echa jae reta ko Tumpa Imbaepuere yae ete vae iñeemombeúa.

DEUTERONOMIO 16:18

Peñono mburuvicha oporojäa vae reta jare imborɨka reta perëta guasu ñavo rupi, yandeYa Tumpa omee ñemuña reta ñavo pe vae, jae reta toporojäa jupi rupi.

DEUTERONOMIO 17:9

pekua sacerdote Leví iñemuña pɨri, jare oporojäa vae reta jókuae ara ñogüɨnoi joko pe vae pe peparandu, jare jae reta pemboeta kërai peyapo vaerä.

DEUTERONOMIO 21:5

Jaɨkue rupi toyogüeru sacerdote Leví iñemuña reta, echa yandeYa Tumpa ko oiparavo jae reta jei vaerä ñee kavi yandeYa jee re, jare iñee reta rupi oyemboapɨ vaerä ñeapo ani yoaka reta.

DEUTERONOMIO 25:1

Oime kia nunga reta oñeapo oyoe yave, toyogüɨraja oporojäa vae reta jóvai, jae reta tombojupi jekombae jare tomboeko reta jeko vae.