DEUTERONOMIO 18:2 - Biblia Guarani Tumpa Iñee

² Mbaetɨta oñemee ɨvɨ chupe reta jëtara reta pe oñemee rami, yandeYa etei ko jae reta imbaeyekou, jae oñererökuavee chupe reta rami.

DEUTERONOMIO 18:2 ပူးပေါင်းရင်းမြစ်များ

GÉNESIS 15:1

Opa kuaekuae reta oasa güire yandeYa oyeechauka Abram pe, jei reve chupe: —Agüɨye ekɨɨye Abram, che ko jae ndeyeopiaka. Mbaeyekou ndeparavɨkɨ jepɨgüe jeta yaeta.

SALMOS 119:57

CheYa, ndeño ko jae chembaeyekou, añeñono ko ayapo vaerä neñee reta jeigüe.

SALMOS 16:5

CheYa, ndeño ko jae chembaeyekou; nde remee aiko vaerä.

SALMOS 84:11

Echa yandeYa Tumpa ko omboesape jare oporoepɨ vae; jae omeeta mboroaɨu jare mboromboete, ngaraa opɨ̈ro mbae ikavi vae, ipɨa jupi rupi oguata vae güi.

ISAÍAS 61:6

Jei retata pekotɨ, Tumpa isacerdote reta, Tumpa pe oyeokuai vae reta. Peyekouta ïru tëtaguasu reta imbaeyekou re, jae reta iyemboetea pe peyemboeteta.

LAMENTACIONES 3:24

Che jae cheyeupe: “¡CheYa ndeño ko jae chembaeyekou; jáeramo jese aärota!”

EZEQUIEL 44:28

Oimeta jae reta imbaeyekou: Che ko aikota chupe reta imbaeyekourä, ërei agüɨyeta oñemee imbaerä ɨvɨ chupe reta Israel pe. Echa che etei ko jae reta imbae.

NÚMEROS 18:20

Jare yandeYa jei Aarón pe: “Nde mbaetɨta ndeɨvɨ nerëtara Israel iñemuña reta rami, jare jae reta ipɨte pe ave mbaetɨta ndembae ɨvɨ. Che ko jae ndembaeyekou Israel iñemuña reta ipɨte pe.

NÚMEROS 18:7

ërei nde jare nderaɨ retaño pepuere peyapo sacerdote iparavɨkɨ mɨmba oyeyuka oyeapɨ jese vae pe ani tupao japɨpe pe. Echa che ko amee peve kuae mbaravɨkɨ sacerdote pegua; jare oipotagüe oyapo yave, tomano.”

DEUTERONOMIO 10:9

Jáeramo Leví iñemuña reta mbaetɨ güɨnoi ɨvɨ imbaerä jëtara reta ipɨte pe, jae reta imbae ko yandeYa etei; yandeYa Tumpa jei chupe reta rami.)

JOSUÉ 13:14

Ërei Moisés mbaetɨ omee ɨvɨ Leví iñemuña reta pe, echa mɨmba oyeyuka oñemee yandeYa Tumpa pe vae ko jae reta imbaeyekou, jae etei jei chupe reta rami.

1 Pedro 2:5

Jaeramiño vi pe reta ko jae ita oikove vae reta rami, peyeapo metei o Espíritu pegua vae jare sacerdote pegua mbaravɨkɨ ikɨambae vae, pemee vaerä mbota Espíritu pegua Tumpa omboyerovia vae Jesucristo rupi.

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.