DEUTERONOMIO 18:14 - Biblia Guarani Tumpa Iñee

¹⁴ Echa kuae tëtaguasu reta pepɨ̈rota pembaerä vae pe yogüɨreko vae, güɨrovia katu oporombosuerte vae re, jare maratuta vae imombeúa re, ërei pegüi oyopia yandeYa Tumpa kuaekuae reta.

DEUTERONOMIO 18:14 ပူးပေါင်းရင်းမြစ်များ

GÉNESIS 20:6

Tumpa jei chupe ipaɨu pe: “Che aikuaa vi ndepɨa jupi reve kuae reyapo vae; che vi ko royopia agüɨye vaerä ndeyoa chekotɨ, jökorai mbaetɨ amaeño repoko jese.

2 REYES 21:6

Oapɨuka vi taɨ reta tumpa-raanga pe, oyemoambeko mbae oecha vaerä mbaekuaa rupi jare oikuaa vaerä mbae maratuta vae re, oñono imbaekuaa vae reta jare maratuta vae imombeúa reta, jökorai ombojeiete ikavimbae yandeYa jesa róvai vae rupi omboarasɨuka.

ISAÍAS 2:6

CheYa, añetete reeya kuae tëta ndembae vae, Jacob iñemuña reta, echa kuae ɨvɨ pe tɨnɨe oï teko oyereru kuaraɨ oëa kotɨ güi vae, jare omomora reta susere oimeta vae re omombeu reta, filisteo reta rami, jare oyapo reta ñererökuavee päve ketɨgua reta ndive.

JEREMÍAS 27:9

Ërei ngatu pe reta agüɨye perovia jókuae ñeemombeúa reta jeigüe re, ani maratuta vae imombeúa re, ani mbaɨu re omombeu vae, ani susere re omombeu vae, ani imbaekuaa vae reta oporomboe jei reve, ngaraa peyeokuai mburuvicha guasu Babilonia pegua pe.

DANIEL 2:27

Daniel jei mburuvicha guasu jóvai: —Kuae yaikuaambae vae nde mburuvicha guasu reipota reikuaa vae, ngaraa ipuere oikuaauka ndeve yarakuaa katu vae, yasɨtata re oyemboe vae, ichoropa vae ani maratuta vae imombeúa reta ave.

MIQUEAS 5:12

jökoraiño vi opata amboai pegüi imbaekuaa vae reta jare ngaraa ma oime pepɨte rupi mbaekuaa rupi mbae oecha vae reta;

Hechos 14:16

Tumpa omaeño arakae pegua reta re oyapo vaerä jae reta oipota vae.

DEUTERONOMIO 18:10

Agüɨye pegüi reta kia nunga vae toapɨ imichia tata pe, agüɨye vi kia toyemboe oikuaa vaerä mbaekuaa rupi maratuta kuri vae re, agüɨye perovia moroäɨvo re, ani oekɨ suerte vae ani imbaekuaa vae re,