DEUTERONOMIO 18:13 - Biblia Guarani Tumpa Iñee

¹³ Jáeramo peyapo ikavi vaeño yandeYa Tumpa jóvai.

DEUTERONOMIO 18:13 ပူးပေါင်းရင်းမြစ်များ

GÉNESIS 17:1

Abram noventa y nueve año güɨnoi yave yandeYa oyeechauka chupe, jare jei chupe: —Che ko jae Tumpa Imbaepuere yae ete vae; eiko cheróvai rupi jare eyapo jupi vaeño,

GÉNESIS 6:9

Echa körai arakae Noé: Noé ko jae metei kuimbae jupi vae, ikavi jembiapo opaete vae reta güi jókuae ara rupi; oiko Tumpa jemimbota rupi kavi.

1 REYES 8:61

Jáeramo pepɨa jupi reve kavi peiko yandeYa Tumpa ndive, peyapo reve iporookuai reta jeigüe vae, añave rupi rami.”

JOB 1:1

Ɨvɨ Uz pe oiko metei kuimbae Job jee vae; kuae kuimbae ko jupi, isɨmbi, Tumpa güiño oipoɨu jare oyeandu ikavimbae güi.

JOB 1:8

Jare yandeYa jei Satanás pe: —¿Reikuaa pa cherembiokuai Job, kërai mbaetɨ yé ïru kuimbae kuae ɨvɨ pe jae rami vae, jupi jare jeko sɨmbi vae, oipoɨu chegüi vae jare oyeandu ikavimbae güi vae?

SALMOS 37:37

Emae jupi oiko vae re, echa oime yerovia katu jókuae kuimbae mbɨakatu rupi oiko vae pe.

San Mateo 5:48

Jáeramo, peyapo ikavi vaeño, peRu ara pe oï vae oyapo rami.

Filipenses 3:12

Kuae mbaetɨ ko oipota jei, aupitɨ ma ko opaete mbae, ani jupi kavi yae ma che. Ërei añemoäta ngatu avei ko aupitɨ vaerä, echa jokuaerä Cristo Jesús chepɨɨ.

Filipenses 3:15

Jáeramo, opaete ñanepɨ̈rata ma vae yayemongeta jökorai. Ërei mbaetɨ peyemongeta jökorai yave, Tumpa oechaukata peve.

JOSUÉ 24:14

Añave, pemboete yandeYa, peyeokuai chupe jupi rupi jare mboromboete rupi. Pemombo peyeugüi tumpa ambuae reta peñemuñagüe reta oyeokuai chupe ɨ̈aka Eufrates jovaicho kotɨ vae, jare Egipto pe vae, jare peyeokuai yandeYa pe.

Apocalipsis 3:2

Esareko jare eñemomɨ̈rata jókuae omanota ete ma vae. Echa aecha mbaetɨ jaekavi nderembiapo reta Tumpa jóvai.