DEUTERONOMIO 18:11 - Biblia Guarani Tumpa Iñee

¹¹ mɨakañɨ iyapoa, jare agüɨye ave peyembosuerteuka maratuta vae imombeúa pe, ani ichoropa vae pe, jare agüɨye kia toeka tomomiari omanogüe jekove.

DEUTERONOMIO 18:11 ပူးပေါင်းရင်းမြစ်များ

ÉXODO 22:18

Kuña imbaekuaa vae agüɨye pemaeño toikove.

ISAÍAS 8:19

Jare jei reta yave peve: “Peparandu imbaekuaa vae reta pe, jare mbae maratuta vae imombeúa reta pe.” Ërei pe pere chupe reta: “¿Mbaetɨta pa tëta oparandu iTumpa pe? ¿Oparanduta ra omanogüe vae reta jekove pe, oikove vae reta regua?”

LEVÍTICO 19:26

Agüɨye peu soo jugüɨ reve. Agüɨye pembaekuaa, ani pemomora peikuaa vaerä mbae maratuta vae.

LEVÍTICO 19:31

Agüɨye pekua imbaekuaa vae reta kotɨ ani mbae outa vae re omombeu vae reta kotɨ. Agüɨye peyemongɨa pɨpe. Che ko peYa Tumpa.

LEVÍTICO 20:27

Kuimbae ani kuña oparavɨkɨ aña ndive vae ani imbaekuaa vae reta, toyeyuka oñeärombae reve ita pe; jae reta aeño ko jeko iyeupe imano re.”

LEVÍTICO 20:6

Jare kia nunga vae ojo yave imbaekuaa vae reta kotɨ ani mbae maratuta vae oikuaa vae reta kotɨ, che tayovaicho ikotɨ, jare tamokañɨtei jëtara reta ipɨte güi.

Hechos 16:16

Jare metei ara rojo ye yave yerurea pe, orerövaiti metei kuñatai aña imbaepuere rupi mbae maratuta vae re oikuaa vae. Kuae kuñatai iya reta omongana jeta korepoti jese.

1 SAMUEL 28:8

Jare Saúl oyemonde ambuaeyee, jare ojo mókoi kuimbae ndive pɨ̈tu yave jókuae kuña oïa pe, jare jei chupe: —Romoñera reenɨi vaerä cheve omanogüe vae reta jekove, jare tou jókuae che amombeuta ndeve vae.