DEUTERONOMIO 18:10 - Biblia Guarani Tumpa Iñee

¹⁰ Agüɨye pegüi reta kia nunga vae toapɨ imichia tata pe, agüɨye vi kia toyemboe oikuaa vaerä mbaekuaa rupi maratuta kuri vae re, agüɨye perovia moroäɨvo re, ani oekɨ suerte vae ani imbaekuaa vae re,

DEUTERONOMIO 18:10 ပူးပေါင်းရင်းမြစ်များ

GÉNESIS 44:5

Echa cheya pɨpe ko oɨu, jare pɨpe vi oikuaa mbaembae outa vae. ¡Mbaetɨ ko ikavi kuae peyapo vae!”

2 REYES 16:3

Omomoe mburuvicha guasu reta Israel pegua jeko, echa taɨ oapɨuka tumpa-raanga pe, tëtaguasu reta, yandeYa güɨnoe omombo Israel iñemuña reta jenonde güi vae jeko pɨ̈chɨi yae rami.

2 REYES 17:15

güɨröɨro reta iporookuai jare morogüɨrökuavee päve oyapo iñemuñagüe reta ndive vae, mborookuai reta omee chupe reta vae, jare omboete reta tumpa-raanga reta, tëtaguasu reta iyɨ́vɨri ñogüɨnoi vae rami, yandeYa oyókuai tëi agüɨye vaerä oyapo jókuae tëtaguasu reta jeko vae.

2 REYES 17:17

Oapɨ reta vi taɨ reta jare tayɨ reta tumpa-raanga pe, jare güɨrovia katu reta mbaekuaa rupi maratuta vae re omombeu vae, jare moroäɨvo reta re, oyapo reta ikavimbae yandeYa jesa róvai vae rupi omboarasɨuka.

2 REYES 21:6

Oapɨuka vi taɨ reta tumpa-raanga pe, oyemoambeko mbae oecha vaerä mbaekuaa rupi jare oikuaa vaerä mbae maratuta vae re, oñono imbaekuaa vae reta jare maratuta vae imombeúa reta, jökorai ombojeiete ikavimbae yandeYa jesa róvai vae rupi omboarasɨuka.

2 REYES 23:24

Josías opa vi oyuka imbaekuaa vae reta, maratuta vae imombeúa reta, opa vi omboai tumpa-raanga o rupigua reta, ïru tumpa-raanga reta, opaete mbaembae pɨ̈chɨigüe oime Judá pe, jare Jerusalén pe vae. Oyapo ombopo vaerä Sacerdote Hilcías oväe yandeYa jo pe tembikuatía mborookuai oï pɨpe vae pe jei vae.

1 CRÓNICAS 10:13

Jökorai omano Saúl ipɨapochɨ jeko pegua, echa ñäteɨ oyapo yandeYa oyókuai tëi oyapo vaerä vae. Jare yandeYa jei vae mbaetɨ oyapo, jare ojo oparandu maratuta vae imombeúa pe ramo,

2 CRÓNICAS 28:3

oapɨ vi ikäti kavi vae incienso ɨvɨtɨ päu ipe kavi vae Hinom pe, jare omee taɨ reta oapɨuka vaerä, ïru tëtaguasu reta ikavimbae yae vae oyapoñoi rami, jókuae yandeYa opa güɨnoe omombo Israel iñemuña reta jenonde güi vae.

2 CRÓNICAS 33:6

Oapɨuka vi taɨ reta ɨvɨtɨ päu Hinom pe; oyemoambeko mbae oikuaa vaerä moroäɨvo rupi, oikuaa vaerä mbaekuaa rupi mbae maratuta vae; jare oparandu maratuta vae imombeúa reta pe jare imbaekuaa vae reta pe. Jökorai jeiete oyapo ikavimbae yandeYa jesa róvai, omboarasɨuka regua.

ÉXODO 22:17

Ërei tu mbaetɨ oipota omee chupe yave, tomee korepoti, kuñatai ndeiño kuimbae ndive oasa vae oyemboepɨ rami.

ÉXODO 22:18

Kuña imbaekuaa vae agüɨye pemaeño toikove.

ISAÍAS 47:13

Jeta rereko ndemboarakuaa vae reta, reyembogüéraiti pɨpe. ¡Toyogüeru jókuae yasɨtata reta re oyemboe vae reta, yasɨtata rupi mbae omoërakua raanga vae reta, yasɨ ñavo omoërakua mbaembae outa vae reta, toyogüeru jae reta tandereroasayepe!

JEREMÍAS 27:10

Opaete jókuae jei reta peve vae pembotavɨ ko; che opata ko pogüɨrajauka peɨvɨ güi, opata pomoai moai jare pemanota.

JEREMÍAS 27:9

Ërei ngatu pe reta agüɨye perovia jókuae ñeemombeúa reta jeigüe re, ani maratuta vae imombeúa re, ani mbaɨu re omombeu vae, ani susere re omombeu vae, ani imbaekuaa vae reta oporomboe jei reve, ngaraa peyeokuai mburuvicha guasu Babilonia pegua pe.

JEREMÍAS 32:35

Omopüa reta vi mbaemboete renda reta Baal peguarä, ɨvɨtɨ päu ipe kavi vae Ben-hinom pe, imichia reta oapɨ vaerä jese Moloc pe, jökorai oitɨ reta mbaeyoa pe Judá; mbae ikavimbae yae ko, che mbaetɨ ayókuai jese reta vae jare mbaetɨ vi kërai ave yepe ayemongeta jese vae.

JEREMÍAS 7:31

Jare ɨvɨtɨ päu ipe kavía Ben-hinom jee vae pe omopüa reta mbota reta oyeapɨ jese vae Tofet, jese oapɨ reta vaerä taɨ reta ani tayɨ reta, che mbaetɨ etei ayókuai jese reta vae, mbaetɨ vi kërai ave yepe ayemongeta jese vae.

LEVÍTICO 19:26

Agüɨye peu soo jugüɨ reve. Agüɨye pembaekuaa, ani pemomora peikuaa vaerä mbae maratuta vae.

LEVÍTICO 19:31

Agüɨye pekua imbaekuaa vae reta kotɨ ani mbae outa vae re omombeu vae reta kotɨ. Agüɨye peyemongɨa pɨpe. Che ko peYa Tumpa.

LEVÍTICO 20:6

Jare kia nunga vae ojo yave imbaekuaa vae reta kotɨ ani mbae maratuta vae oikuaa vae reta kotɨ, che tayovaicho ikotɨ, jare tamokañɨtei jëtara reta ipɨte güi.

MIQUEAS 5:12

jökoraiño vi opata amboai pegüi imbaekuaa vae reta jare ngaraa ma oime pepɨte rupi mbaekuaa rupi mbae oecha vae reta;

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

Hechos 19:19

Jökoraiño vi jeta ipaye vae reta güeru itupapire reta, jare oapɨ opaete vae jovake. Jare kuae tupapire reta jepɨ oyepapa yave, oupitɨ cincuenta mil korepoti pegua.

Hechos 8:9

Jare joko pe oiko metei kuimbae Simón jee vae. Jae ko ichoropa vae, jae ombotavɨ Samaria pegua reta mbaembae oyapo vae pe. Jáeramo oyereroviauka yae.

Gálatas 5:20

tumpa-raanga pota, mbaekuaa reta, ñemotareɨ reta, ñeapo reta, ñemoägüɨro reta, ñoraro reta, yoambotaä reta, mboromboe añetembae reta,

DEUTERONOMIO 12:31

Agüɨye jökorai peyapo yandeYa Tumpa pe, echa opaete mbae ikavimbae yandeYa güɨröɨro vae, jae reta oyapo itumpa reta pe, echa taɨ jare tayɨ reta ave oapɨ tata pe itumpa reta peguarä.

1 SAMUEL 15:23

Echa mbaekuaa rupi mbae maratuta vae re oikuaa vae iyoa rami ko ipɨapochɨ vae iyoa; tumpa-raanga omboete vae rami ko iñeereendumbae. Nde reröɨro yandeYa iñee jeko pegua, jae ñereröɨro vi agüɨye vaerä reiko mburuvicha guasurä.”

1 SAMUEL 28:3

Jókuae ara rupi Samuel mbaetɨve ma oiko, omano ma, jare opaete Israel iñemuña reta oäpiro jare oñotɨ reta jëta Ramá pe. Saúl yepe opa omoë omombo jókuae ɨvɨ güi maratuta vae imombeúa reta, jare omanogüe iä oenɨi vae reta.

1 SAMUEL 28:7

Jayave Saúl jei iyɨvɨrigua reta pe: —Peeka cheve metei kuña güɨnoi mbaepuere oenɨi vaerä omanogüe jekove vae, che aja vaerä ípɨri jare jókuae kuña rupi aparandu vaerä. Jare iyɨvɨrigua reta jei chupe: —Endor pe oime metei kuña güɨnoi mbaepuere oenɨi vaerä omanogüe jekove vae.

1 SAMUEL 28:8

Jare Saúl oyemonde ambuaeyee, jare ojo mókoi kuimbae ndive pɨ̈tu yave jókuae kuña oïa pe, jare jei chupe: —Romoñera reenɨi vaerä cheve omanogüe vae reta jekove, jare tou jókuae che amombeuta ndeve vae.

1 SAMUEL 28:9

Jayave jókuae kuña jei chupe: —Reikuaa ko reï Saúl opa omombouka iɨvɨ güi, maratuta vae imombeúa reta jare omanogüe vae iä oenɨi vae reta. ¿Maera pa nekɨ̈reɨ chemoinge teko pe cheyukauka vaerä?