DEUTERONOMIO 18:1 - Biblia Guarani Tumpa Iñee

¹ Sacerdote Leví iñemuña reta, ani opaete Leví iñemuña reta pe mbaetɨta oñemee ɨvɨ, Israel iñemuña reta pe oñemee rami. Yogüɨrekota mɨmba oyeyuka oyeapɨ yandeYa peguarä vae re, jare oñemee chupeguarä vae re.

DEUTERONOMIO 18:1 ပူးပေါင်းရင်းမြစ်များ

JEREMÍAS 33:18

Ngaraa vi oata sacerdote jare levita reta iñemuña güi ara ñavo omee vaerä cheve mɨmba oyeyukagüe opaetei oyeapɨ vae, jare oapɨ reta mbota temitɨ jäɨgüe jare ïru mɨmba reta oyeyukagüe vae.”

EZEQUIEL 44:28

Oimeta jae reta imbaeyekou: Che ko aikota chupe reta imbaeyekourä, ërei agüɨyeta oñemee imbaerä ɨvɨ chupe reta Israel pe. Echa che etei ko jae reta imbae.

NÚMEROS 18:20

Jare yandeYa jei Aarón pe: “Nde mbaetɨta ndeɨvɨ nerëtara Israel iñemuña reta rami, jare jae reta ipɨte pe ave mbaetɨta ndembae ɨvɨ. Che ko jae ndembaeyekou Israel iñemuña reta ipɨte pe.

NÚMEROS 26:62

Jayave Leví iñemuña reta güi oyepapa veintitré mil, opaete kuimbae reta metei yasɨ vae güi kutɨ; echa mbaetɨ oyepapa Israel iñemuña reta ipɨte pe, echa mbaetɨta oñemee chupe reta iɨvɨrä Israel iñemuña reta ipɨte pe.

DEUTERONOMIO 10:9

Jáeramo Leví iñemuña reta mbaetɨ güɨnoi ɨvɨ imbaerä jëtara reta ipɨte pe, jae reta imbae ko yandeYa etei; yandeYa Tumpa jei chupe reta rami.)

DEUTERONOMIO 12:19

Peyeandu agüɨye vaerä pemombo Leví iñemuña reta, peikove peiko ramboeve jókuae ɨvɨ pe.

JOSUÉ 13:14

Ërei Moisés mbaetɨ omee ɨvɨ Leví iñemuña reta pe, echa mɨmba oyeyuka oñemee yandeYa Tumpa pe vae ko jae reta imbaeyekou, jae etei jei chupe reta rami.

JOSUÉ 13:33

Ërei Moisés mbaetɨ omee ɨvɨ Leví iñemuña reta imbaerä, echa jei chupe reta: “YandeYa, Israel iTumpa jae ko pembaeyekou rami.”

JOSUÉ 18:7

Ërei Leví iñemuña reta pe mbaetɨta ɨvɨ oyemboyao pepɨte pe, echa jae reta ko yogüɨrekota sacerdoterä yandeYa pe. Gad jare Rubén iñemuña reta jare Manasés iñemuña reta oyemboyaogüe oime ma güɨnoi reta iɨvɨ, ɨ̈aka Jordán jovaicho kotɨ kuaraɨ oëa kotɨ, Moisés yandeYa jembiokuai omee chupe reta vae.”