DEUTERONOMIO 17:9 - Biblia Guarani Tumpa Iñee

⁹ pekua sacerdote Leví iñemuña pɨri, jare oporojäa vae reta jókuae ara ñogüɨnoi joko pe vae pe peparandu, jare jae reta pemboeta kërai peyapo vaerä.

DEUTERONOMIO 17:9 ပူးပေါင်းရင်းမြစ်များ

1 CRÓNICAS 26:29

Izhar iñemuña reta güi, mburuvicha jare oporojäa vae reta jae Quenanías jare taɨ reta, kuae reta oyemoambeko tupao güi ikatu pe opaete mbae nunga teko re Israel pe vae.

ÉXODO 18:16

Oime yave maratu oyokotɨ, yogüeru chépɨri jare ajäa metei metei rupi jare amombeu chupe reta Tumpa iporookuai reta.

ÉXODO 22:8

ërei mbaetɨ oñeväe yave, jayave o iya toyereraja oporojäa vae reta jóvai, oyekuaa vaerä jae mbaetɨ ra japicha oeya chupe vae re opoko vae.

JEREMÍAS 18:18

Opaete vae reta jei: “Yayapo kavi metei yemongeta Jeremías kotɨ. Echa ngaraa oata sacerdote reta pe yandemboe vaerä, ani yarakuaa katu vae reta oporomboarakuaa vaerä, ani ñeemombeúa reta Tumpa iñee omombeu vaerä. Peyu yamboeko mbae re, agüɨye etei yayeapɨsaka iñee re.”

EZEQUIEL 44:24

Oime ñeapo yave jae reta oporojäata; che aporojäa rami toporojäa reta. Toyapo reta opaete cheporookuai reta jare cheporomboe reta opaete chearete regua, jare toñono tee reta cheara mbutuu pegua.

HAGEO 2:11

“YandeYa Imbaepuere yae ete vae jei körai: Eparandu añave sacerdote reta pe mborookuai regua, körai:

ZACARÍAS 3:7

“YandeYa Imbaepuere yae ete vae jei körai: ‘Reguata jare reiko yave cheremimbota rupi, reporookuaita chero pe, reyangarekota vi cheroka re, jare ameeta ndeve reï vaerä kuae oyeokuai cheve vae reta ndive.

ZACARÍAS 7:3

Jare Sacerdote reta yandeYa Imbaepuere yae ete vae jo pe ñogüɨnoi vae reta pe jare ñeemombeúa reta pe oparandu körai: “¿Jekuaeñota pa orepɨatɨtɨ pandepoa yasɨ pe, jare royekuaku tembíu güi año ñavo, royapo roiko rami?”

MALAQUÍAS 2:7

Echa sacerdote reta oporomboe kavita ko, jare chugüi reta tëta pegua reta oekata mborookuai, echa jae reta ko Tumpa Imbaepuere yae ete vae iñeemombeúa.

DEUTERONOMIO 16:18

Peñono mburuvicha oporojäa vae reta jare imborɨka reta perëta guasu ñavo rupi, yandeYa Tumpa omee ñemuña reta ñavo pe vae, jae reta toporojäa jupi rupi.

DEUTERONOMIO 17:10

Javoi peyapo opaete jae reta jei peve rami.

DEUTERONOMIO 21:5

Jaɨkue rupi toyogüeru sacerdote Leví iñemuña reta, echa yandeYa Tumpa ko oiparavo jae reta jei vaerä ñee kavi yandeYa jee re, jare iñee reta rupi oyemboapɨ vaerä ñeapo ani yoaka reta.

DEUTERONOMIO 25:1

Oime kia nunga reta oñeapo oyoe yave, toyogüɨraja oporojäa vae reta jóvai, jae reta tombojupi jekombae jare tomboeko reta jeko vae.

DEUTERONOMIO 33:10

Ndeporookuai reta re omboeta Jacob, jae ko Israel iñemuña reta; oñono retata ikäti kavi vae incienso nderóvai, jare mɨmba oyeyuka oyeapɨ jese vae ndembae re mɨmba oyeyuka opaetei oyeapɨ vae.