DEUTERONOMIO 17:6 - Biblia Guarani Tumpa Iñee

⁶ Mókoi ani mboapɨ vae oecha kavi vae jeigüe reño ipuere omano jeko vae, ërei metei vae jeigüe reño agüɨye tomano.

DEUTERONOMIO 17:6 ပူးပေါင်းရင်းမြစ်များ

NÚMEROS 35:30

Oipotagüe oporoyuka vae, toñejäa omano vaerä, mbovɨ katu imiari jese vae yave, ërei metei vaeño imiari rupi agüɨye toyemboeko omano vaerä.

San Mateo 18:16

Ërei mbaetɨ oipota oyeapɨsaka nderé yave, eraja nderupíe metei ani mókoi neïrurä, oikuaa vaerä mókoi ani mboapɨ vae jóvai mbae pere vae.

San Juan 7:51

—Mborookuai ñanoi vae, ¿ipuere yera kia ojäa ndei yayeapɨsaka jese mbove?, jare ¿ndei yaikuaa kavi mbove mbae ra oyapo vae?

2 Corintios 13:1

Kuae jae mboapɨa ma ajata pépɨri vae. Oime yave kia teko oyapo vae, timiari mókoi ani mboapɨ oikuaa kavi jeko regua vae, yaikuaa vaerä añete ra vae.

DEUTERONOMIO 19:15

Kia nunga vae agüɨye toyemboeko mbae re, metei vae imiari reño, mbaeyoa re ani mbae nunga oyavɨ vae re. Mókoi vae ani mboapɨ vae iñee reño toyeapo jókuae ñeapo.

1 Timoteo 5:19

Oime yave kia omboeko oporogüɨrovia vae reta itenondegua mbae re, agüɨye eyeapɨsaka jese mbaetɨ yave imiari mókoi ani mboapɨ jese oikuaa kavi jeko regua vae.

Hebreos 10:28

Kia nunga vae oyapoä Moisés iporookuai yave, mókoi ani mboapɨ vae omombeu yave iyoa re, tomano oyepararekombae reve.